ក្រុមហ៊ុន NetEase Games និងក្រុមហ៊ុន Cellcard ប្រកាសអ្នកឈ្នះពានរង្វាន់ក្នុងការប្រកួតហ្គេម Rules of Survival
ភ្នំពេញៈ
ដោយ៖ ហុង ចំណាប់
 |
ការប្រកួតហ្គេម The
Rules of Survival KH Cup វគ្គផ្តាច់ព្រ័ត្រ
នឹងត្រូវបានប្រារព្ធឡើងនៅថ្ងៃសៅរ៍
ទី១៥ ខែមិថុនា ក្នុងផ្សារទំនើបអ៊ីអនម៉លសែនសុខ។ មានក្រុម
ចំនួន ៤ ត្រូវប្រកួតគ្នាជាសាធារណៈ ដើម្បីទទួលបានរង្វាន់ធំជាទឹកប្រាក់សរុបចំនួន
១00លានរៀល (ឬ ២៥,000ដុល្លារ)។
ការប្រកួតហ្គេម ROS
KH Cup ក្នុងរដូវកាលទី១ បានរៀបចំការប្រកួតពាក់កណ្តាលផ្តាច់ព្រ័ត្ត
កាលពីខែមីនានៅកោះពេជ្រ ជាផ្លូវការដំបូងគេបំផុតនៅប្រទេសកម្ពុជា។
ការប្រកូតនេះ ត្រូវបានរៀបចំឡើងក្រោមកិច្ចសហការគ្នារវាងក្រុមអ្នកបង្កើតហ្គេម
ROS គឺក្រុមហ៊ុន NetEase
Games
សហព័ន្ធកីឡាអេឡិចត្រូនិចកម្ពុជា និងក្រុមហ៊ុន Cellcard ក្រោមចក្ខុវិស័យរួមមួយ គឺដើម្បីបណ្តុះបណ្តាល
និងអភិវឌ្ឍន៍វិស័យកីឡាអេឡិចត្រូនិចក្នុងប្រទេសកម្ពុជា។
លោក Ian Watson នាយកប្រតិបត្តិក្រុមហ៊ុន
Cellcard
បានមានប្រសាសន៍ថា ពួកយើងចាត់ទុកការលេងហ្គេម
និងល្បែងកម្សាន្តលើប្រព័ន្ធឌីជីថលជាសសរស្តម្ភមួយ ក្នុងចំណោមសសរស្តម្ភសំខាន់ផ្សេងទៀត
នៃវិស័យឌីជីថលនាពេលអនាគត
ហើយពួកយើងប្តេជ្ញាចិត្តក្នុងការគាំទ្រលើការចាប់ផ្តើមការបង្កើត
និងភាពរីកចម្រើន នៃវិស័យកីឡាអេឡិចត្រូនិច
និងការកម្សាន្តលើវិស័យឌីជីថលក្នុងប្រទេសកម្ពុជា ដែលជាជំហានក្នុងការបណ្ដុះបណ្ដាល
និងរៀបចំសម្រាប់សហគមន៍
ជាពិសេសយុវជនក្នុងការត្រៀមខ្លួននៅក្នុងយុគសម័យឌីជីថលដ៏រីកចម្រើនយ៉ាងឆាប់រហ័សមួយនេះ។
ROS គឺជាហ្គេម battle royale ដែលពេញនិយម និងមានចំនួនអ្នកបានដោនឡូតច្រើនបំផុតក្នុងពិភពលោក រហូតដល់ ២00លានដងទូទាំងពិភពលោក ហើយក្នុងនោះមានអ្នកលេងជារៀងរាល់ថ្ងៃចំនួន ១.១លាននាក់ក្នុងប្រទេសកម្ពុជា និងអ្នកលេងថ្មីជាបន្តបន្ទាប់ទៀត ចំនួន ៥00,000 នាក់ក្នុងមួយខែៗ។ ហ្គេម ROSបច្ចុប្បន្នកំពុងជាប់ចំណាត់ថ្នាក់លេខ៣ ក្នុងចំណោមហ្គេមផ្សេងៗទៀត នៅកម្ពុជា នេះបើយោងតាមគេហទំព័រ appfigures.com ។
ក្រុមហ៊ុន Cellcard ក៏បានជួយជម្រុញក្រុមជ័យលាភីពីការប្រកួតហ្គេម
Mobile Legends:Bang Bang របស់កម្ពុជា ឲ្យទៅចូលរួមប្រកួតក្នុងកីឡា SEA Games ក្នុងឆ្នាំ២០១៩នេះផងដែរ។ កីឡា Mobile Legends Bang Bang នេះទៀតសោត ជាកីឡាដំបូងគេ ដែលបានទទួលស្គាល់ជាកីឡាអេឡិចត្រូនិច
ហើយរាប់បញ្ចូលនៅក្នុងកីឡា Southeast Asian(SEA) ឆ្នាំ២០១៩ ដែលមានប្រទេសហ្វីលីពីនជាម្ចាស់ផ្ទះ៕
សម្រាប់ព័ត៌មានបន្ថែម សូមចូលទៅកាន់https://www.rulesofsurvivalgame.com/khcuphttps://www.facebook.com/RulesofSurvivalCambodiaOfficial/posts/និងតាមដានFacebook របស់ក្រុមហ៊ុន
Cellcard តាមរយៈ https://www.facebook.com/CellcardFanPageសម្រាប់ព័ត៌មានរបស់ការប្រកួតស្វែងរកជើងឯក
KH ROS Cup
ជាលើកដំបូងនេះ! កញ្ញា វ៉ាត
Post a Comment