វត្តសំពៅប្រាំ លើភ្នំបូកគោ មានប្រវត្តិពាក់ព័ន្ធ ទៅនឹងរឿងព្រេង ព្រះថោង នាងនាគ
ដោយ៖ សេង ស៊ីដារ៉ូ
វត្តសំពៅប្រាំ ឋិននៅលើខ្ពង់រាបនៃភ្នំបូកគោ
និងជាទីក្រុងទេសចរណ៍ មួយយ៉ាងសំខាន់ នៃប្រទេសកម្ពុជាដែលមានខ្យល់អាកាសជាប់ទៅនឹងមាត់សមុទ្រល្អបរិសុទ្ធ
កាលពីដើមឡើយស្ថិតនៅក្នុង ឃុំកោះតូច ស្រុកកំពត ខេត្តកំពត។
ភ្នំនេះ កសាងជាផ្លូវថ្នល់
ព័ន្ធជុំវិញតាមចង្កេះភ្នំ កាត់ជ្រោះភ្នំ សម្រាប់ធ្វើការឡើងទៅកាន់កំពូលភ្នំ មានរថយន្តតូចគ្រប់ធន
បើកបរបានគ្មានសំបាកទេ លើកលែងតែរថយន្តធំវែងៗ បើកបរពុំបាន ព្រោះផ្លូវបត់បែនខ្លាំងពេក។
ផ្លូវឡើងភ្នំនេះ មានចម្ងាយ៣២គីឡូ ចាប់ពីត្រង់បែកចេញពីផ្លូវជាតិលេខ៣ (ផ្លូវកំពតទៅវាលរេញ)
ពីដើមខ្ពង់រាបបូកគោ ជាកន្លែងយកខ្យល់អាកាសសម្រាប់ជនជាតិអឺរ៉ុប ដែលជាអាណាព្យបាលស្រុកយើង
គឺ លផក ហ្វ្រងស្វា-បីដ្វាំងស៊ីដង់ស៊ុប៉េរីយើ នៅប្រទេសកម្ពុជា បានសម្ពោធជាផ្លូវការកាលពីឆ្នាំ១៩២៥។
ដោយឃើញរូបភាពនៃថ្មទាំង៥ផែននេះ
មានសណ្ឋានដូចដំពៅ៥ កំពុងបើកក្តោង ហើយការកសាងវត្តនេះ ក៏ត្រូវធ្វើនៅជាប់ផែនថ្មនេះតែម្តង
ទើបអ្នកផងហៅទីនេះតាមសន្មតថា “វត្តសំពៅប្រាំ”។ ហើយបានក្លាយទៅជារឿងព្រេងនិទានពីវត្តសំពៅប្រាំនេះថា
ក្នុងកាលកន្លងយូរមកហើយ មានស្តេចខ្មែរមួយអង្គព្រះនាម ព្រះថោង គឺព្រះអង្គម្ចាស់ ការតូចព្រះទ័យនឹងមិតា
ដែលតម្រូវឲ្យត្រង់គោរពបូជា ព្រះអនុជពៅម្លោះហើយទ្រងយាងចេញពីព្រះរាជវាំង ជាមួយបក្សពួកដើម្បីចេញឲ្យឆ្ងាយពីរាជវាំង
ទៅដល់ឆ្នេរខ្សាចមួយ ដែលមានដើមឆ្លកមួយដើម ដុះនាកណ្តាលខ្សាច់នោះ។
ព្រះអង្គបញ្ឈប់ពលរេហ៍នៅទីនោះ
សម្រាកព្រះកាយនៅក្រោមដើមធ្លក ពេលព្រលឹងស្រាងៗឡើង
ទ្រងយាងមួយព្រះអង្គឯងលំហែព្រះកាយ តាមមាត់សមុទ្រកាន់តែឆ្ងាយទៅៗ
ស្រាប់តែឮសំលេងមនុស្សអ៊ូអរ ព្រះអង្គក៏យាងទៅជិតបានជួបនឹងនាងនាគ ដែលកំពុងនាំភីលៀង មកកំសាន្តឆ្នេរសមុទ្រនោះដែរ។
ព្រះអង្គ បានលួងលោមស្រឡាញ់នាងនាគៗ ក៏យល់ព្រំ តែសុំឲ្យព្រះអង្គតោកកន្ទុយនាគដើម្បីជ្រែកទឹកទៅកាន់ឋាននាគថ្វាយបង្គំព្រះបាទភុជង្គនាគជាព្រះបិតា
។
លុះព្រះអង្គតាមព្រះនាង
ដល់ឋាននាគ អស់រយៈពេលប្រាំពីរថ្ងៃ ក៏សុំលាព្រះបិតានាំមហេសីវិលមកឋាន មនុស្សវិញ កាលនោះព្រះបាទភុជង្គនាគ
ក៏បានរៀបចំប្រដាប់ប្រដាជាព្រព្យមានតម្លៃ ចំនួនប្រាំសំពៅដើម្បីដង្ហែព្រះរាជបុត្រមកគ្រប់គ្រងរាជនៅឋានមនុស្សលោក។
សំពៅទាំងប្រាំនេះ បានបើកក្តោងសំដៅទៅមាត់សមុទ្រជាយដែនប្រទេស
ហើយក៏ចូលចតតម្រៀបគ្នា រើប្រដាប់ប្រដាចេញពីសំពៅ ហើយដឹកជញ្ជូនយកទៅរកទីណាមួយមានទួលខ្ពស់
ដើម្បីរៀបចំកសាងជាទីក្រុងឡើង។
ឯសំពៅទាំង៥នោះ
ក៏បញ្ឈរទុកសម្រាប់ព្រះអង្គ មានដំណើរទៅណាមកណា ទ្រង់គង់ក្រសាលតាមព្រះចិន្តា។
ពលរេហ៍ទាំង៥០០នាក់ ដង្ហែព្រះថោងនាងនាគ ទៅស្ថាបនាទីក្រុងរាជនិវេសន៍ទាំងអស់គ្នាទៅនៅសល់តែសំបកសំពៅ។
លុះអស់កាលយូរលង់ក្រោយមក ឆ្នេរសមុទ្រក៏ចេះតែស្រុតឆ្ងាយទៅៗ ដ៏ក៏កាន់តែដុះខ្ពស់ឡើងៗ សំពៅទាំង៥នោះ
ក៏កឿងនៅជាប់នឹងច្រាំង ហើយយូរៗទៅក៏រឹងទៅជាថ្ម លិចបាត់តួសំពៅទៅក្នុងដី នៅសល់តែក្តោងទាំង៥
ដែលគេឃើញសព្វថ្ងៃនេះ។
បើតាមការស្រាវជ្រាវវិញ
វត្តនេះ ពុំមែនវត្តបុរាណណាស់ណាទេ គឺជាវត្តថ្មីមួយដែលព្រះករុណា ព្រះបាទ សម្តេចព្រះស៊ីសុវត្ថិ-មុនីវង្ស
ព្រះចៅប្រទេសកម្ពុជាទ្រង់កសាងឡើងកាលពី គ.ស ១៩២៤ គឺនៅគ្រាដែលរាជការអាណាព្យាបាលបារាំង
គេស្ថាបនាទីតំបន់បូកគោ ធ្វើជាទីលំហែសម្រាប់យកខ្យល់ត្រជាក់តាមធាតុអាកាសនៅអឺរ៉ុប។
កាលនោះរាជការបារាំង បានថ្វាយចំពោះព្រះករុណាជាអម្ចាស់ជីវិត នូវទីកន្លែងមួយ សម្រាប់ព្រះអង្គស្ថាបនា
ជាព្រះរាជដំណាក់មួយនៅភ្នំបូកគោនោះដែរ ដូច្នេះហើយព្រះអង្គ ក៏ផ្តួចផ្តើម ព្រះ ទ័យ កសាងជាវត្តមួយនេះឡើង
ដោយជ្រើសរើសយកទីទួលដែលនៅជាប់ នឹងផែនថ្ម៥សន្លឹកធំៗនោះជាព្រះវិហារមួយតួចតែស្អាតស្អំ
និងចេតិយតូចមួយទៀត។
នៅពីមុខព្រះវិហារនេះ
គេសន្មតយកនាមភិយ្យោថា “វត្តសំពៅប្រាំ” គឺយកតាមលំនាំទីកន្លែងលើទួលនោះ ដែលមានសន្លឹកផែនថ្មធំៗ
ដូចជាក្តោងសំពៅប្រាំផ្ទាំងស្ថិតនៅត្រង់នោះស្រាប់។
សព្វថ្ងៃ ភ្នំបូកគោ
ជាទីមនោរម្យមួយសម្រាប់ទេសចរធ្វើដំណើរ ទៅលំហែរសម្រាកកាយ គ្រប់ពេល ដែលឈប់សម្រាកពីការងារ
ម្លោះហើយវត្តសំពៅប្រាំ ក៏ទៅជារមណីយដ្ឋានមួយ ដែលគេស្គាល់ច្រើន៕
Post a Comment