ឥឡូវនេះ ប្រជាកសិករ មានការចូលចិត្តដាំ គ្រាប់ពូជស្វាយចន្ទីថ្មី ព្រោះវាទទួលបានទិន្នផលច្រើននិងកំពុងពង្រីកទីផ្សារ ដល់ខេត្តឆ្ងាយៗ
ខេត្តកំពង់ចាមៈ
ដោយ៖ ឌឹម គឹមហាក់
គ្រាប់ពូជ្រស្វាយចន្ទីថ្មី
ដែលហៅថា M23
និងH09 របស់ខ្មែរយើង
បានធ្វើឲ្យកសិករ ពេញនិយមដាំច្រើន រយៈពេលប៉ុន្មានឆ្នាំចុងក្រោយនេះ និងធ្វើឲ្យកសិដ្ឋានមួយចំនួនពង្រីកការបណ្តុះកូនពូជ ស្វាយចន្ទីសម្រាប់លក់ចែកចាយបន្តទៀត ។
អ្នកនាង ឡឹង សុគន្ធា ម្ចាស់កសិដ្ឋានបណ្តុះកូនស្វាយចន្ទី និងពូជស្វាយកែវរមៀត ក្នុងភូមិ តាអុង ស្រុកចំការលើ ខេត្តកំពង់ចាម បានឲ្យដឹងថា ពូជស្វាយចន្ទីនេះ ត្រូវប្រើរយៈពេលបណ្តុះចាប់ពី
៣ខែ ដល់
៥ខែ ទើបអាចយកមកដាំបាន ហើយក្នុងឆ្នាំ២០១៧នេះ អាចលក់កូនស្វាយចន្ទីចេញ បានជាង ២០០០០ដើម ដោយលក់ ក្នុង១ដើមថ្លៃ
២០០០រៀល ហើយបរិមាណនៃការលក់ចេញ ក្នុងឆ្នាំ២០១៦ មានបរិមាណខ្ពស់រហូតដល់ ៥០០០០
ដើម។
 |
អ្នកនាង គន្ធា បានបន្តថា កសិករយើងដែល មកទិញពូជស្វាយចន្ទីថ្មីនេះ
ក្នុងកសិដ្ឋានគឺមកពី ខេត្តព្រះវិហារ ឧត្តរមានជ័យ ស្ទឹងត្រែង រហូតដល់ មណ្ឌលគិរី ក៏មានដែរ។ ពូជគ្រាប់ស្វាយចន្ទីថ្មីនេះ អាចទទួលបានផលឆាបរហ័យ ជាងពូជស្វាយចន្ទីចាស់ ហើយបានទិន្នផលខ្ពស់ផងដែរ ហេតុដូច្នេះហើយពូជថ្មីនេះ បានផ្សព្វផ្សាយដល់ការដាំដុះច្រើនពាសពេញផ្ទៃប្រទេស។ នៅក្នុងកសិដ្ឋានបណ្តុះពូជស្វាយចន្ទីថ្មីនេះ
បានពង្រីកទីផ្សារក្នុងការ លក់ចេញមានការកើនឡើងរហូតដល់ ៨០០០០ដើម ដែលចំណាយទុនមិនក្រោមពី ១០០០០ដុល្លារ នោះឡើយ៕
Post a Comment