ក្រុមហ៊ុន Royal Group បានបង្ហាញគម្រោងអភិវឌ្ឍចម្រុះ ដ៏សំខាន់នៅក្នុងតំបន់ទួលគោក
ភ្នំពេញៈ
 |
ជាមួយនឹងទំហំដីអភិវឌ្ឍន៍ចំនួន
១០ម៉ឺនម៉ែត្រការ៉េ គម្រោងអភិវឌ្ឍនេះ នឹងបង្កើតឱកាសដល់ប្រជាជនទាំងការសាងសង់លំនៅដ្ឋាន
និងឱកាសធ្វើពាណិជ្ជកម្ម ពង្រឹងសេដ្ឋកិច្ចគ្រួសារ បង្កើតការងារ
និងទាក់ទាញអ្នកវិនិយោគឲ្យបានកាន់តែច្រើនថែមទៀត នៅចំណុចកណ្តាលនៃទីក្រុងដ៏រីកចម្រើននេះ។
គម្រោងផ្ទះអាផាតចំនួន៨៥១ខ្នង
និងផ្ទះដែលអាចធ្វើពាណិជ្ជកម្មបានចំនួន៥០ខ្នង នឹងត្រូវបានសាងសង់លើដីអភិវឌ្ឍន៍
ដែលមានឈ្មោះថា រ៉ូយ៉ាល់ផ្លាទីនីម (Royal Platinum)។
ហាងលក់ទំនិញដែលស្ថិតលើផ្លូវក្នុងបុរី នឹងមានភាពទាក់ទាញដល់អាជីវករ និងជាកន្លែងដែលផ្តល់សេវាបទពិសោធន៍ធ្វើពាណិជ្ជកម្មលើយីហោអន្តរជាតិល្បីៗ មានទំនិញថ្មីចម្រុះជាច្រើនប្រភេទ រួមមានភោជនីយដ្ឋាន សំលៀកបំពាក់ ជាដើម។ល។
សំណង់អគារលំនៅដ្ឋាន និងស្តង់លក់ទំនិញនេះ
នឹងត្រូវបានចាប់ផ្តើមដាក់លក់នៅខែមិថុនា ខាងមុខ ដែលត្រូវសាងសង់បញ្ចប់ក្នុងរយៈពេល២ឆ្នាំកន្លះ។
អ្នកឧកញ្ញ៉ា គិត ម៉េង
អគ្គនាយកក្រុមហ៊ុន Royal Group និងលោក DatoDr
Johnny Ong នាយកប្រតិបត្តិរបស់ក្រុមហ៊ុន Hong Lai
Huat Groupគ្រុប
បានចូលរួមក្នុងកម្មពិធីសម្ពោធបើកការដ្ឋានសាងសង់ជាផ្លូវការ នេះ។
លោក Mark
Hanna នាយកផ្នែកហិរញ្ញវត្ថុរបស់ក្រុមហ៊ុន Royal
Group បាននិយាយថា
ការអភិវឌ្ឍនេះមានសារៈសំខាន់ប្រកបដោយភាពរីកចម្រើន ក្នុងតំបន់ទួលគោក
ដែលជាតំបន់ដ៏សម្បូរបែបមួយ នៅចំណុចកណ្តាលទីក្រុង។
លោក Hanna បានបន្តទៀតថា ពួកយើងជឿជាក់ថា ការអភិវឌ្ឍនេះ នឹងផ្តល់នូវភាពទំនើប
ទាក់ទាញក្នុងការររស់នៅដល់ក្រុមគ្រួសារ
និងបរិយាកាសធ្វើការងារសម្រាប់អាជីវកម្មធុនតូច និងមធ្យម
ដ៏មានសក្តានុពលជាមួយនឹងការិយាល័យការងារដ៍ទំនើប។ ការអភិវឌ្ឍនេះ ផ្តល់នូវជម្រើសក្នុងការទិញទំនិញដ៏ច្រើន
និងកន្លែងកម្សាន្តសម្រាប់មនុស្សគ្រប់វ័យ
រួមបញ្ចូលទាំងហាងទំនិញក្នុងបុរី ភោជនីយដ្ឋាន ក្លឹបហាត់ប្រាណជាដើម។
គម្រោងចុងក្រោយរបស់ក្រុមហ៊ុន
Royal Group រួមបញ្ចូលទាំងសហគមន៍ Northbridge
Communitiesអាគារខុនដូ North Park Condominium និងសាលាអន្តរជាតិ Southbridge International School។
ក្រុមហ៊ុន Royal Group គឺជាក្រុមហ៊ុនវិនិយោគទុន និងអភិវឌ្ឍន៍លំដាប់កំពូលរបស់ប្រទេសកម្ពុជា ដែលរួមបញ្ចូលគ្នាប្រមាណ៣0ក្រុមហ៊ុន មកពីផលប័ត្រផ្សេងៗគ្នា។
ក្រុមហ៊ុននេះ នៅតែបន្តរក្សាបាននូវប្រជាប្រិយភាពរបស់ខ្លួន
ក្នុងចំណោមឧស្សាហកម្មដ៏ធំលើវិស័យ រួមមានទូរគមនាគមន៍ដឹកជញ្ជូន ថាមពលប្រព័ន្ធផ្សព្វផ្សាយ
និងការកម្សាន្តធនាគារ និងហិរញ្ញវត្ថុការធានារ៉ាប់រងសណ្ឋាគារ និងរមណីយដ្ឋាន ការអប់រំអភិវឌ្ឍន៍អចលនទ្រព្យពាណិជ្ជកម្ម
និងកសិកម្ម។
ក្រុមហ៊ុន Royal Group គឺជាច្រកចេញចូលយុទ្ធសាស្ត្រ នៃការវិនិយោគសម្រាប់ប្រទេសកម្ពុជា។
តាមរយៈបទពិសោធន៍នៃការសហការជាដៃគូដ៏ជោគជ័យជាមួយ នឹងវិនិយោគិនមកពីវិស័យផ្សេងៗគ្នា
ក្នុងឧស្សាហកម្ម ក្រុមហ៊ុន Royal Group
បានផ្តល់ជូននូវការវិនិយោគដ៏មានសក្តានុពល
ជាមួយនឹងសេដ្ឋកិច្ចទីផ្សារសេរី ដំបូងគេនៅក្នុងតំបន់មេគង្គ នៃទ្វីបអាស៊ី។
យើងស្វាគមន៍សម្រាប់ការពិភាក្សាអំពីតម្រូវការវិនិយោគរបស់អ្នក។
ក្រុមហ៊ុន Royal Group បន្តពង្រីកវិសាលភាពរបស់ខ្លួននៅក្នុងវិស័យឧស្សាហកម្ម និងតែងតែស្វែងរកឱកាស
ថ្មី ក្នុងការពង្រីកនឹងលើកកម្ពស់អាជីវកម្មនៅក្នុងប្រទេសកម្ពុជា។
ក្រុមហ៊ុន Hong Lai Huat Group Limited គឺជាក្រុមហ៊ុនអចលនទ្រព្យដ៏ល្បីល្បាញ ដែលមានភាពជោគជ័យជាង
៣១ឆ្នាំ។
ក្រុមហ៊ុននេះ ត្រូវបានបង្កើតឡើងក្នុងឆ្នាំ១៩៨៨៨ និងបានបញ្ចប់គម្រោងសាងសង់លំនៅដ្ឋានពាណិជ្ជកម្ម
និងគម្រោងឧស្សាហកម្មជាច្រើននៅទូទាំងប្រទេសសិង្ហបុរី។
នៅក្នុងឆ្នាំ២០០៨ ក្រុមហ៊ុននេះ បានបញ្ចូលខ្លួនទៅក្នុងវិស័យកសិកម្ម
ដែលផ្តោតលើការដាំដុះដំឡូងមី នៅលើផ្ទៃដីទំហំ មួយម៉ឺនហិចតា នៅក្នុងស្រុកឱរ៉ាល់
ខេត្តកំពង់ស្ពឺ និងបានផលិតម្សៅ ដំឡូងមី native tapiocaសម្រាប់ម្ហូបអាហារ
និងឧស្សាហកម្ម នៅទ្វីបអឺរ៉ុប និងអាស៊ីអាគ្នេយ៍។
នៅក្នុងឆ្នាំ២០១៦ ក្រុមហ៊ុននេះ បានបើកដំណើរការគម្រោង D’Seaview ជាគម្រោងអភិវឌ្ឍន៍ដំបូងគេដែលទទួលបានកម្មសិទ្ធិប្រើប្រាស់ នៅកម្ពុជា ដែលត្រូវអភិវឌ្ឍនៅខេត្តព្រះសីហនុ។ គម្រោងនេះ បានសាងសង់លំនៅដ្ឋានចំនួន៧៣៧ខ្នង និងស្តង់លក់ទំនិញចំនួន៦៧ខ្នង។
នៅក្នុងឆ្នាំ២០១៦ ក្រុមហ៊ុននេះ បានបើកដំណើរការគម្រោង D’Seaview ជាគម្រោងអភិវឌ្ឍន៍ដំបូងគេដែលទទួលបានកម្មសិទ្ធិប្រើប្រាស់ នៅកម្ពុជា ដែលត្រូវអភិវឌ្ឍនៅខេត្តព្រះសីហនុ។ គម្រោងនេះ បានសាងសង់លំនៅដ្ឋានចំនួន៧៣៧ខ្នង និងស្តង់លក់ទំនិញចំនួន៦៧ខ្នង។
ក្នុងឆ្នាំ ២០១៩ ក្រុមហ៊ុននឹងចាប់ផ្តើមបើកដំណើរការគម្រោង
Royal Platinum ដែលជាការអភិវឌ្ឍចម្រុះលើកទីពីររបស់ខ្លួន បន្ទាប់ពីភាពជោគជ័យនៃគម្រោង
D’Seaview។ Royal Platinum នឹងត្រូវបានអភិវឌ្ឍនៅតំបន់ទួលគោក
ជាមួយនឹងលំនៅដ្ឋាន និងស្តង់លក់ទំនិញចំនួន៨០០។
ក្រុមហ៊ុន Hong Lai Huat Group
Limited ត្រូវបានចុះបញ្ជីជាគណៈកម្មាធិកា នៃផ្សារភាគហ៊ុនសិង្ហបុរី
នៅពីថ្ងៃទី២១ ខែមិថុនា ឆ្នាំ២០០០៕
Post a Comment