ប្រពៃណីស្លៀកប៉ឹង របស់ជនជាតិភាគតិច មិនចាញ់ជនជាតិឯទៀតៗឡើយ និងមានអាយុកាលប្រមាណជាង ២៥០០ឆ្នាំ
ភ្នំពេញៈ
ដោយ៖ សេង ស៊ីដារ៉ូ
តាមភស្តុតាងរូបភាព និងឯកសារជាច្រើននាពេលថ្មីៗនេះ បានបញ្ជាក់ឲ្យដឹងថា ប្រពៃណីស្លឹកប៉ឹងរបស់ជនជាតិខ្មែរ ត្រូវបានសំអាងលើគំនូរពណ៌នាកាលពិសម័យលោហធាតុ ដែលគេបានរកឃើញ នៅក្នុងខេត្តនគររាជសី នៃប្រទេសថៃ សព្វថ្ងៃនេះ រួមទាំងចម្លាក់ធ្វើអំពីសំរឹទ្ធ នៅក្នុងប្រទេសខ្មែរយើងផងដែរ។
ភស្តុតាងខាងបុរាណវត្ថុវិទ្យាទាំងអស់នេះ ត្រូវបានចាត់ទុកថា ជាសមិទ្ធផលសង្គមខ្មែរបុរាណ។ ការស្លៀកប៉ឹង របស់ជនជាតិខ្មែរយើង មានអាយុកាលប្រមាណជាង ២៥០០ឆ្នាំ មកហើយ។ ឯកសារ និងភស្តុតាង ចំពោះការស្លៀកប៉ឹងនេះ គេក៏បានយកចម្លាក់សំរឹទ្ធតូចៗ ចំនួន៣ ដែលលោក ដាំ ឈឿន បានឃើញនៅភូមិព្រីងទុំ ស្រុកព្រះនេត្រព្រះ ខេត្តបន្ទាយមានជ័យ កាលពីឆ្នាំ១៩៦៩ មកធ្វើការស្រាវជ្រាវបន្ថែមទៀត។
ដោយឡែកឯកសាររូបភាព នាសម័យអាណានិគមបារាំង បានឲ្យដឹងថា សូម្បីប្រជាជនក្រីក្រអំឡុងស.វទី១៩ និងដើមស.វទី២០ ក៏ពួកគេនៅបន្តស្លៀកប៉ឹង ដូចជាសម័យរាប់ពាន់ឆ្នាំកន្លងមកដែរ។
តាមឯកសារស្រាវជ្រាវ បានធ្វើឲ្យយើងដឹងបន្ថែមទៀតថា មានតែជនជាតិខ្មែរយើងទេ ដែលមានភាពចំណាស់ជាងគេ ក្នុងការស្លៀកប៉ឹងនេះ។ រីឯជនជាតិថៃ និងវៀតណាម ដែលជាប្រទេសមានភូមិសាស្ត្រ ជាប់ជាមួយប្រទេសខ្មែរយើង ក៏គេមិនចេះស្លៀកប៉ឹងដូចកុលសម្ព័ន្ធខ្មែរលើ និងជនជាតិខ្មែរយើងឡើយ។ យើងអាចនិយាយបន្ថែមទៀតថា ក្រៅពីឯកសារ និងភស្តុតាងរូបចម្លាក់ស្លៀកប៉ឹង រួមទាំងប្រពៃណីស្លៀកប៉ឹង ជនជាតិខ្មែរ ដែលមានជារបាំរបស់ជនជាតិស្លៀកប៉ឹងនេះ គឺជាក់ស្តែងជនជាតិខ្មែរដើម ភាគតិចនៅក្នុងភូមិភាគឥសានក៏នៅតែបន្ត ស្លៀកប៉ឹងរហូតមកដល់បច្ចុប្បន្ននេះ នៅឡើយដែរ៕
ដោយ៖ សេង ស៊ីដារ៉ូ
ភស្តុតាងខាងបុរាណវត្ថុវិទ្យាទាំងអស់នេះ ត្រូវបានចាត់ទុកថា ជាសមិទ្ធផលសង្គមខ្មែរបុរាណ។ ការស្លៀកប៉ឹង របស់ជនជាតិខ្មែរយើង មានអាយុកាលប្រមាណជាង ២៥០០ឆ្នាំ មកហើយ។ ឯកសារ និងភស្តុតាង ចំពោះការស្លៀកប៉ឹងនេះ គេក៏បានយកចម្លាក់សំរឹទ្ធតូចៗ ចំនួន៣ ដែលលោក ដាំ ឈឿន បានឃើញនៅភូមិព្រីងទុំ ស្រុកព្រះនេត្រព្រះ ខេត្តបន្ទាយមានជ័យ កាលពីឆ្នាំ១៩៦៩ មកធ្វើការស្រាវជ្រាវបន្ថែមទៀត។
តាមឯកសារស្រាវជ្រាវ បានធ្វើឲ្យយើងដឹងបន្ថែមទៀតថា មានតែជនជាតិខ្មែរយើងទេ ដែលមានភាពចំណាស់ជាងគេ ក្នុងការស្លៀកប៉ឹងនេះ។ រីឯជនជាតិថៃ និងវៀតណាម ដែលជាប្រទេសមានភូមិសាស្ត្រ ជាប់ជាមួយប្រទេសខ្មែរយើង ក៏គេមិនចេះស្លៀកប៉ឹងដូចកុលសម្ព័ន្ធខ្មែរលើ និងជនជាតិខ្មែរយើងឡើយ។ យើងអាចនិយាយបន្ថែមទៀតថា ក្រៅពីឯកសារ និងភស្តុតាងរូបចម្លាក់ស្លៀកប៉ឹង រួមទាំងប្រពៃណីស្លៀកប៉ឹង ជនជាតិខ្មែរ ដែលមានជារបាំរបស់ជនជាតិស្លៀកប៉ឹងនេះ គឺជាក់ស្តែងជនជាតិខ្មែរដើម ភាគតិចនៅក្នុងភូមិភាគឥសានក៏នៅតែបន្ត ស្លៀកប៉ឹងរហូតមកដល់បច្ចុប្បន្ននេះ នៅឡើយដែរ៕
Post a Comment