កសិករ រស់នៅក្នុងភូមិកោះក្របី ថា ការដាំសណ្តែកបារាំង មានតម្លៃខ្ពស់ក្នុងទីផ្សារ និងផ្គត់ផ្គង់ជីវភាព​ប្រចាំ​​ថ្ងៃ​​បានយ៉ាងស្រួល

 ភ្នំពេញៈ

ដោយ៖ សេង ស៊ីដារ៉ូ

 

លោក វ៉ាន ជាកសិកររស់នៅក្នុងភូមិកោះក្របី សង្កាត់ព្រែកថ្មី ខណ្ឌច្បារអំពៅ តែងតែដាំសណ្តែកបារាំងនេះ ជារៀងរាល់ឆ្នាំ លើផ្ទៃដី ២០ម៉ែត្រ គុណ ៣០ម៉ែត្រ ដោយរូបលោកលើកជារង និងធ្វើជាទ្រើង បានចំនួន ០៨ជួរ។ សណ្តែកបារាំងនេះ ដាំក្នុងរយៈពេល ០១ខែ ទើបទទួលបានផល ប៉ុន្តែវាមានរាងសំប៉ែត មានគួរ ដូចជាសណ្តែកគួរដែរ តែមានតម្លៃខ្ពស់ជាងសណ្តែកគួរ ដែលធ្វើឲ្យ​អ្នកដាំតិចតួចបំផុត។

ការដាំសណ្តែកបារាំងនេះ អាចប្រមូលផលបានក្នុងមួយថ្ងៃ ចាប់ពី ២០គីឡូ ទៅ ៣០គីឡូ ហើយប៉ះបានមួយ រំលងមួយថ្ងៃ។ សណ្តែកបារាំងនេះ មិនខ្វះម៉ូយរកទេ អ្នកដាំនៅក្នុងភូមិមានចំនួនតិចតួចបំផុត ពីព្រោះដោយ​សារ​តែ​ដំណាំនេះ វាត្រូវការទឹកច្រើន និងស្រោចទឹកជារៀងរាល់ថ្ងៃ ចំណែកឯតម្លៃ នៅក្នុងទីផ្សារវិញ​ក្នុង​មួយគីឡូលក់បាន ៦០០០រៀល។  ហើយនៅក្នុងការដាំសណ្តែកបារាំង ៨រងនេះ អាចផ្គត់ផ្គង់ជីវភាព​ប្រចាំ​​ថ្ងៃ​​បានយ៉ាងស្រួល៕