ប្រពៃណីបំបួសនាគ គឺដើម្បីញែកវ័យកំលោះ ឲ្យដាច់ពីវ័យក្រមុំ ពិសេស ភ្ជាប់និស្ស័យជាមួយព្រះពុទ្ធសាសនា
ភ្នំពេញៈ
ដោយ៖ សេង ស៊ីដារ៉ូ
នាគ មានន័យថា ប្រសើរ ចម្បង ឬបរិសុទ្ធ ហើយកុលបុត្រដែលមានចិត្តជ្រះថ្លាបានបួសរៀន ក្នុងព្រះពុទ្ធសាសនា គឺហៅថា នាគ ព្រោះអ្នកនោះមានគំនិតបម្រុងនឹងប្រព្រឹត្តព្រហ្មចរិយាធម៌សម្រាប់បព្វជិត។
គោលបំណងនៃពិធីបំបួសនាគនេះ ដូចយើងដឹងត្រួសៗខ្លះទៅហើយនៅចំណុចខាងលើនេះ ថា គេធ្វើពិធីនេះឡើងដើម្បីញែកវ័យកំលោះ ឲ្យដាច់ពីវ័យក្រមុំ និងជាពិសេស ដើម្បីភ្ជាប់និស្ស័យជាមួយព្រះពុទ្ធសាសនា ។ គោលបំណងសំខាន់ ផ្សេងទៀតនោះគឺ គេបួសរៀនដើម្បីក្រេបយកចំណេះដឹងផ្សេងៗ និងដើម្បីសងគុណមាតាបិតាផង។
ខ្មែរយល់ថា ការបួសជាសាមណេរ ពីអាយុ១៣-២០ឆ្នាំ គឺដើម្បីសងគុណម្តាយ ហើយការបួសជាភិក្ខុ ពីអាយុ ២០ឆ្នាំឡើងទៅ គឺដើម្បីសងគុណឪពុក ។
ពិធីបំបួសនាគ គឺជាពិធីឆ្លងវ័យដ៏សំខាន់មួយសម្រាប់ក្មេងប្រុស ហើយពិធីនេះអាចឆ្លុះបញ្ចាំងថា ប្រុសដែលចូលក្នុងវ័យកំលោះ គេតែងញែកចេញឲ្យដាច់ពីស្រី ដែលឈានចូលដល់វ័យក្រមុំ។ ជាក់ស្តែងនៅសម័យមុន ក្នុងពេលដែលយុវតីចូលម្លប់ យុវជនប្រុសៗជាទូទៅត្រូវ ចូលបួសរៀនក្នុងសំណាក់ព្រះពុទ្ធសាសនា។
កត្តានេះហើយ ទើបខ្មែរយើងនិយមនិយាយថា “បួសរៀន” ហើយនៅស្រុកស្រែចម្ការ ចាស់ៗភាគច្រើនចូលចិត្តរាប់អានអន្ទិត ព្រោះគេយល់ថា ជាអ្នកដែលបានបួសរៀនចេះដឹង និងមានកិរិយាមារយាទល្អប្រពៃ។
ប្រវត្តិនៃពិធីបំបួសនាគ ការបួសរៀនក្នុងព្រះពុទ្ធសាសនា នៅប្រទេសកម្ពុជា មានប្រវត្តិតាំងពីយូរមកហើយ។ក្រុមជំនុំទំនៀមទម្លាប់ខ្មែរបានបញ្ជាក់ថា ប្រជាជនខ្មែរទាំងរាស្ត្រ និងស្តេច រមែងនិយមការបួសរៀនតាំងពីសម័យ ដែលព្រះពុទ្ធសាសនា បានផ្សាយចូលមកដល់ប្រទេសកម្ពុជាម្លេះ ដោយគេចង់ជម្រះខ្លួន ឲ្យបរិសុទ្ធ និងដើម្បីញាតិជិតខាងរួមដំណើរដង្ហែរនៃពិធីនេះ។
បំបួសនាគនេះ ជាដំបូងគេរៀបចំតុបតែងនាគ ដោយសម្លៀកបំពាក់ស្អាត និងគ្រឿងអលង្ការផ្សេងៗបៀបដូចជាព្រះសិទ្ធត្ថ ដែលរស់នៅក្នុងវាំងប្រកបដោយរាជសម្បត្តិគ្រប់យ៉ាង មុននឹងយាងទៅសាងផ្នួសផងដែរ។ បន្ទាប់ពីកិច្ចនេះចប់ ទើបគេចាប់ផ្តើមហែនាគចេញពីភូមិរៀងៗខ្លួន រហូតជួបគ្នាកើតជាក្រុមកាន់តែធំឡើងៗ ។ ជាទូទៅនាគ តែងតែជិះសេះ តែបើពុំមានសេះទេនោះ គេឲ្យនាក់ជិះកង់ដោយមានអ្នកដឹកបណ្តើរ ហើយតំបន់ខ្លះដែលសម្បួរដំរី (ឧ. ខេត្តសុរិន្ទ្រ) គេឲ្យនាគជិះដំរីទៀតផង។ ក្រៅពីនាគ មនុស្សដែលតាមហែហមនាគនោះសុទ្ធតែនាំគ្នាដើរទាំងអស់។ ទន្ទឹមនឹងនេះដែរ គេក៏មានលេងភ្លេងកំដរ ដូចជា ភ្លេងពិណពាទ្យ និងឆាំយុំាំជាដើម រហូតចូលដល់វត្ត ដែលមានមនុស្សម្នាច្រើនកុះករ។
អ្នកស្រាវជ្រាវ ព្រះពុទ្ធសាសនា អាចរកតឹកតាំងពីសម័យបុរាណបានខ្លះដែរ ដូចយ៉ាងសិលាចារឹក នៅសសរប្រាសាទអង្គរវត្ត ត្រង់ថ្នាក់កណ្តាល ពីខាងមុខបាននិយាយដល់រឿងព្រះរាជាទ្រង់បំបួសព្រះរាជបុត្រ។
តាមទំនៀមបុរាណ គេនិយមបំបួសនាគជារាស្ត្រ ក្នុងរវាងពាក់កណ្តាល ខែជេស្ឋ និងបំបួសនាគជាព្រះរាជវង្សានុវង្ស នៅរវាងពាក់កណ្តាល ខែអាសាឍ។ លុះមកទល់នឹងរាជ្យព្រះបាទនរោត្តម ពិធីនេះក៏ត្រូវបង្រួមមកធ្វើនៅក្នុងខែអាសាឍទាំងអស់វិញ តែគេបំបួសនាគរាស្ត្រ និងនាគរាជវង្សានុវង្ស ក្នុងថ្ងៃផ្សេងគ្នាដដែល។ ក្នុងរជ្ជកាលក្រោយៗ មកទៀត គេនិយមធ្វើពេលជាមួយគ្នា ពោលគឺក្នុងថ្ងៃ ១៤កើត និង១៥កើតវិញម្តង។
នៅពេលសព្វថ្ងៃនេះ យើងសង្កេតឃើញថា ពិធីបំបួសនាគ នៅតែបន្តអត្ថិភាពរបស់ខ្លួនដដែល ក៏ប៉ុន្តែយើងហាក់ពុំប្រទះឃើញពិធីបំបួសនាគព្រះរាជវង្សានុវង្ស ធ្វើជាទូទៅ និងជាឱឡារឹកដូចសម័យមុនទៀតឡើយ។
ការប្រព្រឹត្តទៅនៃពិធីបំបួសនាគ គួរកត់សម្គាល់ដែរថា ពិធីបំបួសនាគនេះ គឺជារឿយៗ តែងធ្វើចូលគ្នាយ៉ាងឱឡារិកជួនកាលមាននាគ ចំនួនក្រោម១០ ហើយជួនកាលទៀតអាចឈាន ដល់ទៅរាប់សិបនាក់ក៏មានដែរ ។
បើនិយាយដោយសង្ខេប កិច្ចសំខាន់ក្នុងពេលយប់ គឺពិធីហៅព្រលឹងនាគ ហើយពិធីនេះ នឹងបញ្ចប់ទៅដោយកិច្ចជញ្ជត់ព្រលឹងនាពេលទាបភ្លឺ។ ក្នុងពេលធ្វើពិធីហៅព្រលឹងនេះ គេក៏មានភ្ជាប់ដោយការបង្វិលពពិល ឲ្យនាគផងដែរ ហើយនៅកន្លែងខ្លះ ដែលកាន់ប្រពៃណីខ្លាំង គែឲ្យនាគដេកលើអង្កររាបទៀតផង។ ពេលព្រឹកព្រលឹមគេរៀបពិធីសំខាន់មួយទៀត គឺពិធីធ្វើធ្មេញ ដោយមានភ្ជាប់ជាមួយនូវកិច្ចផ្សេងៗទៀត។
ពិធីសំខាន់ចុងក្រោយ ដែលធ្វើឲ្យនាគនឹងក្លាយជាបព្វជិតនោះ គឺកិច្ចបំបួស ដែលត្រូវធ្វើនៅក្នុងព្រះវិហារ នៅ ពេលរសៀល ហើយកិច្ចនេះមាន បែបបទហ្មត់ចត់ណាស់។ កាយវិការចុងក្រោយបង្អស់ ដែលនាគលះបង់ភាពជានាគមកជា បព្វជិតនោះ គឺត្រង់ពេលដែលឧបជ្ឈាយ៍ «ទាក់ក» នាគ ហើយនាគត្រូវដោះសំពត់ហូល សាវស្បៃ និងអលង្ការ នានា ចេញពីខ្លួនដោយមកស្លៀកស្បង់ គ្រងជីពរពេញលេញជាអ្នកបួសពិតប្រាកដ៕
ដោយ៖ សេង ស៊ីដារ៉ូ
នាគ មានន័យថា ប្រសើរ ចម្បង ឬបរិសុទ្ធ ហើយកុលបុត្រដែលមានចិត្តជ្រះថ្លាបានបួសរៀន ក្នុងព្រះពុទ្ធសាសនា គឺហៅថា នាគ ព្រោះអ្នកនោះមានគំនិតបម្រុងនឹងប្រព្រឹត្តព្រហ្មចរិយាធម៌សម្រាប់បព្វជិត។
គោលបំណងនៃពិធីបំបួសនាគនេះ ដូចយើងដឹងត្រួសៗខ្លះទៅហើយនៅចំណុចខាងលើនេះ ថា គេធ្វើពិធីនេះឡើងដើម្បីញែកវ័យកំលោះ ឲ្យដាច់ពីវ័យក្រមុំ និងជាពិសេស ដើម្បីភ្ជាប់និស្ស័យជាមួយព្រះពុទ្ធសាសនា ។ គោលបំណងសំខាន់ ផ្សេងទៀតនោះគឺ គេបួសរៀនដើម្បីក្រេបយកចំណេះដឹងផ្សេងៗ និងដើម្បីសងគុណមាតាបិតាផង។
ខ្មែរយល់ថា ការបួសជាសាមណេរ ពីអាយុ១៣-២០ឆ្នាំ គឺដើម្បីសងគុណម្តាយ ហើយការបួសជាភិក្ខុ ពីអាយុ ២០ឆ្នាំឡើងទៅ គឺដើម្បីសងគុណឪពុក ។
កត្តានេះហើយ ទើបខ្មែរយើងនិយមនិយាយថា “បួសរៀន” ហើយនៅស្រុកស្រែចម្ការ ចាស់ៗភាគច្រើនចូលចិត្តរាប់អានអន្ទិត ព្រោះគេយល់ថា ជាអ្នកដែលបានបួសរៀនចេះដឹង និងមានកិរិយាមារយាទល្អប្រពៃ។
ប្រវត្តិនៃពិធីបំបួសនាគ ការបួសរៀនក្នុងព្រះពុទ្ធសាសនា នៅប្រទេសកម្ពុជា មានប្រវត្តិតាំងពីយូរមកហើយ។ក្រុមជំនុំទំនៀមទម្លាប់ខ្មែរបានបញ្ជាក់ថា ប្រជាជនខ្មែរទាំងរាស្ត្រ និងស្តេច រមែងនិយមការបួសរៀនតាំងពីសម័យ ដែលព្រះពុទ្ធសាសនា បានផ្សាយចូលមកដល់ប្រទេសកម្ពុជាម្លេះ ដោយគេចង់ជម្រះខ្លួន ឲ្យបរិសុទ្ធ និងដើម្បីញាតិជិតខាងរួមដំណើរដង្ហែរនៃពិធីនេះ។
បំបួសនាគនេះ ជាដំបូងគេរៀបចំតុបតែងនាគ ដោយសម្លៀកបំពាក់ស្អាត និងគ្រឿងអលង្ការផ្សេងៗបៀបដូចជាព្រះសិទ្ធត្ថ ដែលរស់នៅក្នុងវាំងប្រកបដោយរាជសម្បត្តិគ្រប់យ៉ាង មុននឹងយាងទៅសាងផ្នួសផងដែរ។ បន្ទាប់ពីកិច្ចនេះចប់ ទើបគេចាប់ផ្តើមហែនាគចេញពីភូមិរៀងៗខ្លួន រហូតជួបគ្នាកើតជាក្រុមកាន់តែធំឡើងៗ ។ ជាទូទៅនាគ តែងតែជិះសេះ តែបើពុំមានសេះទេនោះ គេឲ្យនាក់ជិះកង់ដោយមានអ្នកដឹកបណ្តើរ ហើយតំបន់ខ្លះដែលសម្បួរដំរី (ឧ. ខេត្តសុរិន្ទ្រ) គេឲ្យនាគជិះដំរីទៀតផង។ ក្រៅពីនាគ មនុស្សដែលតាមហែហមនាគនោះសុទ្ធតែនាំគ្នាដើរទាំងអស់។ ទន្ទឹមនឹងនេះដែរ គេក៏មានលេងភ្លេងកំដរ ដូចជា ភ្លេងពិណពាទ្យ និងឆាំយុំាំជាដើម រហូតចូលដល់វត្ត ដែលមានមនុស្សម្នាច្រើនកុះករ។
អ្នកស្រាវជ្រាវ ព្រះពុទ្ធសាសនា អាចរកតឹកតាំងពីសម័យបុរាណបានខ្លះដែរ ដូចយ៉ាងសិលាចារឹក នៅសសរប្រាសាទអង្គរវត្ត ត្រង់ថ្នាក់កណ្តាល ពីខាងមុខបាននិយាយដល់រឿងព្រះរាជាទ្រង់បំបួសព្រះរាជបុត្រ។
តាមទំនៀមបុរាណ គេនិយមបំបួសនាគជារាស្ត្រ ក្នុងរវាងពាក់កណ្តាល ខែជេស្ឋ និងបំបួសនាគជាព្រះរាជវង្សានុវង្ស នៅរវាងពាក់កណ្តាល ខែអាសាឍ។ លុះមកទល់នឹងរាជ្យព្រះបាទនរោត្តម ពិធីនេះក៏ត្រូវបង្រួមមកធ្វើនៅក្នុងខែអាសាឍទាំងអស់វិញ តែគេបំបួសនាគរាស្ត្រ និងនាគរាជវង្សានុវង្ស ក្នុងថ្ងៃផ្សេងគ្នាដដែល។ ក្នុងរជ្ជកាលក្រោយៗ មកទៀត គេនិយមធ្វើពេលជាមួយគ្នា ពោលគឺក្នុងថ្ងៃ ១៤កើត និង១៥កើតវិញម្តង។
នៅពេលសព្វថ្ងៃនេះ យើងសង្កេតឃើញថា ពិធីបំបួសនាគ នៅតែបន្តអត្ថិភាពរបស់ខ្លួនដដែល ក៏ប៉ុន្តែយើងហាក់ពុំប្រទះឃើញពិធីបំបួសនាគព្រះរាជវង្សានុវង្ស ធ្វើជាទូទៅ និងជាឱឡារឹកដូចសម័យមុនទៀតឡើយ។
ការប្រព្រឹត្តទៅនៃពិធីបំបួសនាគ គួរកត់សម្គាល់ដែរថា ពិធីបំបួសនាគនេះ គឺជារឿយៗ តែងធ្វើចូលគ្នាយ៉ាងឱឡារិកជួនកាលមាននាគ ចំនួនក្រោម១០ ហើយជួនកាលទៀតអាចឈាន ដល់ទៅរាប់សិបនាក់ក៏មានដែរ ។
បើនិយាយដោយសង្ខេប កិច្ចសំខាន់ក្នុងពេលយប់ គឺពិធីហៅព្រលឹងនាគ ហើយពិធីនេះ នឹងបញ្ចប់ទៅដោយកិច្ចជញ្ជត់ព្រលឹងនាពេលទាបភ្លឺ។ ក្នុងពេលធ្វើពិធីហៅព្រលឹងនេះ គេក៏មានភ្ជាប់ដោយការបង្វិលពពិល ឲ្យនាគផងដែរ ហើយនៅកន្លែងខ្លះ ដែលកាន់ប្រពៃណីខ្លាំង គែឲ្យនាគដេកលើអង្កររាបទៀតផង។ ពេលព្រឹកព្រលឹមគេរៀបពិធីសំខាន់មួយទៀត គឺពិធីធ្វើធ្មេញ ដោយមានភ្ជាប់ជាមួយនូវកិច្ចផ្សេងៗទៀត។
ពិធីសំខាន់ចុងក្រោយ ដែលធ្វើឲ្យនាគនឹងក្លាយជាបព្វជិតនោះ គឺកិច្ចបំបួស ដែលត្រូវធ្វើនៅក្នុងព្រះវិហារ នៅ ពេលរសៀល ហើយកិច្ចនេះមាន បែបបទហ្មត់ចត់ណាស់។ កាយវិការចុងក្រោយបង្អស់ ដែលនាគលះបង់ភាពជានាគមកជា បព្វជិតនោះ គឺត្រង់ពេលដែលឧបជ្ឈាយ៍ «ទាក់ក» នាគ ហើយនាគត្រូវដោះសំពត់ហូល សាវស្បៃ និងអលង្ការ នានា ចេញពីខ្លួនដោយមកស្លៀកស្បង់ គ្រងជីពរពេញលេញជាអ្នកបួសពិតប្រាកដ៕
Post a Comment