សហព័ន្ធកីឡា​អេឡិចត្រូនិកកម្ពុជា បានបញ្ជូនកីឡាករ ចេញទៅប្រកួតជើងឯកធំ​ ប្រចាំអាស៊ាន​នៅ​ប្រទេសថៃ

  ភ្នំពេញៈ

ដោយ៖ ហុង ចំណាប់

សហព័ន្ធកីឡាអេឡិចត្រូនិកកម្ពុជា បានបញ្ជូនកីឡាកររបស់ខ្លួន ដើម្បីចូលរូមប្រកួតជើងឯកធំ ប្រចាំ​អាស៊ាន ដែលនឹងត្រូវបានប្រារព្ធធ្វើនៅប្រទេសថៃ ក្នុងទីក្រុងបាងកក​ នៅថ្ងៃទី ០២-០៣ ខែមីនា ឆ្នាំ២០១៩។​

 

សម្រាប់ការប្រកួតនេះ មានប្រទេសចូលរួម ចំនួន៨ ដែលរួមមានដូចជា ប្រទេសថៃ ឥណ្ឌូនេស៊ី មីយ៉ាន់ម៉ា វៀតណាម ម៉ាឡេស៊ី សិង្ហបុរី ឡាវ និង កម្ពុជា។

បណ្តាប្រទេសនីមួយៗនឹងបញ្ជូនកីឡាករកំពូលទាំង​ ៤​ របស់ខ្លួន​មកប្រកួតប្រជែងនឹងកីឡាករ ដែល​ចូល​​​រួមទាំង ២៨រូប ដើម្បីដណ្តើមយកជ័យជម្នះក្នុងវគ្គបន្ទាប់​ ១– ជើងឯកវិញ្ញាសា PES League ២០១៩ Asia Round Season ២– ចូលទៅកាន់វគ្គ World Finals។ ​ដោយឡែកតែ ឡាវ និង កម្ពុជា ជាប្រទេសថ្មី ដែលទើបតែចូលរួមជាមួយការប្រកួតប្រជែង វិញ្ញាសា PES League នៅឆ្នាំទី១​ដូច្នេះទោះជាកីឡករឈ្នះ ក៏មិនអាចមានសិទ្ធចូលទៅកាន់វគ្គ World Finals បាន​ទេ។​

សម្រាប់ប្រទេសកម្ពុជាកីឡាករកំពូលទាំង ៤ ដែលនឹងតំណាងឱ្យប្រទេសនៅ PES SEA FINALS ២០១៩ ត្រូវបានកំណត់អត្តសញ្ញាណ ក្រោយពីពួកគេបានទទួលជ័យជម្នះ ពីកីឡាករ ដែលបានចុះ​ឈ្មោះ ៧០ នាក់ផ្សេងទៀត នៅក្នុងការប្រកួតប្រជែង PES ដែលរៀបចំដោយសហព័ន្ធកីឡា អេឡិច​ត្រូនិក​កម្ពុជា កាលពីថ្ងៃទី២២ ខែកុម្ភៈឆ្នាំ ២០១៩។

ហើយកីឡាករ ដែលបានចូលរួមការប្រកួតនោះ មានដូចជា វ៉ាញ សុខបញ្ញា (២៧ឆ្នាំ) ពីទីក្រុង​ភ្នំ​ពេញ, តាំង គីមសុង (១៥ឆ្នាំ) ពីទីក្រុងភ្នំពេញ, វង្ស ពេជ្របុរី (២៤ឆ្នាំ) ពីទីក្រុងភ្នំពេញ,​ ផាន់ វិសិទ្ធ (៣០ឆ្នាំ) ពីខេត្តកណ្តាល និងរួមដំណើជាមួយ គណៈប្រតិភូ​ទៅកាន់ទីក្រុងបាងកក​ដើម្បីចូលរួម​ក្នុងការប្រកួតនៅពីថ្ងៃទី៣ ខែមីនា នេះ៕​​