ប្រវត្តិសាស្ត្រៈ សិល្បៈសៀកខ្មែរ
ភ្នំពេញៈ
ដោយ៖ សេង ស៊ីដារ៉ូ
សិល្បៈសៀក ជាទម្រង់សិល្បៈទស្សនីយភាពមួយប្រភេទ ដែលមានវត្តមានតាំងពីយូរលង់ណាស់មកហើយ នៅប្រទេសកម្ពុជា ហើយប្រហែលត្រូវបានរីកចំរើនយ៉ាងខ្លាំងក្លាណាស់ផងនៅ ក្នុងសម័យមហានគរ ព្រោះយើងពិនិត្យ មើលរូបចម្លាក់នៅប្រាសាទបាពួន ស្នាព្រះហស្តព្រះបាទឧទ័យទិត្យាវរ្ម័នទី២(១០៥០-១០៦៦)ឥសូរនិយម)។
នៅប្រាសាទអង្គរវត្ត ស្នាព្រះហស្តព្រះបាទសុរិយោវរ្ម័នទី២ (១១១៣-១១៥២ វិស្ណុនិយម) និងចម្លាក់នៅលើជញ្ជាំងប្រាសាទបាយ័ន ដែលជាស្នាព្រះហស្តព្រះបាទជ័យវរ្ម័នទី៧ (១១៨១-១២១៨ ពុទ្ធសាសនាមហាយាន) ដែលភាគច្រើននៃចម្លាក់ប្រាសាទនេះ ច្រើនរៀបរាប់អំពីជីវភាពប្រចាំថ្ងៃ របស់ប្រជារាស្ត្រទូទៅ ឬចម្លាក់នានា នៅព្រះលានជល់ដំរី ឬព្រះលានស្តេចគំលង់ និងប្រាសាទដទៃខ្លះផងនោះ យើងឃើញមានចម្លាក់ជាច្រើន ដែលរៀបរាប់ឆ្លុះបញ្ចាំអំពីរូបភាពសិល្បៈសៀក ក្នុងសម័យនោះ ដូចជាឈុតត្រេះបង្វិលកងរទេះដោយជើង ជាដើម។
ឈុតសំដែងលំនឹង ដោយមុស្សប្រុសម្នាក់ទ្រក្មេងបីនាក់ ដោយឲ្យក្មេងពីរនាក់ឈរជើងមួយលើបាតដៃម្ខាងម្នាក់ និងឲ្យម្នាក់ទៀតឈរជើងមួយដែរ លើក្បាលរបស់ខ្លួនផង។ ឈុតមនុស្សធំម្នាក់យកអង្រែមួយ ដែលមានវាយឈើខ្វែង នៅចុងខាងលើដាក់ទួលបញ្ឈរ លើក្បាលហើយឲ្យក្មេងពីរនាក់ឡើង ទៅសំដែងកាយវិកាពត់ខ្លួនសណ្តោក នៅចុងអង្រែខាងលើនេះ។
-ឈុតរែកបាវយ៉ាងធ្វន់ដើរសួលើខ្សែព្រ័ត្រ ឬ ខ្សែពួរ ដែលគេចងសន្ធឹងយ៉ាងតឹងលើបង្គោលខ្ពស់។
-ឈុតជិះរទេះសេះយ៉ាងលឿន ឈរតម្រៀបជាន់លើគ្នាច្រើនជាន់។
-ឈុតខាំកាំបិតវែងបញ្ឈរ រួចយកចុងកាំបិតខ្លីដាក់បញ្ឈរ ត្រួតពីលើកាំបិតរែងទៀត។
-ឈុតបង្ហាញបច្ចេកទេសកាយសម្ព័ន្ធ។
-បច្ចេកទេសរហ័ស្សកម្ម និងមានឈុតបង្ហាញពីបច្ចេកទេសបង្ហាត់សត្វ យ៉ាងច្រើនថែមទៀតផង។
ហើយឈ្មោះប្រាសាទសួព្រ័ត្រ ក៏ប្រហែលជាមានទំនាក់ទំនងនឹងទម្រង់សិល្បៈសៀក ក្នុងសម័យមហានគរ នោះផងដែរ ។
យើងមិនបានដឹងទេថា តើសិល្បៈសៀកនេះ នៅសម័យអង្គរគេឲ្យឈ្មោះជាអ្វី? ប៉ុន្តែយើងគ្រាន់តេអាចប៉ានស្មានបានថា ក្រោយពីអារ្យធម៌មហានគររលំរលាយទៅ តាំងពីក្នុងអំឡុងពាក់កណ្តាល ស.វទី១៤មក ប្រភេទសិល្បៈសៀកនេះ ក៏ប្រហែលជាបានវិនាសសាបសូន្យទៅផងដែរ។
ក្រោយពេលនោះ នៅក្នុងសង្គមខ្មែរមានសល់តែបច្ចេកទេស រហស្សកម្មបន្តិចបន្តួច ដែលគេនិយមហៅថា ល្បែងឆ្ពិនភ្នែក សំដែងដោយបុគ្គលដែលមាននិស្ស័យ ពីធម្មជាតិមិនមានការរៀបចំ ឬអប់រំឡើយ ហើយដែលភាគខ្លះ បានធ្វើឲ្យមនុស្សជឿថា ជាមន្តអាគមទៅវិញថែមទៀត ដូចជា យកអង្ករបាចទៅកើតជាកំពឹសរស់លោតព្រោងព្រាតពេញចង្អេរ ឬរើសស្លឹកឈើយកមកក្តាប់ញីនឹងបាតដៃ ធ្វើល្បិចសូត្រមន្ត អាគមន្តរួចផ្លុំ ហើយលាបាតដៃគេវិញ ចេញបានជាកូនសត្វកណ្តុរតូចៗ ឬអ្នកខ្លះទៀតចេះពត់ខ្លួនឲ្យទន់ភ្លន់ រហូតដល់អ្នកមើលដាក់លុយផ្ទាល់នឹងដីឲ្យអ្នកនោះ ពត់ផ្ងារខ្លួនអោនក្បាលមកក្រោមចន្លោះ ជើងខ្លួនខាំយកលុយនោះថែមទៀតផង។
បើតាមពត៌មានដែលយើងទទួលបាន ចាប់តាំងពីសម័យបែកអង្គរ (១៣៥៣?) រហូតមកដល់ឆ្នាំ ១៩៧០ ពោលគឺ ពេលសង្គ្រាមស៊ីវិលដ៏កាចសាហាវ នាចុងសតវត្សរ៍ទី២០ នេះ បានផ្ទុះឡើង សិល្បៈសៀកខ្មែរ មិនដែលមានវត្តមានជាផ្លូវការឡើយ។
រហូតមកដល់អំឡុងឆ្នាំ ១៩៨០ ឬ ១៩៨១ គឺរយៈពេលមួយឆ្នាំ ឬពីរឆ្នាំក្រោយ ពេលដែលរបបប្រល័យពូជសាសន៍ ប៉ុល ពត បានដួលរលំផុតទៅ ពោលគឺ ក្នុងរបបសាធារណរដ្ឋប្រជាមានិកម្ពុជា ទើបក្រសួងវប្បធម៌ខ្មែរបាន បង្កើតឲ្យមានក្រុមសិល្បៈសៀក ដែលបានទទួលការអប់រំរៀនសូត្របច្ចេកទេសនានា ក្នុងស្រុកផង ហើយបញ្ជូននិស្សិតឲ្យទៅរៀនជំនាញសៀកនេះ នៅបរទេសផង ។ គឺចាប់ពីពេលនោះមក ទើបប្រទេសខ្មែរយើងមានទម្រង់សិល្បៈសៀក និងមានសិល្បៈករសៀក ធ្វើសកម្មភាពសំដែងជាផ្លូវការ ទាំងក្នុងឆាកជាតិ និងឆាកអន្តរជាតិឡើងវិញ៕
ដោយ៖ សេង ស៊ីដារ៉ូ
នៅប្រាសាទអង្គរវត្ត ស្នាព្រះហស្តព្រះបាទសុរិយោវរ្ម័នទី២ (១១១៣-១១៥២ វិស្ណុនិយម) និងចម្លាក់នៅលើជញ្ជាំងប្រាសាទបាយ័ន ដែលជាស្នាព្រះហស្តព្រះបាទជ័យវរ្ម័នទី៧ (១១៨១-១២១៨ ពុទ្ធសាសនាមហាយាន) ដែលភាគច្រើននៃចម្លាក់ប្រាសាទនេះ ច្រើនរៀបរាប់អំពីជីវភាពប្រចាំថ្ងៃ របស់ប្រជារាស្ត្រទូទៅ ឬចម្លាក់នានា នៅព្រះលានជល់ដំរី ឬព្រះលានស្តេចគំលង់ និងប្រាសាទដទៃខ្លះផងនោះ យើងឃើញមានចម្លាក់ជាច្រើន ដែលរៀបរាប់ឆ្លុះបញ្ចាំអំពីរូបភាពសិល្បៈសៀក ក្នុងសម័យនោះ ដូចជាឈុតត្រេះបង្វិលកងរទេះដោយជើង ជាដើម។
-ឈុតរែកបាវយ៉ាងធ្វន់ដើរសួលើខ្សែព្រ័ត្រ ឬ ខ្សែពួរ ដែលគេចងសន្ធឹងយ៉ាងតឹងលើបង្គោលខ្ពស់។
-ឈុតជិះរទេះសេះយ៉ាងលឿន ឈរតម្រៀបជាន់លើគ្នាច្រើនជាន់។
-ឈុតខាំកាំបិតវែងបញ្ឈរ រួចយកចុងកាំបិតខ្លីដាក់បញ្ឈរ ត្រួតពីលើកាំបិតរែងទៀត។
-ឈុតបង្ហាញបច្ចេកទេសកាយសម្ព័ន្ធ។
-បច្ចេកទេសរហ័ស្សកម្ម និងមានឈុតបង្ហាញពីបច្ចេកទេសបង្ហាត់សត្វ យ៉ាងច្រើនថែមទៀតផង។
យើងមិនបានដឹងទេថា តើសិល្បៈសៀកនេះ នៅសម័យអង្គរគេឲ្យឈ្មោះជាអ្វី? ប៉ុន្តែយើងគ្រាន់តេអាចប៉ានស្មានបានថា ក្រោយពីអារ្យធម៌មហានគររលំរលាយទៅ តាំងពីក្នុងអំឡុងពាក់កណ្តាល ស.វទី១៤មក ប្រភេទសិល្បៈសៀកនេះ ក៏ប្រហែលជាបានវិនាសសាបសូន្យទៅផងដែរ។
ក្រោយពេលនោះ នៅក្នុងសង្គមខ្មែរមានសល់តែបច្ចេកទេស រហស្សកម្មបន្តិចបន្តួច ដែលគេនិយមហៅថា ល្បែងឆ្ពិនភ្នែក សំដែងដោយបុគ្គលដែលមាននិស្ស័យ ពីធម្មជាតិមិនមានការរៀបចំ ឬអប់រំឡើយ ហើយដែលភាគខ្លះ បានធ្វើឲ្យមនុស្សជឿថា ជាមន្តអាគមទៅវិញថែមទៀត ដូចជា យកអង្ករបាចទៅកើតជាកំពឹសរស់លោតព្រោងព្រាតពេញចង្អេរ ឬរើសស្លឹកឈើយកមកក្តាប់ញីនឹងបាតដៃ ធ្វើល្បិចសូត្រមន្ត អាគមន្តរួចផ្លុំ ហើយលាបាតដៃគេវិញ ចេញបានជាកូនសត្វកណ្តុរតូចៗ ឬអ្នកខ្លះទៀតចេះពត់ខ្លួនឲ្យទន់ភ្លន់ រហូតដល់អ្នកមើលដាក់លុយផ្ទាល់នឹងដីឲ្យអ្នកនោះ ពត់ផ្ងារខ្លួនអោនក្បាលមកក្រោមចន្លោះ ជើងខ្លួនខាំយកលុយនោះថែមទៀតផង។
បើតាមពត៌មានដែលយើងទទួលបាន ចាប់តាំងពីសម័យបែកអង្គរ (១៣៥៣?) រហូតមកដល់ឆ្នាំ ១៩៧០ ពោលគឺ ពេលសង្គ្រាមស៊ីវិលដ៏កាចសាហាវ នាចុងសតវត្សរ៍ទី២០ នេះ បានផ្ទុះឡើង សិល្បៈសៀកខ្មែរ មិនដែលមានវត្តមានជាផ្លូវការឡើយ។
រហូតមកដល់អំឡុងឆ្នាំ ១៩៨០ ឬ ១៩៨១ គឺរយៈពេលមួយឆ្នាំ ឬពីរឆ្នាំក្រោយ ពេលដែលរបបប្រល័យពូជសាសន៍ ប៉ុល ពត បានដួលរលំផុតទៅ ពោលគឺ ក្នុងរបបសាធារណរដ្ឋប្រជាមានិកម្ពុជា ទើបក្រសួងវប្បធម៌ខ្មែរបាន បង្កើតឲ្យមានក្រុមសិល្បៈសៀក ដែលបានទទួលការអប់រំរៀនសូត្របច្ចេកទេសនានា ក្នុងស្រុកផង ហើយបញ្ជូននិស្សិតឲ្យទៅរៀនជំនាញសៀកនេះ នៅបរទេសផង ។ គឺចាប់ពីពេលនោះមក ទើបប្រទេសខ្មែរយើងមានទម្រង់សិល្បៈសៀក និងមានសិល្បៈករសៀក ធ្វើសកម្មភាពសំដែងជាផ្លូវការ ទាំងក្នុងឆាកជាតិ និងឆាកអន្តរជាតិឡើងវិញ៕
Post a Comment