សែលកាត ប្រារព្ធកម្មវិធី Super Data Race ប្រចាំឆ្នាំ២០២០

ភ្នំពេញៈ


ដោយ៖ ហុង ចំណា​ប់

ក្រុមហ៊ុនសែលកាត បានរៀបចំកម្មវិធី Super Data Race ប្រចាំឆ្នាំ ២០២០ ជាលើកដំបូង នៅវិទ្យាល័យ​ហ៊ុន​សែន​សេរីភាពក្រុងតាខ្មៅ កាលពីថ្ងៃទី១ ខែមីនា ឆ្នាំ២០២០ថ្មីៗនេះ ដែលមានការចូលរួម​ពីស្រទាប់​យុវ​វ័យ​យ៉ាងច្រើនកុះករ។

កម្មវិធី Data Races បានបង្ហាញវត្តមានជាលើកដំបូងក្នុងឆ្នាំ២០២០(គឺជាលើកទី ៨)ហើយ ដែលក្រុម ហ៊ុនសែលកាត បានរៀបចំកម្មវិធីប្រណាំងប្រជែងដ៏មានប្រជាប្រិយភាពមួយនេះឡើង។ យ៉ាងណាមិញ កម្ម វិធីសម្រាប់ឆ្នាំ២០២០នេះ កាន់តែអស្ចារ្យជាងឆ្នាំកន្លងទៅ ដោយយុវជនមកពីបណ្តាខេត្តផ្សេងៗ ក៏អាចចូល​រួម​ប្រណាំងប្រជែងនៅក្នុងព្រឹត្តិការណ៍នេះបានផងដែរ។

ការចូលរួមទស្សនាក្នុងឆ្នាំនេះ នឹងកាន់តែអធិកអធមអស្ចារ្យ ហើយការប្រណាំងប្រជែងដើម្បីឈ្នះរង្វាន់វិញ ក៏កាន់តែស្វិតស្វាញដូចគ្នា។ រង្វាន់សម្រាប់អ្នកឈ្នះមានដូចជា iPhone 11 Pro, Apple Watch, Ipad, Airpods, JBL Go និងគម្រោងផ្តល់ទិន្នន័យ និងបញ្ចូលទឹកប្រាក់ដោយឥតគិតថ្លៃ។
Super Data Race គឺជាកម្មវិធីហ្គេមលេងលើទូរស័ព្ទចល័តដ៏ពេញនិយមបំផុត របស់ក្រុមហ៊ុនសែលកាត ដែល​ត្រូវ​បង្កើតឡើង ដើម្បីទាក់ទាញចំណាប់អារម្មណ៍របស់យុវជន ក៏ដូចជាអនុញ្ញាតឲ្យពួកគេទទួលបាន​នូវ បទ​ពិសោធន៍ពិតប្រាកដនៃការប្រើប្រាស់អ៊ីនធឺណិតល្បឿនលឿនបំផុត នៅលើបណ្តាញ 4GLTE ដែលជា​បណ្តាញ​លឿនជាងគេបំផុត នៅក្នុងព្រះរាជាណាចក្រកម្ពុជា។

សិស្ស និស្សិត ដែលចូលរួមលេង​នឹងត្រូវប្រណាំងប្រជែងជាមួយពេលវេលា ក្នុងការដោះស្រាយកិច្ច​ការឌី​ជី​ថល ដើម្បីឈានទៅដល់ការរកឃើញតម្រុយ និងភាពភ្ញាក់ផ្អើល ដោយក្នុងនោះអ្នកចូលរួមប្រកួត​ប្រាំនាក់​ដំ​បូង ដែលអាចបញ្ចប់គ្រប់វគ្គដោយជោគជ័យ នឹងទទួលបានរង្វាន់ធំពិសេសអស្ចារ្យពីកម្មវិធី។

កម្មវិធីប្រណាំងប្រជែងនេះ បានទាក់ទាញអ្នកចូលរួមដែលជាយុវវ័យពោរពេញ ទៅដោយភាពស្វាហាប់ជាង ២០០០នាក់។ ក្រុមការងារសែលកាតរំពឹងទុកថា នឹងអាចបំបែកកំណត់ត្រាបាននៅចុងសប្តាហ៍នេះ ដោយ​សារ​មានសិស្ស និស្សិ ១៥00នាក់ បានទាញយកកម្មវិធីនេះសម្រាប់ទុកប្រើប្រាស់រួចរាល់ហើយ។

កម្មវិធី Super Data Race បានទទួលពានរង្វាន់យុទ្ធនាការទីផ្សារឆ្នើមបំផុតប្រចាំឆ្នាំ (Best Marketing Cam​​paign Of the Year) ពី CMO Asia កាលពីខែសីហាឆ្នាំ២០១៩ កន្លងទៅនេះ។ ចាប់តាំងពីពេល​នោះមក កម្មវិធីនេះ ក៏ទទួលបានការគាំទ្រយ៉ាងខ្លាំងពីសំណាក់យុវវ័យ នៅទូទាំងប្រទេសកម្ពុជា។

លោក Ian Watson នាយកប្រតិបត្តិក្រុមហ៊ុនសែលកាត បានមានប្រសាសន៍ឲ្យដឹងថា ក្រុមការងាររបស់​លោក​បានត្រៀមខ្លួនរួចរាល់សម្រាប់ព្រឹត្តិការណ៍ដ៏ធំ នៅចុងសប្តាហ៍នេះ ដោយក្នុងនោះក្រុមការងារលោក ​ក៏​បាន​រៀបចំដំឡើងបណ្តាញបន្ថែមនៅជុំវិញទីតាំងប្រារព្ធកម្មវិធី ដើម្បីអនុញ្ញាត​ឲសិស្សនិស្សិតចូលរួមប្រណាំង​ប្រជែង ទទួលបាននូវបទពិសោធន៍ ដ៏អស្ចារ្យមិនអាចបំភ្លេចបាន។
ក្រុមតន្រ្តីករ អ្នកចម្រៀង និង Influencer មួយចំនួនទៀត ក៏ត្រូវបានអញ្ជើញឲ្យ​ចូលរួមនៅក្នុងកម្មវិធី​តន្រ្តី​ខ្នាតតូច ដើម្បីជួយបង្កបរិយាកាសឲ្យកាន់តែសប្បាយអធិកអធម នៅក្នុងបរិវេណសាលា បន្ទាប់ពីការ​ប្រណាំង​ប្រជែង​ត្រូវបានបញ្ចប់ទៅ។

សម្រាប់លោកអ្នកដែលមានបំណងចង់ចូលរួម សូមទាញយកកម្មវិធី Super Data Race ដោយឥតគិតថ្លៃ​នៅលើទូរស័ព្ទ ហើយបន្ទាប់មកធ្វើការចុះឈ្មោះជាអ្នកប្រណាំងជាមួយនឹងលេខទូរស័ព្ទសែលកាតរបស់អ្នក។ អ្នកចូលរួមប្រណាំងត្រូវមានស៊ីមកាតសែលកាតដើម្បីចុះឈ្មោះ ហើយរាល់អ្នកចូលរួមប្រណាំងទាំងអស់ នឹង​ទទួល​បានកាដូពិសេសមួយនៅក្នុងថ្ងៃប្រកួត៕