សែលកាត រៀបចំកម្មវិធី សង្ក្រាន្តវិទ្យាល័យ ដើម្បីលើកស្ទួយប្រពៃណីជាតិខ្មែរ និងចំណងមិត្តភាពមនុស្សក្នុងសង្គម
ដោយ៖ សេង ស៊ីដារ៉ូ
 |
ក្រុមហ៊ុនCellcard ដែលមានម្ចាស់ភាគហ៊ុនជាជនជាតិខ្មែរ តែងតែចូលរួមគាំទ្រកម្មវិធីនានា
របស់សង្គម ជាពិសេសផ្តោតយ៉ាងសំខាន់លើយុវជន ជួយបំផុសបំផុលស្មារតីឲ្យពួកគេជៀសឆ្ងាយពីគ្រឿងញៀន
ដោយនាំយកកម្មវិធីថ្មីៗ ជាច្រើន។
បច្ចុប្បន្ននេះ Cellcard ក៏សហការជាមួយសហពន័្ធកីឡាបាល់ទាល់កម្ពុជា
ដើម្បីរៀបចំកម្មវិធី ការប្រកួតជម្រើសជើងឯកសាលាតម្រង់ទិស និងរៀបចំបិទកម្មវិធីនៅថ្ងៃទី៣១
ខែមិនា ឆ្នាំ២០១៩ នៅខេត្តបន្ទាយមានជ័យ។
សែលកាត បានរៀបចំកម្មវិធី សង្ក្រាន្តវិទ្យាល័យ ចំនួន៣ដងរួចមកហើយ
ពោលគឺ លើកទី១ នៅឆ្នាំ២០១៦ វិទ្យាល័យចំណេះទូទៅ និងបច្ចេកទេសហ៊ុនសែនជម្ពូវ័ន
លើកទី២ នៅឆ្នាំ២០១៧ នៅវិទ្យាល័យចំណេះទូទៅ
និងបច្ចេកទេសហ៊ុនសែនជម្ពូវ័ន លើកទី៣ នៅឆ្នាំ២០១៨ វិទ្យាល័យ ជាស៊ីមសាមគ្គី ដែលព្រឹត្តិការណ៏បង្កប់នូវការអប់រំ
និងសាមគ្គីភាព ក្រោមស្មារតីតែមួយ ផ្តល់ភាពរីករាយជូនប្អូនៗ នៅសាលាទាំងមូល
យ៉ាងសោមន្ស រីករាយជាមួយការកំសាន្តល្បែងប្រជាប្រិយិ៍ខ្មែរ ការតាំងបង្ហាញឧបករណ៏បុរាណ
និងសិល្បៈរបាំប្រជាប្រិយ ការតាំងលក់ផលិតផលខ្មែរ
ម្ហូបអាហារខ្មែរដ៏ច្រើនសម្បូរបែប
ជាពិសេសការរាំលេងកំសាន្តចង្វាក់ប្រជាប្រិយិ៍ខ្មែរ និងចង្វាក់នាទស្សវត្សទី៦០
ផងដែរ។
កម្មវិធី សង្ក្រាន្តវិទ្យាល័យ បានបង្កើតជាលើកទីដំបូងបង្អស់
ផ្តួចផ្តើមធ្វើឡើងដោយ ក្រុមអតីតសិស្សនៃវិទ្យាល័យ ចំណេះទូទៅ និងបច្ចេកទេសហ៊ុនសែនជម្ពូវ័ន
(ពីមុនឈ្មោះវិទ្យាល័យហ៊ុនសែនជម្ពូវ័ន) ក្នុងគោលបំណងផ្សារភ្ជាប់ និងបង្កើនទំនាក់ទំនងមិត្តភាពរបស់ប្អូនៗគ្រប់បណ្តាវិទ្យាល័យផ្សេងៗ
ក្នុងរាជធានីភ្នំពេញ ក៏ដូចជាបងប្អូននិស្សិត និងមហាជនទូទៅ ចូលរួមបង្កើតបរិយាកាសសប្បាយរីករាយ
ដើម្បីត្រៀមអបអរសាទរពិធីបុណ្យចូលឆ្នាំប្រពៃណីជាតិខ្មែរ តាមរយៈការអប់រំផ្នែក
បំនិនជីវិត កីឡា និងផ្នែកវប្បធម៏សិល្បៈប្រជាប្រិយិ៍ខ្មែរ។
កម្មវិធីនេះ បង្កប់នូវការអប់រំជាច្រើនជូនប្អូនៗយុវជនជំនាន់ក្រោយ
តាមរយៈសិល្បៈប្រជាប្រិយិ៍ និង បែបបទប្រពៃណី ក្រោមការជ្រុមជ្រែងពីក្រសួងពាក់ព័ន្ធ
ដូចជាក្រសួងអប់រំ យុវជន និងកីឡា ក្រសួងវប្បធម៏ និង វិចិត្រសិល្បៈ ពិសេសការសហការពី
គណនាយកសាលា ដែលជាម្ចាស់ផ្ទះ លោកអភិបាលខណ្ឌ និងអ្នកឧបត្ថម្ភកម្មវិធីជាច្រើនទៀត ដែលមិនអាចខ្វះបាន។
បន្ទាប់សែលកាត ត្រៀមអបអរសាទរ ទទួលទេវតាឆ្នាំថ្មី ក៏បានបន្តរៀបចំកម្មវិធី
សង្ក្រាន្តវិទ្យាល័យ ជាថ្មីម្តងទៀត ដោយបានទទួលការអនុញ្ញាតពីលោកនាយកវិទ្យាល័យឥន្ទ្រទេវី
និងការគាំទ្រពីក្រសួងអប់រំយុវជន នឹងកីឡា ព្រមទាំងក្រសួងវប្បធម៌ និងវិចិត្រសិល្បៈ
រួមសហការពីសិល្បករបុរាណ នឹងប្រពៃណីខ្មែរ អមជាមួយសិល្បករសម័យជាច្រើនរូបទៀត
ក្នុងការប្រារព្ធនូវកម្មវិធីនេះ ក្រោមប្រធានបទ “សិល្បៈប្រជាប្រិយិ៍ យុវជនសម័យថ្មី
ស្មារតីតែមួយ” ដោយរួមបញ្ចូលនូវកម្មវិធីសាសនា ល្បែងប្រជាប្រិយិ៍
និងការសំដែងសិល្បៈ ទម្រង់ប្រជាប្រិយិ៍ប្រពៃណីខ្មែរជាច្រើនទៀតផងដែរ។
សម្រាប់កម្មវិធីក្នុងឆ្នាំថ្មីនេះ នឹងប្រារព្ធឡើងរយៈពេល
បីថ្ងៃពេញ គឺចាប់ពីថ្ងៃទី ០៥ រហូត ដល់ថ្ងៃទី ០៧ ខែ មេសា ឆ្នាំ ២០១៩
ក្នុងគោលបំណងដូចខាងក្រោម៖
១ ផ្សព្វផ្សាយពីទម្រង់សិល្បៈរបាំ, ឧបករណ៏ប្រជាប្រិយិ៍
និងចង្វាក់ប្រពៃណីរបស់ខ្មែរយើង។
២ ផ្តល់ឱកាសដល់សិស្សវិទ្យាល័យផ្សេងៗ ចូលរួមជាមួយកម្មវិធី
ហើយយល់ពីតម្លៃ មិត្តភាពសាមគ្គីភាព និងការស្រលាញ់រាប់អានគ្នា អធ្យាស្រ័យគ្នា
ដោយគោរពតាមទម្រង់នៃសិល្បៈវប្បធម៌ ប្រពៃណីខ្មែរយើង ក្រោមស្មារតីខ្មែរតែមួយ។
៣ លុបបំបាត់សិល្បៈបែកស្លុយ និងសាបព្រោះនូវទម្រង់សិល្បៈបែបប្រជាប្រិយិ៍ប្រពៃណីខ្មែរ
៤ ផ្សារភ្ជាប់ និងលើកទឹកចិត្តប្អូនៗ វិទ្យាល័យនានា
តាមរយៈការចូលរួមកម្មវិធីក្នុងបរិវេណវិទ្យាល័យខាងលើ ដោយមិនប្រកាន់ទស្សនៈវិទ្យាល័យនិយម
បន្ថែមពីនេះទៅទៀត យើងបានរំលេចនូវមាតិកានៃកម្មវិធីឆ្នាំនេះ ដោយផ្តោតលើគោលចំនុចសំខាន់ៗបីដូចជា៖
១. បំនិនជីវិត
ដោយតម្រូវឲ្យសិស្សានុសិស្សតំណាងវិទ្យាល័យ ចំនួន៨ ចូលរួមប្រកួត កម្មវិធី ចុងភៅវ័យក្មេង (ប្រកួតធ្វើម្ហូប និង
បង្អែមខ្មែរ)។
២.ទេពកោសល្យសិល្បៈ បើកឲ្យមានការប្រកួតសំនៀង
របស់សិស្សវិទ្យាល័យផ្សេងៗ ទៅលើចង្វាក់ប្រជាប្រិយិ៍ខ្មែរ ក្រោមកម្មវិធីឈ្មោះថា “ម្ចាស់សំនៀងវិទ្យាល័យ”។
៣.គំនិតច្នៃប្រឌិត
និងកែច្នៃ បើកឲ្យសិស្សានុសិស្សតំណាងវិទ្យាល័យចំនួន៨
ដាក់តាំងបង្ហាញស្នាដៃច្នៃប្រឌិតបែបវិទ្យាសាស្ត្រ ក្រោមកម្មវិធី “ភូមិវិទ្យាសាស្ត្រ វិទ្យាល័យមួយស្នាដៃមួយ”
និងកម្មវិធីច្នៃម៉ូតសម្លៀកបំពាក់កែច្នៃពីសំរាមដោយជម្រុញយុវជនឲ្យស្រលាញ់បរិស្ថាន
ក្រោមកម្មវិធី “យុវទូតវិទ្យាល័យ ច្នៃប្រឌិត” ៕
Post a Comment