កំណើតព្រះវិស្ណុ ឬព្រះនារាយណ៍ នៅក្នុងសាសនាព្រាហ្ម
ភ្នំពេញៈ
ដោយ៖ សេង ស៊ីដារ៉ូ
ការគោរពបូជាព្រះវិស្ណុ ឬព្រះនរាយណ៍ បានដើរតួនាទីយ៉ាងសំខាន់ ក្នុងវប្បធម៌ខ្មែរ តាំងពីដើមសតវត្សទី១ នៃគ.ស។ តើព្រះអាទិទេព ចម្បងនៃលទ្ធិត្រីម៌ូតិមា ប្រភពចេញពីណាមក? ចំពោះប្រវត្តិរបស់ព្រះអាទិទេព អង្គនេះ បានលោកស្រី ហ្គី តូ ធ្វើការពិពណ៌នាយ៉ាងក្បោះក្បាយ ក្នុងអត្ថបទមួយមានចំណងជើងថា “khmer sculpture and the Khmer Civilization” ដែលកន្លងមកប្រែ និងរៀបរៀងឡើងវិញដោយ លោក ធន់ ហ៊ីង។
ទិន្នន័យថ្មីនេះ ដែលបានមកពីការអានគម្ពី ឫគវេទ របស់ឥណ្ឌា បានឲ្យយើងដឹងថា ក្នុងវប្បធម៌ខ្មែរបុរាណព្រះអាទិទេព អង្គនេះ មិនមែនជាព្រះអាទិទេពធំជាងគេបង្អស់នោះទេ ព្រោះថាទ្រង់គឺ “ការសម្តែងចេញឲ្យមានរូបរាងនៃឋាមពលព្រះអាទិត្យ ពោលគឺ ព្រះអង្គមានកំណើតមកពីឋាមពលព្រះទិត្យ។ តាមការពណ៌នាពីព្រះអង្គថា ទ្រង់ឈានតែបីជំហានវែងៗ កាត់តំបន់ទាំង៧ នៃលោកសន្និវាសនេះ ហើយព្រះអង្គទ្រង់ គ្របដណ្តប់ លើវត្ថុទាំងឡាយនឹងពន្លឺរបស់ព្រះអង្គ។ ជំហានទាំងបី ត្រូវគេវិភាគឲ្យឃើញ ជាពន្លឺបីយ៉ាង ដែលចែកចេញជាភ្លើង ផ្លេកបន្ទោរ និងព្រះអាទិត្យ ឬមួយវិញទៀត គឺជាទីសម្គាល់បី នៃព្រះអាទិត្យក្នុងវេលាថ្ងៃរះ វេលាថ្ងៃកំពុងចែងចាំងពន្លឺ និងវេលាថ្ងៃលិច។ មានពេលខ្លះព្រះអង្គ ត្រូវចូលរួមគ្នាជាមួយនឹងព្រះឥន្ទ្រ។ គេតែងហៅ ព្រះអង្គថា ជា“អ្នកគ្រប់គ្រងថែរក្សា ដែលមានភាពជោគជ័យរហូត” នេះគឺជាលក្ខណៈពិសេស ដែលបង្ហាញថា ព្រះអង្គមានមហាតេជានុភាពខាងថែរក្សា។ នៅក្នុងគម្ពីមនុ គេឃើញមានការនិយាយ ទៅដល់ព្រះវិស្ណុដែរ ក៏ប៉ុន្តែគេដូចជាពុំឃើញមានការចាត់ទុកព្រះអង្គថា ជាព្រះអាទិទេព ដ៏កំពូលដូចនៅក្នុងគម្ពីរឫគវេទ នោះទេ ។
ប្រភពនៃអក្សរសាស្ត្រខ្លះ ថ្លែងថា “ព្រះវិស្ណុ គឺជាព្រះអាទិទេពថ្នាក់ទីពីរ ក្នុងចំណោមអាទិទេពធំៗ ទាំងបីព្រះអង្គ ជាតំណាងនៃសត្វគុណ កឺមេត្តាធម៌ និងសេចក្តីល្អ ឬអំពើល្អ ដែលបង្ហាញចេញមកជាអនុភាព នៃការថែរក្សា ការពារជាស្វយម្ភព (គឺការកើតមានឡើងដោយឯងៗ) និងជាវិញ្ញាណ ដែលតែងតែចូលជ្រួតជ្រាប សាយភាយគ្រប់ទីទាំងអស់ គឺក្នុងន័យនេះដែលអ្នកធ្វើសក្ការៈចំពោះព្រះអង្គ គេតែងភ្ជាប់ព្រះអង្គទៅនឹងសារធាតុនៃទឹក ដែលសាយគ្រប់ទិសទីទាំងអស់ មុនពេលការកើតនៃលោកនេះឡើង។”
ពាក់ព័ន្ធនឹងន័យរបស់ពាក្យ នារាយណ៍ យើងដឹងទៀតថា នៅក្នុងលក្ខណៈនេះ គេហៅព្រះអង្គថា “ព្រះនារាយណ៍” បានន័យថា “ដែលត្រាច់ចរលើទឹក” ហើយត្រូវគេតំណាង តួព្រះអង្គដោយរូបរាងជាមនុស្សដែក លក់ នៅលើពស់មួយ ឈ្មោះ សេសៈ (ឬអាទិសេសះ) អណ្តែតនៅលើទឹក។ កាលណាលោកសន្និវាស ត្រូវរលាយ ព្រះអង្គនឹងសន្មតយករូបភាពបែបនេះដែរ។ ជនទាំងឡាយ ដែលគោរពព្រះវិស្ណុ តែងតែទទួលស្គាល់ថា ព្រះអង្គគឺបុគ្គល ដ៏ឧត្តុង្គឧត្តម ខ្ពង់ខ្ពស់បំផុត ព្រោះគេជឿថាអ្វីៗទាំងអស់សុទ្ធតែកើតមកពី ព្រះអង្គ។
មានប្រភពខ្លះនិយាយថា ព្រះអង្គជាព្រះប្រជាបតិ (អ្នកបង្កើត) និងជាព្រះអទិទេព ដ៏កំពូលតែមួយព្រះអង្គគត់ ។ ក្នុងន័យនេះ ព្រះអង្គត្រូវមានលក្ខខ័ណ្ឌបី គឺទី១ លក្ខខណ្ឌជាព្រះព្រហ្មា ឬអ្នកបង្កើតលោកដ៏សកម្ម ដែលត្រូវតំណាង ដោយការសន្មតថា ព្រះអង្គប្រសូតចេញមកពីផ្កាឈូក ដែលដុះលើផ្ទិតព្រះវិស្ណុ ក្នុងពេលដែលព្រះអង្គកំពុងសឹងលក់ ហើយអណ្តែតលើទឹក។ ទី២ ព្រះវិស្ណុផ្ទាល់របស់ព្រះអង្គ គឺជាអ្នករក្សាការពារក្នុងរូបរាងជាអវតារ ដូចជាព្រះក្រឹស្នា។ ទី៣ សិវៈដែលមានព្រះនាមមួយទៀតថា ព្រះរុទ្រៈ គឺជាអ្នកមានអានុភាពខាងបំផ្លាញ ដែលតាមប្រភពខ្លះថា ប្រសូតចេញមកពីព្រះនលាដ (ថ្ងាស) របស់ព្រះព្រហ្ម។ អំពីការរក្សារការពារ និងការផ្តល់ឲ្យមានឡើងវិញ នូវអានុភាពរបស់ព្រះវិស្ណុនោះ មានករណីស្តែងចេញឲ្យឃើញនៅ លើលោកយើងនេះ នូវរូបរាងនានា ដែលគេតែងហៅថាអវតារ។ នៅក្នុងអវតារ របស់អាទិទេពនោះ ត្រូវមានចំណែកណាមួយ ដែលប្រកបដោយខ្លឹមសារ ជាទិទេពចូលទៅជាតំណាងរូបមនុស្ស ឬជាអធិធម្មជាតិ ហើយមានអានុភាព ផុត វិស័យនៃមនុស្សធម្មតា៕
ដោយ៖ សេង ស៊ីដារ៉ូ
ទិន្នន័យថ្មីនេះ ដែលបានមកពីការអានគម្ពី ឫគវេទ របស់ឥណ្ឌា បានឲ្យយើងដឹងថា ក្នុងវប្បធម៌ខ្មែរបុរាណព្រះអាទិទេព អង្គនេះ មិនមែនជាព្រះអាទិទេពធំជាងគេបង្អស់នោះទេ ព្រោះថាទ្រង់គឺ “ការសម្តែងចេញឲ្យមានរូបរាងនៃឋាមពលព្រះអាទិត្យ ពោលគឺ ព្រះអង្គមានកំណើតមកពីឋាមពលព្រះទិត្យ។ តាមការពណ៌នាពីព្រះអង្គថា ទ្រង់ឈានតែបីជំហានវែងៗ កាត់តំបន់ទាំង៧ នៃលោកសន្និវាសនេះ ហើយព្រះអង្គទ្រង់ គ្របដណ្តប់ លើវត្ថុទាំងឡាយនឹងពន្លឺរបស់ព្រះអង្គ។ ជំហានទាំងបី ត្រូវគេវិភាគឲ្យឃើញ ជាពន្លឺបីយ៉ាង ដែលចែកចេញជាភ្លើង ផ្លេកបន្ទោរ និងព្រះអាទិត្យ ឬមួយវិញទៀត គឺជាទីសម្គាល់បី នៃព្រះអាទិត្យក្នុងវេលាថ្ងៃរះ វេលាថ្ងៃកំពុងចែងចាំងពន្លឺ និងវេលាថ្ងៃលិច។ មានពេលខ្លះព្រះអង្គ ត្រូវចូលរួមគ្នាជាមួយនឹងព្រះឥន្ទ្រ។ គេតែងហៅ ព្រះអង្គថា ជា“អ្នកគ្រប់គ្រងថែរក្សា ដែលមានភាពជោគជ័យរហូត” នេះគឺជាលក្ខណៈពិសេស ដែលបង្ហាញថា ព្រះអង្គមានមហាតេជានុភាពខាងថែរក្សា។ នៅក្នុងគម្ពីមនុ គេឃើញមានការនិយាយ ទៅដល់ព្រះវិស្ណុដែរ ក៏ប៉ុន្តែគេដូចជាពុំឃើញមានការចាត់ទុកព្រះអង្គថា ជាព្រះអាទិទេព ដ៏កំពូលដូចនៅក្នុងគម្ពីរឫគវេទ នោះទេ ។
ប្រភពនៃអក្សរសាស្ត្រខ្លះ ថ្លែងថា “ព្រះវិស្ណុ គឺជាព្រះអាទិទេពថ្នាក់ទីពីរ ក្នុងចំណោមអាទិទេពធំៗ ទាំងបីព្រះអង្គ ជាតំណាងនៃសត្វគុណ កឺមេត្តាធម៌ និងសេចក្តីល្អ ឬអំពើល្អ ដែលបង្ហាញចេញមកជាអនុភាព នៃការថែរក្សា ការពារជាស្វយម្ភព (គឺការកើតមានឡើងដោយឯងៗ) និងជាវិញ្ញាណ ដែលតែងតែចូលជ្រួតជ្រាប សាយភាយគ្រប់ទីទាំងអស់ គឺក្នុងន័យនេះដែលអ្នកធ្វើសក្ការៈចំពោះព្រះអង្គ គេតែងភ្ជាប់ព្រះអង្គទៅនឹងសារធាតុនៃទឹក ដែលសាយគ្រប់ទិសទីទាំងអស់ មុនពេលការកើតនៃលោកនេះឡើង។”
ពាក់ព័ន្ធនឹងន័យរបស់ពាក្យ នារាយណ៍ យើងដឹងទៀតថា នៅក្នុងលក្ខណៈនេះ គេហៅព្រះអង្គថា “ព្រះនារាយណ៍” បានន័យថា “ដែលត្រាច់ចរលើទឹក” ហើយត្រូវគេតំណាង តួព្រះអង្គដោយរូបរាងជាមនុស្សដែក លក់ នៅលើពស់មួយ ឈ្មោះ សេសៈ (ឬអាទិសេសះ) អណ្តែតនៅលើទឹក។ កាលណាលោកសន្និវាស ត្រូវរលាយ ព្រះអង្គនឹងសន្មតយករូបភាពបែបនេះដែរ។ ជនទាំងឡាយ ដែលគោរពព្រះវិស្ណុ តែងតែទទួលស្គាល់ថា ព្រះអង្គគឺបុគ្គល ដ៏ឧត្តុង្គឧត្តម ខ្ពង់ខ្ពស់បំផុត ព្រោះគេជឿថាអ្វីៗទាំងអស់សុទ្ធតែកើតមកពី ព្រះអង្គ។
មានប្រភពខ្លះនិយាយថា ព្រះអង្គជាព្រះប្រជាបតិ (អ្នកបង្កើត) និងជាព្រះអទិទេព ដ៏កំពូលតែមួយព្រះអង្គគត់ ។ ក្នុងន័យនេះ ព្រះអង្គត្រូវមានលក្ខខ័ណ្ឌបី គឺទី១ លក្ខខណ្ឌជាព្រះព្រហ្មា ឬអ្នកបង្កើតលោកដ៏សកម្ម ដែលត្រូវតំណាង ដោយការសន្មតថា ព្រះអង្គប្រសូតចេញមកពីផ្កាឈូក ដែលដុះលើផ្ទិតព្រះវិស្ណុ ក្នុងពេលដែលព្រះអង្គកំពុងសឹងលក់ ហើយអណ្តែតលើទឹក។ ទី២ ព្រះវិស្ណុផ្ទាល់របស់ព្រះអង្គ គឺជាអ្នករក្សាការពារក្នុងរូបរាងជាអវតារ ដូចជាព្រះក្រឹស្នា។ ទី៣ សិវៈដែលមានព្រះនាមមួយទៀតថា ព្រះរុទ្រៈ គឺជាអ្នកមានអានុភាពខាងបំផ្លាញ ដែលតាមប្រភពខ្លះថា ប្រសូតចេញមកពីព្រះនលាដ (ថ្ងាស) របស់ព្រះព្រហ្ម។ អំពីការរក្សារការពារ និងការផ្តល់ឲ្យមានឡើងវិញ នូវអានុភាពរបស់ព្រះវិស្ណុនោះ មានករណីស្តែងចេញឲ្យឃើញនៅ លើលោកយើងនេះ នូវរូបរាងនានា ដែលគេតែងហៅថាអវតារ។ នៅក្នុងអវតារ របស់អាទិទេពនោះ ត្រូវមានចំណែកណាមួយ ដែលប្រកបដោយខ្លឹមសារ ជាទិទេពចូលទៅជាតំណាងរូបមនុស្ស ឬជាអធិធម្មជាតិ ហើយមានអានុភាព ផុត វិស័យនៃមនុស្សធម្មតា៕
Post a Comment