រដ្ឋមន្រ្តីក្រសួងអភិវឌ្ឍន៍ជន ចែកអំណោយកង់ ដល់សិស្សក្រីក្រ មកពីសាលាបឋមសិក្សា អនុវិទ្យាល័យ និងវិទ្យាល័ ស្រុករលាប្អៀរ

ខេត្តកំពង់ឆ្នាំង

ដោយៈ ហុង ចំណាប់

 រដ្ឋមន្រ្តីក្រសួងអភិវឌ្ឍន៍ជន បានជំរុញឲ្យសិស្សានុសិស្ស ខិតខំយកចិត្តទុកដាក់ក្នុងការសិក្សារៀនសូត្រ  ដើម្បីក្លាយជាធនធានមនុស្ស ប្រកបដោយគុណភាព និងគុណតម្លៃ សម្រាប់ប្រទេសជាតិ។ ក្នុងកម្មវិធី​ចែកអំណោយកង់ចំនួន១០១ ដល់សិស្សានុសិស្ស ក្រីក្រនៅខេត្តកំពង់ឆ្នាំង កាលពីព្រឹកថ្ងៃអាទិត្យទី២៤ ខែកុម្ភៈ ឆ្នាំ២០១៩។        ​

សិស្សានុសិស្សដែលទទួលបានកង់ និងសម្ភារៈសិក្សា និងថវិកានាពេលនេះ មានចំនួន ១០១ នាក់ មកពីសាលាបឋមសិក្សា  អនុវិទ្យាល័យ និងវិទ្យាល័យ ក្នុងឃុំក្រាំងលាវ និងឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង។

លោក អ៊ុក រ៉ាប៊ុន រដ្ឋមន្រ្តីក្រសួងអភិវឌ្ឍន៍ជន និងជាប្រធានក្រុមការងារថ្នាក់ជាតិ ចុះមូលដ្ឋានជួយ ខេត្តកំពង់ឆ្នាំង បានជំរុញឲ្យសិស្សានុសិស្សទាំងអស់ ខិតខំយកចិត្តទុកដាក់ក្នុងការសិក្សារៀនសូត្រ ដើម្បី ក្លាយជាធនធានមនុស្សប្រកបដោយគុណភាព និងគុណតម្លៃ សម្រាប់ប្រទេសជាតិ។

ការចែកអំណោយកង់ និងសម្ភារៈសិក្សា រួមទាំងថវិកា នាពេលនេះ គឺជាការចែករំលែក​ក៏ដូចជាការលើក​ទឹកចិត្តដល់ក្មួយៗ ចៅៗ​ ដែលខ្វះខាតមធ្យោបាយធ្វើដំណើរទៅសិក្សា នៅឯសាលារៀន  ទោះជាអំ​ណោយនេះ មិនបានផ្ដល់ជូនបានគ្រប់សិស្ស ដែលក្រីក្រក៏ពិតមែន ក៏អាចជួយសម្រាលបន្ទុកក្រុមគ្រួសារ បានមួយចំណែកដែរ។ ជាមួយនេះក្រុមគ្រួសារមនុស្សធម៌ជួយសិស្សក្រីក្រ ​រួមជាមួយក្រុមការងារថ្នាក់ជាតិ ចុះមូលដ្ឋានជួយខេត្តកំពង់ឆ្នាំង និងខិតខំកៀរគរបន្ថែមទៀត តាមលទ្ធភាពដែលអាចធ្វើបាន ដើម្បីជួយ​ដល់សិស្សក្រីក្រដទែទៀត។

លោកបណ្ឌិតរដ្ឋមន្រ្ដី បានថ្លែងអំណរគុណយ៉ាងជ្រាលជ្រៅដល់ក្រុមគ្រួសារមនុស្សធម៌ ជួយសិស្សក្រីក្រ ​ដែលជាម្ចាស់ជំនួយ និងសូមឲ្យបន្តជួយសិស្សក្រីក្រដទែទៀត ដែលពុំមានលទ្ធភាព និងខ្វះខាតសម្ភារៈ និងថវិកាក្នុងការសិក្សា៕