សហព័ន្ធសហជីពកម្មករសំណង់ និងព្រៃឈើកម្ពុជា និងមជ្ឈមណ្ឌលសម្ព័ន្ធភាពការងារ និងសិទ្ធមនុស្ស ធ្វើសន្និសីទសារព័ត៌មាន ស្តីពី រដ្ឋាភិបាលត្រូវមានវិធានការម៉ឹងម៉ាត់ ដើម្បីធានាគុណភាព​ និងសុវត្ថិភាពនៅ​កន្លែងសម្រាប់កម្មករសំណង់

ភ្នំពេញៈ 

ដោយ៖ សេង ស៊ីដារ៉ូ

នៅថ្ងៃទី៨ ខែមករា ឆ្នាំ២០២០ សហព័ន្ធសហជីពកម្មករសំណង់ និងព្រៃឈើកម្ពុជា(BWTUC) និងមជ្ឈ មណ្ឌលសម្ព័ន្ធ​ភាព​ការងារ និងសិទ្ធមនុស្ស(CENTRAl) ធ្វើការលើកម្ពស់សិទ្ធិការងារ និងសិទ្ធិមនុស្ស ក្នុងប្រ ទេសកម្ពុជា  បានសហការណ៍គ្នារៀបចំសន្និសីទសារព័ត៌មាន ក្រោមប្រធាបទ​ “ រដ្ឋាភិបាលត្រូវមានវិធានការ ម៉ឹងម៉ាត់ ដើម្បីធានាគុណភាព​ និងសុវត្ថិភាព នៅ​កន្លែងការងរសម្រាប់កម្មករសំណង់ ”។



ដែលមានអាស័យ ដ្ឋានផ្ទះលេខ ៣៥៩ ផ្លូវលេខ៦៩ បេតេ សង្កាត់បឹងទំពុន ខណ្ឌមានជ័យ រាជធានីភ្នំពេញ វេលាម៉ោង ០៩ ដល់ ម៉ោង១២ ថ្ងៃត្រង់ នៅការិយាល័យ មជ្ឈមណ្ឌលសម្ព័ន្ធភាពការងារ​ និងសិទ្ធិមនុស្ស (សង់ត្រាល់)​ ព្រមទាំងមានវាគ្មិនជាចើ្រនរូប​ ដើម្បីផ្តល់ព័ត៌មាន។

សហព័ន្ធសហជីពកម្មករសំណង់ និងព្រៃឈើកម្ពុជា(BWTUC) និងមជ្ឈ មណ្ឌលសម្ព័ន្ធ​ភាព​ការងារ និង​សិទ្ធ​​មនុស្ស(CENTRAl) ធ្វើការលើកម្ពស់សិទ្ធិការងារ និងសិទ្ធិមនុស្ស បានជម្រាបជូន នូវហេតុការណ៍ ដែលកើតឡើង កាលពីថ្ងៃទី៣ ខែមករា ឆ្នាំ២០២០ កន្លងទៅថ្មីៗនេះថា មានហេតុការណ៍ដ៏គួឲ្យរន្ធត់ នៃការ បាក់រលំអាគារ ៧ជាន់នៅខេត្តកែប ដែលបណ្តាលឲ្យកម្មកររងគ្រោះសរុបប្រមាណ ៥៩នាក់ ស្ត្រីមាន២២​នាក់ ក្នុងនោះរបួសធ្ងន់​ និងស្រាល២៣នាក់ ស្ត្រី៨នាក់ និងបាត់បង់ជីវិតចំនួន ៣៦នាក់ ស្ត្រី១៦នាក់ និង​ក្មេង៦នាក់។ ដោយហេតុការណ៍នេះ មិនមែនជាលើកទី១នោះឡើយ ហើយដែលបណ្តាលឲ្យកម្មករសំណង់​ជាច្រើននាក់ បានបាត់ជីវិត ដោយសារការធ្វែសប្រហែសក្នុងការអនុវត្តបទដ្ឋាននិយាមសុវត្ថិភាព នៅតាមការ​ដ្ឋានសាងសង់និមួយៗ​ ដែលមិនបានធានាឲ្យមានប្រសិទ្ធភាព និងទប់ស្កាត់ហានិភ័យ ដែលអាចកើតឡើង ជាយថាហេតុ។

សន្និសីទសារព័ត៌មាន របស់សហព័ន្ធសហជីពកម្មករសំណង់ និងព្រៃឈើកម្ពុជា និងមជ្ឈមណ្ឌលសម្ព័ន្ធ​ភាព​ការងារ និងសិទ្ធមនុស្សនេះ ក៏បានសូមអញ្ជើញអ្នកសារព័ត៌មានជាតិ​ និងអន្តរជាតិ អង្គការសង្គមស៊ី​វិល និងតំណាងអង្គទូតនានា ប្រចាំនៅកម្ពុជា ដើម្បីធ្វើការចូលរួមនៃសន្និសីទសារព័ត៌នេះ​ ផងដែរ៕