ទីក្រុង៣ ទទួលបានពានជ័យលាភី ថា ជាទីក្រុងទេសចរណ៍ស្អាត ឆ្នាំ២០២០ - ២០២២

ភ្នំពេញៈ

ដោយ៖ ហុង ចំណាប់

ទីក្រុងដែលទទួលបានជ័យលាភី ពីគណៈកម្មាធិការជាតិ បានវាយតម្លៃថា​ ជាទីក្រុងស្អាតបំផុត ហើយគណៈ

​កម្មា​​ធិការជាតិ នឹងរៀបចំពិធី​ប្រគល់ស្លាកសញ្ញាជាផ្លូវការ (LOGO) ឬរង្វាន់ ដោយសម្តេច តេជោ ហ៊ុន សែន 

នាយ​ករដ្ឋមន្ត្រី នៃព្រះរាជាណាចក្រកម្ពុជា។

ដើម្បីជាការលើកទឹកចិត្តដល់ទីក្រុងដែលបានខិតខំប្រឹ​ង​ប្រែង​ក្នុង​ការរៀបចំ និងអភិវឌ្ឍន៍ទីក្រុងខ្លួន ពិសេស​ការ​

ថែរក្សាការពារ បរិស្ថាន និងបានជម្រុញឲ្យតួ​អង្គសំខាន់ៗ​ក្នុង​វិស័យទេសចរណ៍នេះ ហើយប្រជាពលរដ្ឋ និង​​គ្រប់ភាគីពាក់ព័ន្ធបានចូលរួមចំណែកក្នុងការគ្រប់​គ្រង់បរិ​ស្ថាន​នៅក្នុងទីក្រុង ដោយក្នុងនោះមានទីក្រុងបី ដែលទទួលបានជ័យលាភីថាជាទីក្រុងទេសចរណ៍​ស្អាត គឺមានក្រុងតាខ្មៅ ក្រុងខណ្ឌដូនពេញ និងក្រុងកែប  ។

គោលបំណង នៃការប្រឡងប្រណាំងទីក្រុងស្អាតនេះ គឺរៀបចំឡើងក្នុងគោលបំណងលើកកម្ពស់​សោភ័ណ​ភាព​

បរិស្ថានអនាម័យ និងសណ្តាប់ធ្នាប់ទីក្រុង ជាពិសេសចូលរួមក្នុងកម្មវិធីនយោបាយ និងយុទ្ធសាស្ត្រ​អភិ​វឌ្ឍន៍​នានា​របស់រដ្ឋាភិបាល។

លោក សាន យ៉ាត ចៅសង្កាត់តាក្តុល ក្រុងតាខ្មៅ ខេត្តកណ្តាល បានបញ្ជាក់ថា​ក្នុងអង្គប្រជុំផ្សព្វផ្សាយ​ជាសា​

ធារ​ណៈ ​​ថា បេក្ខភាពក្រុងទាំងបី នៅតែបន្តនិរិន្តន៍ភាពជានិច្ច ​ក្នុងកិច្ចប្រឹងប្រែងសំអាតទីក្រុងបន្តទៀត ដើម្បី​ អនាម័យក្រុង ឲ្យបានល្អប្រសើរថែមទៀត។

ផលប្រយោជន៍ និងការប្រឡងប្រណាំងទីក្រុងស្អាតនេះ គឺបានផ្តល់នូវផលប្រយោជន៍​សម្រាប់ភាគី​ពាក់ព័ន្ធ​ជា​​​​

ច្រើន​​​ដូចជា ៖

១- ទីក្រុងជ័យលាភីទទួលបាន

ក ស្លាកសញ្ញាផ្ការំដូល ៣ទង៖ នឹងត្រូវប្រគល់ជូនទីក្រុងណាដែលទទួលបានពិន្ទុចន្លោះ៥៨ និង៧៧ លក្ខណៈ​វិនិច្ឆ័យ (យ៉ាងហោចណាស់ស្មើនឹង ៧៥% នៃចំនួនពិន្ទុសរុប)

ខ ស្លាកសញ្ញាផ្ការំដួល ២ទង៖ នឹងត្រូវប្រគល់ជូនទីក្រុងណាដែលទទួលបានពិន្ទុចន្លោះ៤៦ និង៥៧ លក្ខណៈ​​វិនិច្ឆ័យ (យ៉ាងហោចណាស់ស្មើនឹង៦០% នៃចំនួនពិន្ទុសរុប)

គ ស្លាកសញ្ញាផ្ការំដួល ១ទង៖ នឹងត្រូវប្រគល់ជូនទីក្រុងណាដែលទទួលបានពិន្ទុចន្លោះ​៣១ និង៤៥ លក្ខណៈ​វិនិច្ឆ័យ (យ៉ាងហោចណាស់ស្មើនឹង ៤០% នៃចំនួនពិន្ទុសរុប)

២- ប្រជាជនក្នុងទីក្រុងទទួលបាន ៖

ក ការលើកកម្ពស់លក្ខខណ្ឌរស់នៅរបស់ប្រជាជន ក្នុងទីក្រុងឲ្យមានភាពប្រសើរ ។

ខ ការយល់ដឹងពីផលប៉ះពាល់ដែលបណ្តាលមកពីសកម្មភាពប្រចាំថ្ងៃ ទៅលើបរិស្ថាន និង​សង្គម ។

គ ការយល់ដឹងពីសារៈសំខាន់នៃបរិស្ថានស្អាត នៅក្នុងទីក្រុង និងនៅតាមទីប្រជុំជន ។

ឃ ការលើកកម្ពស់សោភ័ណភាពតំបន់ បៃតង ក្នុងទីក្រុង។

ង ហេដ្ឋារចនាសម្ព័ន្ធ ក្នុងទីក្រុងមានការកែលម្អកាន់តែប្រសើរឡើង ដែលអាចឆ្លើយតបទៅ​នឹងកំណើន​សេដ្ឋ​កិច្ច និងទេសចរណ៍។

ការយល់ដឹងអំពីការគ្រប់គ្រងសំណល់ ប្រជាពលរដ្ឋទាំងអស់មានតួនាទី ក្នុងការគ្រប់គ្រងកាក​សំណល់ ដែល​

ពួកគាត់បានបញ្ចេញ ព្រោះថា សំណល់ខ្លះអាចមានផលប៉ះពាល់ដល់បរិស្ថាន និង​សុខុមាលភាពរបស់ពួក​គាត់​ផ្ទាល់។

យើងអាចកាត់បន្ថយសំណល់ទាំងនោះតាមរយៈ

១-ការកាត់បន្ថយបរិមាណសំណល់

២-ការប្រើប្រាស់ឡើងវីញ

៣-ការកែច្នៃ

អ្នកណាខ្លះត្រូវចូលរួម? ការចួលរួមពីកុមារ៖ ការបង្ហាត់បង្រៀនក្មេងឲ្យយល់ដឹងពីសារៈ​សំខាន់នៃការគ្រប់​គ្រង​​

សំណល់ បណ្តុះគំនិតឲ្យមានការយល់ដឹងពីការថែរក្សា និងការ​ពារបរិស្ថានជុំ​វិញ​ខ្លួនឲ្យបានស្អាតល្អ។

ការចូលរួមពីយុវជន៖ ត្រូវមានការយល់ដឹងអំពីអត្ថាប្រយោជន៍ករថែរក្សា និងការពារ​បរិស្ថាននៅជុំវិញខ្លួន ឲ្យ​បាន​​ស្អាតល្អយល់ដឹងពីផលប៉ះពាល់ ដែលបណ្តាលមកពីបរិស្ថានមិនល្អ និងត្រូវចូលរួមក្នុងសកម្មភាពនានា ដើ​ម្បី​​ការពារបរិស្ថានឲ្យបានស្អាតល្អ ទាំងនៅ​ក្នុង​សាលា និងនៅតាមទីសាធារណៈ។

ការចូលរួមពីប្រជាពលរដ្ឋ៖ ត្រូវចូលរួមទុកដាក់សម្រាម ឲ្យបានត្រឹមត្រូវតាមលំនៅដ្ឋាន​នីមួយៗ ត្រូវមានធុង​សម្រាម និងមិនត្រូវចោលសម្រាមពាសវាលពាសកាល ដែល​បណ្តាលឲ្យបាត់បង់សោភ័ណភាព និងបរិស្ថាន ។

ការចូលរួមរបស់ផ្នែករដ្ឋ៖ ជម្រុញ និងអនុវត្តន៍ឲ្យបាននូវយន្តការក្នុងការរៀបចំទីក្រុងស្អាត ទីក្រុងបៃតង។ សហការរៀបចំស្ថាប័នគោលដៅទេសចរណ៍គំរូលើការងារទីក្រុងស្អាត​សង្គម។ សហការរៀបចំក្រុង សង្កាត់​ភូមិគំរូ។

ការចូលរួមរបស់ផ្នែកឯកជន៖ ជម្រុញការអនុវត្តធុរកិច្ចបៃតង ជម្រុញការអនុវត្តយុវជនស្ម័គ្រចិត្ត គ្រប់គ្រង​ការ​ប្រើប្រាស់ និងការចែកចាយថង់ប្លាស្ទីក។

ការចូលរួមជាមួយដៃគូរអភិវឌ្ឍនានា អង្គការសង្គមស៊ីវិល៖ លើកទឹកចិត្តឲ្យមានការ​ចូលរួមគាំទ្រ​លើសកម្ម​ភាព​នានា ដោយឈរលើទស្សនទានស្អាត និងបៃតង។

ទីក្រុងស្អាតផ្តើមចេញពីការរួមគិត រួមធ្វើ រួមទទួលខុសត្រូវ

១. រួមគិត៖ ចូលរួមគិតកិច្ចការទីក្រុងស្អាត និងសង្គម ចូលរួមធ្វីឲ្យទីក្រុងបេក្ខភាពក្លាយជា​គោលដៅទេស​

ចរណ៍​​ដ៏ល្អ ប្រកបដោយភាពទាក់ទាញ និងប្រកបដោយភាពកក់ក្តៅ។ ចូលរួមគិត និងស្រលាញ់ ភាពស្អាត ដោយផ្តើមចេញពីយើងទាំងអស់គ្នា។

២. រួមធ្វើ៖ ចូលរួមធ្វើសកម្មភាពក្នុងបុព្វហេតុទីក្រុងស្អាត និងសង្គម យុទ្ធនាការសកម្មជន​ទីក្រុងស្អាត ប្រើ​

ប្រាស់​យន្តការអប់រំ និងផ្សព្វផ្សាយបន្តទៅដល់ក្រុមគ្រួសារ និងអ្នកជុំវិញខ្លួន។ ចូលរួម​អនុវត្តន៍សកម្មភាព​នានា បម្រើ និងទ្រទ្រង់ភាពស្អាត និងបៃតង ។

៣- រួមទទួលខុសត្រូវ៖ ចូលរួមទទួលខុសត្រូវក្នុងសកម្មភាពនៃកិច្ចការពារ និងលើកកម្ពស់​ទីក្រុងស្អាត។ ការ

​គ្រប់គ្រងសំណល់ការអនុវត្តគោលការណ៍៣R (ការកាត់បន្ថយការប្រើប្រាស់ឡើង​វិញ និងការកែច្នៃសំណល់)​។ 

ចូលរួមទទួលខុសត្រូវលើសកម្មភាពធ្វើឲ្យទីក្រុង ឆ្ពោះទៅរកភាពស្អាត  ប្រកបដោយភាពបៃតង ជាគោល​ដៅ

​ទេសចរណ៍បៃតង៕