ប្រជាកសិករ នៅឃុំព្រៃមានចំណង់ចំណូលចិត្ត ដាំដំណាំដំឡូងមី ៩០%
ខេត្តតាកែវៈ
ដោយ៖ ឌឹម គឹមហាក់
ភូមិសាស្ត្រដែលពោពេញទៅដោយព្រៃរបោះក្បែជើងភ្នំ ក្នុងភូមិឈើទ្រាលភ្លោះ ឃុំព្រៃអំពក ស្រុកគីរីវង់ ខេត្តតាកែវ គឺជាតំបន់មានអំណោយផលច្រើន ដល់ប្រជាកសិករយើង ប្រកបរបរធ្វើស្រែ ចំការ។ ភាគច្រើនក្នុងភូមិសាស្ត្រនេះ គឺប្រជាកសិករ មានចំណង់ចំណូលចិត្ត ក្នុងការដាំដំណាំដំឡូងមី ជាងគេ។
លោក ដាវុធ ជាមន្ត្រីចូលនិវត្តន៍ បានមកតាំងលំនៅក្នុងភូមិសាស្ត្រនេះ និងបានដាំដុះដំណាំ ដំឡូងមី យូរឆ្នាំមកហើយ លើផ្ទៃដីជិត២ហិកតា។ លោក បាននិយាយថា ក្នុងភូមិនេះ ប្រជាពលរដ្ឋយើង ៩០% ដែលនិយមដាំដំណាំដំឡូងមីជាលក្ខណៈគ្រួសារ សម្រាប់ដោះស្រាយជីវភាពក្នុងគ្រួសារតែប៉ុណ្ណោះ។
លោក ដាវុធ បានបន្តទៀតថា ភូមិសាស្ត្រឃុំនេះ កសិករយើង ដាំដំណាំស្វាយចំរុះ និងដំឡូងមី នៅពេលបាន ផលមានឈ្មួញមកប្រមូល ទិញដល់ចំការតែម្តង ដោយឡែកក្នុងផ្ទៃដី១ហិកតា ការដាំដំឡូងមី ទទួលផលបានចាប់ពី ២តោន ទៅ៣តោន ក្នុងឆ្នាំ២០១៦ កន្លងទៅដំឡូងមីលក់បាន ៦០០រៀល ក្នុង១គីឡូ ក៏ប៉ុន្តែឆ្នាំ២០១៧នេះ ដំឡូងមីបែរជាធ្លាក់មកនៅត្រឹម ៤០០រៀល ក្នុងមួយគីឡូ។ ជារៀងរាល់ឆ្នាំដំណាំដំឡូងមី ទោះជាមានហាងឆេងធ្លាក់ ឬឡើងចុះប៉ុណ្ណាក៏ដោយ ក៏លោក ដាវុធ និយាយថា ក្នុងការចំណាយលើការដាំដំឡូងមីប្រមាណ ១លានរៀល ក្នុង១ហិកតា ហើយក៏នៅតែបានចំណេញ ២លាន រៀលដែរ ដោយមុខរបរនេះក្លាយជាទម្លាប់ របស់កសិករយើងនៅតំបន់នោះ និងមានការដាំដុះជាប្រចាំរាល់ឆ្នាំ គឺដូចជាអ្នកធ្វើស្រែដែរ ដោយធ្វើឲ្យជីវភាពពួកគាត់ មានភាពធូរស្រាលច្រើន៕
ដោយ៖ ឌឹម គឹមហាក់
លោក ដាវុធ ជាមន្ត្រីចូលនិវត្តន៍ បានមកតាំងលំនៅក្នុងភូមិសាស្ត្រនេះ និងបានដាំដុះដំណាំ ដំឡូងមី យូរឆ្នាំមកហើយ លើផ្ទៃដីជិត២ហិកតា។ លោក បាននិយាយថា ក្នុងភូមិនេះ ប្រជាពលរដ្ឋយើង ៩០% ដែលនិយមដាំដំណាំដំឡូងមីជាលក្ខណៈគ្រួសារ សម្រាប់ដោះស្រាយជីវភាពក្នុងគ្រួសារតែប៉ុណ្ណោះ។
Post a Comment