កំប្លោក មានសារៈប្រយោជន៍ច្រើនយ៉ាង និងអាចរកចំណូលបានជាប្រចាំ
ភ្នំពេញៈ
ដោយ៖ ញ៉ែម សុវត្ថារ៉ូ
នៅក្នុងទីផ្សារ កំប្លោក កំពុងមានតំរូវការជាចាំបាច់ និងអាចរកចំណូលបានជារៀងរាល់ថ្ងៃ ព្រោះដោយសារកំប្លោក ត្រូវបានគេយកមកកែច្នៃធ្វើជាវត្ថុធាតុដើមផ្សេងៗ សម្រាប់ប្រើប្រាស់ប្រចាំថ្ងៃ។
កំប្លោកត្រូវបានគេកាត់យកមកពីក្នុងបឹង ឬទន្លេ បន្ទាប់មកគេយកវាហាលថ្ងៃឲស្ងួត ទើបវាក្លាយទៅជាចំណងខ្សែ យ៉ាងស្វិតបំផុត។ អតិថិជនតែងតែនាំគ្នាទិញខ្សែកំប្លោកនេះ យកទៅចងរបស់របរ ជាពិសេស គេយកវាចងសាច់ក្រក់លក់ ព្រោះខ្សែកំប្លោក ជាចំណងដែលកើតចេញពីធម្មជាតិ បើទោះបីគេយកសាច់ក្រក់នោះ ទៅអាំង ជៀន ក៏វាមិនប៉ះពាល់ដល់សុខភាពដែរ ហើយក៏មានរស់ជាតិឈ្ងុយឆ្ងាញ់ ដោយខុសពីខ្សែលីឡុង មានជាតិគីមី ពេលយកទៅអាំង ជៀន ឆេះឈ្ងៀម មិនអាចយកមកទទួលទានឆ្ងាញ់បានឡើយ។
អ្នកស្រី សម្បត្តិ ដែលប្រកបមុខរបរធ្វើចំណងពីកំប្លោកនេះ ជិតម្ភៃឆ្នាំមកហើយ រស់នៅក្នុងខេត្តស្វាយរៀង តែមកប្រកបមុខរបរជាអ្នកកាត់កំប្លោកធ្វើខ្សែចំណងលក់ នៅក្នុងបឹងជើងឯកជារៀងរាល់ឆ្នាំ។
អ្នកស្រី បានលើកឡើងថា ចំណងកំប្លោកនេះត្រូវហាថ្ងៃឲ្យស្ងួត ចាប់ពីមួយអាទិត្យ ទៅដប់ថ្ងៃ ទើប មានឈ្មួញមកទទួលទិញ ក្នុងមួយបាច់ធំបានថ្លៃ ២០០០០រៀល ទៅ ២៥០០០រៀល ហើយក្នុងមួយខែៗ អាចរកចំណូលបានពី ៥០ម៉ឺនរៀលផងដែរ។
ចំណែកប្អូនប្រុស ឃួយ ដែលប្រកបមុខរបរនេះដូចគ្នា ទើបតែបានពីរឆ្នាំ បាននិយាយថា កំប្លោកពេលដែលកាត់យកមកត្រូវហាថ្ងៃតិចបំផុត៤ថ្ងៃ ទើបដឹកទៅលក់នៅម្តុំឯវត្តស្លែង ដែលជាទីតាំងធំ ដែលទិញខ្សែចំណងកំប្លោកនេះ។ មុខរបរនេះ រកទាំងពីជីតា និងជីដូន របស់គាត់មកម៉្លេះ ហើយអាចរក ចំណូលបានក្នុងមួយខែ ចំនួន៣០០ដុល្លារ ជាមុខរបរមួយដែលគ្រាន់បើជាងធ្វើកម្មករសំណង ដែលមានសេរីភាពបរិបូរណ៍ ទៅតាមចំណង់ចំណូលចិត្តយើងចង់ធ្វើ។ កំប្លោក បានផ្តល់សារៈប្រយោជន៍យ៉ាងច្រើន ដូចជាស្លឹកសម្រាប់វេចខ្ចប់ ដើមសម្រាប់ធ្វើចំណង ឬគ្រឿងសង្ហារឹមផ្សេងៗ និងផ្កា គឺជាអន្លក់ឆ្ងាញ់បំផុត៕
ដោយ៖ ញ៉ែម សុវត្ថារ៉ូ
កំប្លោកត្រូវបានគេកាត់យកមកពីក្នុងបឹង ឬទន្លេ បន្ទាប់មកគេយកវាហាលថ្ងៃឲស្ងួត ទើបវាក្លាយទៅជាចំណងខ្សែ យ៉ាងស្វិតបំផុត។ អតិថិជនតែងតែនាំគ្នាទិញខ្សែកំប្លោកនេះ យកទៅចងរបស់របរ ជាពិសេស គេយកវាចងសាច់ក្រក់លក់ ព្រោះខ្សែកំប្លោក ជាចំណងដែលកើតចេញពីធម្មជាតិ បើទោះបីគេយកសាច់ក្រក់នោះ ទៅអាំង ជៀន ក៏វាមិនប៉ះពាល់ដល់សុខភាពដែរ ហើយក៏មានរស់ជាតិឈ្ងុយឆ្ងាញ់ ដោយខុសពីខ្សែលីឡុង មានជាតិគីមី ពេលយកទៅអាំង ជៀន ឆេះឈ្ងៀម មិនអាចយកមកទទួលទានឆ្ងាញ់បានឡើយ។
អ្នកស្រី បានលើកឡើងថា ចំណងកំប្លោកនេះត្រូវហាថ្ងៃឲ្យស្ងួត ចាប់ពីមួយអាទិត្យ ទៅដប់ថ្ងៃ ទើប មានឈ្មួញមកទទួលទិញ ក្នុងមួយបាច់ធំបានថ្លៃ ២០០០០រៀល ទៅ ២៥០០០រៀល ហើយក្នុងមួយខែៗ អាចរកចំណូលបានពី ៥០ម៉ឺនរៀលផងដែរ។
ចំណែកប្អូនប្រុស ឃួយ ដែលប្រកបមុខរបរនេះដូចគ្នា ទើបតែបានពីរឆ្នាំ បាននិយាយថា កំប្លោកពេលដែលកាត់យកមកត្រូវហាថ្ងៃតិចបំផុត៤ថ្ងៃ ទើបដឹកទៅលក់នៅម្តុំឯវត្តស្លែង ដែលជាទីតាំងធំ ដែលទិញខ្សែចំណងកំប្លោកនេះ។ មុខរបរនេះ រកទាំងពីជីតា និងជីដូន របស់គាត់មកម៉្លេះ ហើយអាចរក ចំណូលបានក្នុងមួយខែ ចំនួន៣០០ដុល្លារ ជាមុខរបរមួយដែលគ្រាន់បើជាងធ្វើកម្មករសំណង ដែលមានសេរីភាពបរិបូរណ៍ ទៅតាមចំណង់ចំណូលចិត្តយើងចង់ធ្វើ។ កំប្លោក បានផ្តល់សារៈប្រយោជន៍យ៉ាងច្រើន ដូចជាស្លឹកសម្រាប់វេចខ្ចប់ ដើមសម្រាប់ធ្វើចំណង ឬគ្រឿងសង្ហារឹមផ្សេងៗ និងផ្កា គឺជាអន្លក់ឆ្ងាញ់បំផុត៕
Post a Comment