រដ្ឋមន្រ្ដីក្រសួងអភិវឌ្ឍន៍ជនបទ ដឹកនាំក្រុមបច្ចេកទេសពិនិត្យផ្លូវ២ខ្សែ នៅស្រុកព្រៃកប្បាស តាម​បទ​បញ្ជា​សម្ដេចនាយករដ្ឋមន្រ្ដី

ខេត្តតាកែវៈ

ដោយ៖ ហុង ចំណាប់

រដ្ឋមន្រ្ដីក្រសួងអភិវឌ្ឍន៍ជនបទ បានអនុវត្តន៍តាមបទបញ្ជាដ៏ខ្ពង់ខ្ពស់របស់សម្ដេច ហ៊ុន សែន នាយករដ្ឋ​មន្រ្ដី​នៃ

កម្ពុជា នៅពេលសម្ដេចអញ្ជើញចុះពិនិត្យស្ថានភាពនៃការបង្កបង្កើនផលស្រូវ របស់កសិករ​នៅស្រុកព្រៃ​កប្បាស ខេត្តតាកែវ កាលពីថ្ងៃទី២១ ខែកក្កដា ឆ្នាំ២០២០។

បន្ទាប់មក នៅព្រឹកថ្ងៃទី២៤ ខែកក្កដា ឆ្នាំ២០២០ លោក អ៊ុក រ៉ាប៊ុន រដ្ឋមន្រ្ដីក្រសួងអភិវឌ្ឍន៍ជនបទ បានដឹក​

នាំ​ក្រុមការងារបច្ចេកទេស ទៅពិនិត្យស្ថានភាពផ្លូវចំនួន២ខ្សែ នៅស្រុកព្រៃកប្បាស ខេត្តតាកែវ ដើម្បីធ្វើការ​សាង​សង់ទៅជាផ្លូវក្រាលក្រួសក្រហម។

លោក លីវ សំណាង ប្រធានមន្ទីរអភិវឌ្ឍន៍ជនបទ ខេត្តតាកែវ បានឲ្យដឹងថា ផ្លូវទាំង២ខ្សែនេះរួមមាន៖ ខ្សែ​ទី​

១ មានប្រវែង ២,៨០០ម៉ែត្រ ទទឹង៥ម៉ែត្រ មានលូដោះទឹកចំនួន៥កន្លែង តភ្ជាប់ពីក្លោងទ្វារវត្តសេដ្ឋី ទៅដល់

ភូមិពន្ទង ដែលឆ្លងកាត់ឃុំព្រៃល្វា និងឃុំបានកាម និងភូមិចំនួន២ គឺភូមិព្រៃល្វា និងភូមិពន្ទង។

ខ្សែទី២ មានប្រវែង ៤,៨០០ម៉ែត្រ ទទឹងខ្នងលើពី៣ទៅ៦ម៉ែត្រ មានលូដោះទឹកចំនួន៣កន្លែង តភ្ជាប់ពីស្ថា

​នីយ​បូម​ទឹក​​កាស៊ូងភូមិពន្ទង ទៅដល់ស្ទឹងបទ ដោយឆ្លងកាត់ឃុំបានកាម និងឃុំពោធិ៍រំចាក និងភូមិចំនួន ២ គឺភូមិពន្ទង និងភូមិគោកអង្គង។

លោករដ្ឋមន្ត្រី អ៊ុក រ៉ាប៊ុន មានប្រសាសន៍ថា ជាការឆ្លើយតបទៅនឹងសំណូមពរ របស់ប្រជាពលរដ្ឋ​ក៏ដូចជា​បទ​

បញ្ជារបស់សម្ដេចនាយករដ្ឋមន្រ្ដី បានទាន់ពេលវេលា ក្រុមអ្នកបច្ចេកទេសរបស់ក្រសួងអភិវឌ្ឍន៍ជនបទ បាន ចុះ​មកពិនិត្យជាក់ស្ដែង ដើម្បីកំណត់ពេលសាងសង់។

សូមរំលឹកកថា ប្រមុខនៃរាជរដ្ឋាភិបាលកម្ពុជា សម្តេចតេជោ ហ៊ុន សែន ក្នុងឱកាសអញ្ជើញពិនិត្យការធ្វើស្រែ 

និង​សំណេះសំណាលជាមួយកសិករ នៅស្រុកព្រៃកប្បាស ខេត្តតាកែវ កាលពីព្រឹកថ្ងៃទី២១ ខែកក្កដា ឆ្នាំ​២០២០ សម្តេចបានដាក់បទបញ្ជា ឲ្យលោក  អ៊ុក រ៉ាប៊ុន រដ្ឋមន្រ្តីក្រសួងអភិវឌ្ឍជនបទ ធ្វើការស្ថាបនាផ្លូវលំ​ចំនួន២ខ្សែ ដែលមួយខ្សែមានប្រវែង ២ ៨០០ម៉ែត្រ និងផ្លូវមួយខ្សែទៀតមានប្រវែង ៤ ៨០០ម៉ែត្រ ដើម្បីងា​យ​ស្រួលធ្វើ​ដំណើរ និងដឹកកសិផល។  

                      

បទបញ្ជានេះ បានធ្វើឡើងតាមសំណូមពររបស់ប្រជាពលរដ្ឋ រស់នៅក្នុងស្រុកព្រៃកប្បាស ដើម្បីបង្កលក្ខណៈ​

ងាយស្រួលដល់ការធ្វើដំណើររបស់ពួកគាត់ឆ្លងកាត់ពីភូមិមួយ ទៅកាន់ភូមិមួយទៀត ​ ដូចជាការដឹកជញ្ជូន​កសិ​​​ផល និងការធ្វើដំណើររបស់សិស្សានុសិស្សទៅសាលារៀនផងដែរ៕