ក្រុមហ៊ុន Cellcard រៀបចំសិក្ខាសាលា Digital Bootcamp ​ដើម្បីលើកស្ទួយចក្ខុវិស័យឌីជីថ នៅក្នុងសង្គម

ភ្នំពេញៈ


ដោយ៖ ឌឹម គឹមហាក់

កាលពីថ្ងៃទី៧ ខែមិថុនា ឆ្នាំ២០១៩ ក្រុមហ៊ុន Cellcard បាន​ចាប់ដៃគូជាមួយភ្នាក់ងារកំពូលពីរនៅតំបន់អាស៊ី​​​អា​​​គ្នេយ៍ ដើម្បី​រៀបចំសិក្ខាសាលា «Digital Bootcamp» ​និងពង្រឹងវិស័យឌីជីថលដែលជាចក្ខុវិស័យបច្ចុប្បន្ន​របស់ក្រុមហ៊ុន។ កម្មវិធីដែលមានរយៈ៣ថ្ងៃនេះ ត្រូវបានរំពឹងថា នឹងផ្តល់ការយល់ដឹងប្រសើរជាងមុន​ជូន​បុគ្គ​លិក​ អំពីសារៈសំខាន់នៃឌីជីថល​ ​កម្មវិធីសម្រាប់ជំនួញពាណិជ្ជកម្ម និងប្រតិបត្តិការណ៍ការស្វែងយល់ពីការរីក​ចម្រើនផ្នែកបច្ចេកវិទ្យា​ ​និង​សិក្សាពីទី​ផ្សារ​ឌី​ជី​ថល​ ​កា​រ​បង្កើតមាតិកា និងទទួលយកបទ​ពិសោធន៍បច្ចេកវិទ្យា​ VR/AR។​​

សិក្ខាសាលាអំពី​ Digital Bootcamp ​​ប្រារព្ធ​ធ្វើ​ឡើងចាប់​ពី​​​ថ្ងៃទី ៧ដល់៩ ខែមិថុនា នៅឯ The Factory Phnom Penh ហើយនឹងមាន​វត្ត​មាន​បុគ្គលិកជាង៦០នាក់ មកពីក្រុមហ៊ុនផ្សេងៗនៅក្រោមផ្នែក ICT Division ​របស់រ៉ូយ៉ាល់គ្រុប។

ក្រុមហ៊ុន​ ​Cellcard បន្ត​​ជំរុញ​ការ​ចូលរួមពី​បុគ្គលិករបស់ខ្លួន និងផ្តល់ឱកាស​ដល់​​ពួក​គេ​​ក្នុង​ការ​អភិវឌ្ឍន៍​ និង​ពង្រឹងជំនាញឌីជីថលនៅក្នុងស្ថាប័ន​​ ​និង​ក្រុមហ៊ុន រ៉ូយ៉ាល់គ្រុបទាំងមូល ដោយ​ផ្អែក​លើ​ទស្សនវិស័យរបស់​ក្រុម​ហ៊ុន រ៉ូយ៉ាល់គ្រុប ក្នុងការដឹកនាំកំណែទម្រង់នៃប្រព័ន្ធឌីជីថលនៅកម្ពុជា។

លោក​ Watson បាន​​មាន​ប្រសាសន៍​ថា ពួកយើងបច្ចុប្បន្នកំពុងផ្លាស់ប្តូរគំរូអាជីវកម្ម ដើម្បី​ឲ្យ​សាកសមជា​មួយ​ចក្ខុវិស័យឌីជីថលរបស់យើង ហើយពួកយើងកំពុងអភិវឌ្ឍន៍យុទ្ធសាស្ត្រអំពី​​ការ​ដាក់​ចេញ​នូវ​ផលិតផល​ និង​សេវាយ៉ាង​​ថ្មី​​ស្រឡាង​​ពី Cellcard​ នៅសម័យឌីជីថលនេះ។ ក្រុមហ៊ុន Cellcard គឺជាអ្នកផ្តល់សេវានៃការ​រស់នៅបែប​ឌីជីថល ហើយត្រូវបានចាត់ទុកជាជើងឯក ​ក្នុងការបង្កើតបេសកកម្មក្នុងការផ្តល់ចំណេះដឹង និង​បទពិសោធន៍​ដល់បុគ្គលិក​។ ​

លោក បន្ថែមថា ពួកយើងបានអញ្ជើញដៃគូរបស់យើង​លើវិស័យទីផ្សារឌីជីថល ការបង្កើតថ្មី​លើបច្ចេកវិទ្យា និង​ការបង្កើតមាតិកា ដើម្បីចែករំលែកបទពិសោធន៍​របស់ពួកយើង លើ​គម្រោងយុទ្ធនាការ ប្រតិបត្តិ​ការ សូចនាករ​លើប្រតិបត្តិការ ​និង​កា​រវាស់វែង ការបង្កើតមាតិកាលើបច្ចេកវិទ្យា​ VR និងការផលិតបច្ចេកវិទ្យា VR៕