សិប្បកម្មពោធិ៍សាត់ ផលិតផ្តិលពីឈើធ្នង់ ដែលមានក្បាច់រចនាដ៏ល្អប្រណិត និងកំពុងពេញនិយមនៅក្នុងស្រុក
ខេត្តពោធិ៍សាត់ៈ
ដោយ៖ សេង ស៊ីដារ៉
ខេត្តពោធិ៍សាត់ ជាខេត្តសំបូរទៅដោយសិប្បកម្មគ្រប់បែបយ៉ាង ដូចជា សិប្បកម្មផលិតពីថ្មកែវ មានចំលាក់ផ្តិលថ្មកែវ ដែលបានធ្វើជានិម្មិតរូបប្រចាំខេត្ត ហើយក៏នៅមានសិប្បកម្មភាគច្រើនទៀតផលិត ចេញពីឈើធ្នង់ យកមកកែច្នៃជាផ្តិលឈើ ប្រកបដោយក្បូរក្បាច់រចនារស់រវើក។
នៅក្នុងចំណោមសិប្បកម្មទាំងនោះ មានសិប្បកម្មពោធិ៍សាត់ បានកែច្នៃដោយយកឈើធ្នង់ ទៅកែច្នៃជារូបផ្តិល ឬផ្តិលថ្ម ផ្តិលដែកផងដែរ។
អ្នកស្រី ពេជ្រ ម្ចាស់សិប្បកម្មពោធិ៍សាត់ បានរៀបរាប់ឲ្យដឹងថា ការកែច្នៃផ្តិលឈើ ដោយឈើធ្នង់នេះ គឺ យើងប្រើដោយដៃ អស់រយៈពេលជាងមួយអាទិត្យ ទើបទទួលបានផលិតផលសម្រេច ក្នុងនោះផ្តិលចំលាក់ឈើមួយគូរ លក់បាន ១១០ដុល្លារ ហើយនៅក្នុងសិប្បកម្មនេះ ផលិតផល ដែលថ្លៃខ្ពស់ជាងគេបំផុតគឺ ២០០ដុល្លារ។
អ្នកស្រី ពេជ្រ បានបន្ថែមទៀតថា សិប្បកម្មពោធិ៍សាត់យើង ច្រើនតែយកកំទេចឈើ យកមកកែច្នៃ ជារូបចំលាក់ផ្សេងៗ ដែលជាទីទាក់ទាញដល់អតិថិជនក្នុងស្រុក ពិសេស មានការកម្មង់ទិញជាច្រើនពីភ្នំពេញ។ ត្បិតតែផ្តិលឈើនេះ មិនអាចដាក់ទឹកបានក៏ពិតមែន ប៉ុន្តែផ្តិលឈើនេះ បានក្លាយទៅគ្រឿងសង្ហារឹមមួយ សម្រាប់ដាក់តាំងផ្ទះ ឬនៅតាមហាងធំៗ ពិសេសបានអភិរក្ស និងទុកជាស្នាដៃ សម្រាប់ឲ្យកូនចៅជំនាន់ក្រោយធ្វើការសិក្សាបន្តទៅទៀត៕
ដោយ៖ សេង ស៊ីដារ៉
នៅក្នុងចំណោមសិប្បកម្មទាំងនោះ មានសិប្បកម្មពោធិ៍សាត់ បានកែច្នៃដោយយកឈើធ្នង់ ទៅកែច្នៃជារូបផ្តិល ឬផ្តិលថ្ម ផ្តិលដែកផងដែរ។
អ្នកស្រី ពេជ្រ ម្ចាស់សិប្បកម្មពោធិ៍សាត់ បានរៀបរាប់ឲ្យដឹងថា ការកែច្នៃផ្តិលឈើ ដោយឈើធ្នង់នេះ គឺ យើងប្រើដោយដៃ អស់រយៈពេលជាងមួយអាទិត្យ ទើបទទួលបានផលិតផលសម្រេច ក្នុងនោះផ្តិលចំលាក់ឈើមួយគូរ លក់បាន ១១០ដុល្លារ ហើយនៅក្នុងសិប្បកម្មនេះ ផលិតផល ដែលថ្លៃខ្ពស់ជាងគេបំផុតគឺ ២០០ដុល្លារ។
អ្នកស្រី ពេជ្រ បានបន្ថែមទៀតថា សិប្បកម្មពោធិ៍សាត់យើង ច្រើនតែយកកំទេចឈើ យកមកកែច្នៃ ជារូបចំលាក់ផ្សេងៗ ដែលជាទីទាក់ទាញដល់អតិថិជនក្នុងស្រុក ពិសេស មានការកម្មង់ទិញជាច្រើនពីភ្នំពេញ។ ត្បិតតែផ្តិលឈើនេះ មិនអាចដាក់ទឹកបានក៏ពិតមែន ប៉ុន្តែផ្តិលឈើនេះ បានក្លាយទៅគ្រឿងសង្ហារឹមមួយ សម្រាប់ដាក់តាំងផ្ទះ ឬនៅតាមហាងធំៗ ពិសេសបានអភិរក្ស និងទុកជាស្នាដៃ សម្រាប់ឲ្យកូនចៅជំនាន់ក្រោយធ្វើការសិក្សាបន្តទៅទៀត៕
Post a Comment