លោក សុខ សូផាត ជាអ្នកនិពន្ធដ៏សាមញ្ញ និងល្បីល្បាញមួយរូប ក្នុងសង្គមបច្ចុប្បន្ន

 ភ្នំពេញៈ

ដោយ ៖ ឌឹម គឹមហាក់

 

 បើនិយាយទៅដល់ស្នាដៃ និងការបោះពុម្ពផ្សាយរបស់អ្នកនិពន្ធនាសម័យថ្មីនេះ គឺកំពុង​តែ​មាន​​សន្ទុះកើនឡើង បើប្រៀបធៀបទៅនឹងសម័យសង្គមចាស់​ (ពីព្រោះនាសម័យនោះ​ គឺមានអ្នកស្មេរតិចតួច ហើយក៏ជាអ្នកបញ្ញវ័ន្ត​ឆ្នើមៗនាសម័យនោះ​ដែរ) ។

លោក សុខ សូផាត អ្នកនិពន្ធដ៏សាមញ្ញម្នាក់ ដែលមានបទពិសោធន៍ ក្នុងការសរសេរសៀវភៅ​បោះពុម្ពផ្សាយ​អស់រយៈពេល៥ឆ្នាំ ចាប់ពីឆ្នាំ២០១០-២០១៦ បាននិពន្ធសៀវភៅជាស្នាដៃខ្លួនឯងបានចំនួន ៤ចំណងជើង និង​​សៀវភៅបកប្រែពីអង់គ្លេស បានចំនួន១៨ចំណងជើង។

លោក សុខ សូផាត ជាអ្នកនិពន្ធ មួយរូបដែលមានការគាំទ្រច្រើនពី មិត្តអ្នកអាន​ដូចជាសៀវភៅស្នាដៃរបស់​លោក​​ទាំង៤ចំណងជើង មានមហាពលិកម្មអនុស្សាវរីយ៍ ចុងក្រោយរបស់ព្រះវីរៈក្សត្រ ទី២ ពិធីរកឈ្នះចិត្ត​ខ្លួនឯង ទីបី ព្រះមហាក្សត្រគំរូ ស្តីពីស្នាព្រះហស្ថ របស់ព្រះបាទជ័យវរ្ម័នទី៧ និងទី៤ ពិធីសំភាសន៍សុំការងារធ្វើ ហើយស្នាដៃទាំងនោះ និងចូលរួមក្នុងពីធីអំណានសៀវភៅ លើកទី២ នាថ្ងៃ១១ ខែមិនា ឆ្នាំ២០១៧ ខាងមុខ។

លោក សូផាត បានបន្តថា ស្នាដៃដែលមានភាពគាំទ្រច្រើនពីមិត្តអ្នកអាន ក្នុងចំណោមស្នាដៃទាំង ៤នោះ គឺ សៀវភៅមានចំណងជើងថា មហាពលិកម្មអនុស្សាវរីយ៍ចុងក្រោរបស់ព្រះវីរៈក្សត្រ ដែលស្តែងឡើងពីការ​ស្រលាញ់ ការតស៊ូ ព្រះប្រវត្តិ និងស្នាព្រះហស្ថរបស់ព្រះបរមរតនៈកោដ្ត នាសម័យសង្គមរាស្ត្រនិយម បានធ្វើ​ឲ្យមិត្តអ្នកអាននិយមចូលចិត្តអំណានច្រើនក្នុងការបោះពុម្ពផ្សាយតាំងពីឆ្នាំ២០១៣មក។ សៀវភៅបកប្រែ និង​សៀវ​​ភៅនិពន្ធដោយផ្ទាល់របស់លោក ធ្វើការបោះពុម្ពម្តងៗចាប់ពី២០០០ ទៅ ៣០០០ ក្បាល ដែលជាបរិ​មាណ​​គួរឲ្យកត់សម្គាល់យ៉ាងខ្លាំង។

បើតាមទស្សនៈ លោក សូផាត ថា កាអានសៀវភៅធ្វើឲ្យមានការផ្លាស់ប្តូរ ដើម្បីជំរុញឲ្យមានសតិស្មារតី ក្នុង​ប្រកបកិច្ចការអ្វីមួយសម្រាប់ជីវិត។ ហើយការអាននេះ និងបានបង្កើនឡើង ដល់មនុស្សក្នុងសង្គម​ចំណែកការនិពន្ធសៀវភៅ និងការបោះពុម្ពក៏មានការកើនដែរ ៕