រដ្ឋមន្រ្ដីក្រសួងអភិវឌ្ឍន៍ជនបទ ចែកអំណោយ និងពិនិត្យផ្លូវខូចខាត ២ខ្សែ ក្នុងស្រុកចិត្របុរី
ខេត្តក្រចេះ
ដោយ៖ ឌឹម គឹមហាក់
រដ្ឋមន្រ្ដីក្រសួងអភិវឌ្ឍន៍ជនបទ រួមដំណើរដោយ លោកសួស គង់ និងលោក ទ្រី មេង រដ្ឋលេខាធិការក្រសួងអភិវឌ្ឍន៍ជនបទ ព្រមទាំងមន្រ្ដីបច្ចេកទេសជាច្រើនរូបទៀត បាននាំយកអំណោយទៅចែកជូនប្រជាពលរដ្ឋ រងគ្រោះដោយសារទឹកជំនន់ និងពិនិត្យស្ថានភាពផ្លូវខូចចំនួន ២ខ្សែ នៅស្រុកចិត្របុរី ខេត្តក្រចេះ នាថ្ងៃទី៧ ខែសីហា ឆ្នាំ២០១៨។
សម្ដេច នាយករដ្ឋមន្រ្ដី ហ៊ុន សែន បានបណ្ដាំផ្ញើសាកសួរសុខទុក្ខ តាមរយៈលោក អ៊ុក រ៉ាប៊ុន រដ្ឋមន្រ្ដីក្រសួងអភិវឌ្ឍន៍ជនបទ និងបានសម្ដែងការសោកស្ដារចំពោះគ្រោះមហន្ដរាយ ដោយសារទឹកជំនន់ ធ្វើឲ្យបងប្អូនលិចផ្ទះសម្បែង ដីបង្ក បង្កើនផល ហេដ្ឋារចនាសម្ព័ន្ធក្នុងភូមិ ធ្វើឲ្យជួបការលំបាកក្នុងជីវភាពរស់នៅ ជាដើម។
លោក អ៊ុក រ៉ាប៊ុន រដ្ឋមន្រ្ដីក្រសួងអភិវឌ្ឍន៍ជនបទ បានចែកអំណោយជូនប្រជាពលរដ្ឋ ដើម្បីជួយសំរាលការលំបាកមួយចំនួនផងដែរ។ លោករដ្ឋមន្ត្រី បានអំពាវនាវឲ្យប្រជាពលរដ្ឋមានការប្រុងប្រយ័ត្នខ្ពស់ ការពារកូនតូចៗកុំឲ្យលេងទឹក ត្រូវពិសារទឹកដាំពុះ ដើម្បីជៀសឆ្ងាយពីជំងឺឆ្លងផ្សេងៗ ជាមួយនេះ ក៏ត្រូវប្រុងប្រយ័ត្នចំពោះសត្វអសេរពឹស នៅពេលដែលកំពស់ទឹកទន្លេមេគង្គនៅតែបន្តឡើង។
អំណោយដែលបានចែកជូនប្រជាពលរដ្ឋនាពេលនោះ គឺមួយគ្រួសារទទួលបាន ធុងចម្រោះទឹកស្អាត ១ ពីដុងដាក់ទឹកចំណុះ ២០ លីត្រ ១ ធុងសម្រាប់ដាក់ទឹកស្អាត ១ កានសម្រាប់ដាក់ទឹកធ្វើអំពីជ័រចំនួន ១ និងសាប៊ូអនាម័យចំនួន ៥ដុំ។
បន្ទាប់មក លោករដ្ឋមន្រ្ដី និងប្រតិភូរួមដំណើរ ចុះទៅពិនិត្យស្ថានភាពផ្លូវចំនួន ២ខ្សែ ដែលរងការខូចខាតដោយសារទឹកជំនន់ ក្នុងនោះមាន ១ខ្សែ ប្រវែង៥៧០០ម៉ែត្រ លិចទាំងស្រុង ដែលមានទីតាំងពីភូមិតាលោះ ទៅភូមិព្រែកកូវ ឃុំបុសលាវ ស្រុកចិត្របុរី និងមួយខ្សែទៀតប្រវែង ៥០០០ម៉ែត្រ ពីភូមិក្រគរ ទៅភូមិទន្លាប់ ក្នុងសង្កាត់ក្រគរ និងឃុំគោលាប់ ស្រុកចិត្របុរី។ ឯកឧត្ដម បានបញ្ជាក់ថា ស្ថានភាពអាកាសធាតុ មានភ្លៀងធ្លាក់ជាបន្តបន្ទាប់ និងទឹកជំនន់ទន្លេមេគង្គបន្តឡើង បង្កឲ្យមានទឹកជំនន់លិចភូមិ ឃុំ សង្កាត់ មួយចំនួន ក្នុងនោះបានបណ្ដាលឲ្យខូចខាតនូវហេដ្ឋារចនាសម្ព័ន្ធ មួយចំនួន រួមមានផ្លូវ ស្ពាន និងសំណង់សិល្បកា។ ដោយឡែកផ្លូវដែលគ្រប់គ្រងដោយក្រសួងអភិវឌ្ឍន៍ជនបទ ដែលរងផលប៉ះពាល់នៅតាមបណ្ដាខេត្តមួយចំនួន ក្រសួងអភិវឌ្ឍន៍ជនបទ នឹងបញ្ជូនក្រុមការងារបច្ចេកទេស ចុះធ្វើការសិក្សាស្រង់ទិន្នន័យ ពីទំហំនៃ ការខូចខាត និងដើម្បីងាយស្រួលដល់ការលើកគម្រោងជួសជុល និងកែលម្អឡើងវិញនៅពេលទឹកស្រក៕
ដោយ៖ ឌឹម គឹមហាក់
សម្ដេច នាយករដ្ឋមន្រ្ដី ហ៊ុន សែន បានបណ្ដាំផ្ញើសាកសួរសុខទុក្ខ តាមរយៈលោក អ៊ុក រ៉ាប៊ុន រដ្ឋមន្រ្ដីក្រសួងអភិវឌ្ឍន៍ជនបទ និងបានសម្ដែងការសោកស្ដារចំពោះគ្រោះមហន្ដរាយ ដោយសារទឹកជំនន់ ធ្វើឲ្យបងប្អូនលិចផ្ទះសម្បែង ដីបង្ក បង្កើនផល ហេដ្ឋារចនាសម្ព័ន្ធក្នុងភូមិ ធ្វើឲ្យជួបការលំបាកក្នុងជីវភាពរស់នៅ ជាដើម។
អំណោយដែលបានចែកជូនប្រជាពលរដ្ឋនាពេលនោះ គឺមួយគ្រួសារទទួលបាន ធុងចម្រោះទឹកស្អាត ១ ពីដុងដាក់ទឹកចំណុះ ២០ លីត្រ ១ ធុងសម្រាប់ដាក់ទឹកស្អាត ១ កានសម្រាប់ដាក់ទឹកធ្វើអំពីជ័រចំនួន ១ និងសាប៊ូអនាម័យចំនួន ៥ដុំ។
បន្ទាប់មក លោករដ្ឋមន្រ្ដី និងប្រតិភូរួមដំណើរ ចុះទៅពិនិត្យស្ថានភាពផ្លូវចំនួន ២ខ្សែ ដែលរងការខូចខាតដោយសារទឹកជំនន់ ក្នុងនោះមាន ១ខ្សែ ប្រវែង៥៧០០ម៉ែត្រ លិចទាំងស្រុង ដែលមានទីតាំងពីភូមិតាលោះ ទៅភូមិព្រែកកូវ ឃុំបុសលាវ ស្រុកចិត្របុរី និងមួយខ្សែទៀតប្រវែង ៥០០០ម៉ែត្រ ពីភូមិក្រគរ ទៅភូមិទន្លាប់ ក្នុងសង្កាត់ក្រគរ និងឃុំគោលាប់ ស្រុកចិត្របុរី។ ឯកឧត្ដម បានបញ្ជាក់ថា ស្ថានភាពអាកាសធាតុ មានភ្លៀងធ្លាក់ជាបន្តបន្ទាប់ និងទឹកជំនន់ទន្លេមេគង្គបន្តឡើង បង្កឲ្យមានទឹកជំនន់លិចភូមិ ឃុំ សង្កាត់ មួយចំនួន ក្នុងនោះបានបណ្ដាលឲ្យខូចខាតនូវហេដ្ឋារចនាសម្ព័ន្ធ មួយចំនួន រួមមានផ្លូវ ស្ពាន និងសំណង់សិល្បកា។ ដោយឡែកផ្លូវដែលគ្រប់គ្រងដោយក្រសួងអភិវឌ្ឍន៍ជនបទ ដែលរងផលប៉ះពាល់នៅតាមបណ្ដាខេត្តមួយចំនួន ក្រសួងអភិវឌ្ឍន៍ជនបទ នឹងបញ្ជូនក្រុមការងារបច្ចេកទេស ចុះធ្វើការសិក្សាស្រង់ទិន្នន័យ ពីទំហំនៃ ការខូចខាត និងដើម្បីងាយស្រួលដល់ការលើកគម្រោងជួសជុល និងកែលម្អឡើងវិញនៅពេលទឹកស្រក៕
Post a Comment