ឯកឧត្តម ហ៊ុន ម៉ានី បានលើពីអត្ថន័យដ៏ជ្រាលជ្រៅមកបង្ហាញថា កម្ពុជា មានសន្តិភាពពេញលេញ មានសិទ្ធិ និងអំណាច ស្មើមុខស្មើមាត់ដូច បណ្តាប្រទេសនានាក្នុងពិភពលោក និងមានសមត្ថភាពគ្រប់គ្រាន់ ក្នុងការរៀបចំដឹកនាំកិច្ចប្រជុំកំពូលអាស៊ាន

ដោយៈ សេង ស៊ីដារ៉ូ

ឯកឧត្តម ហ៊ុន ម៉ានី បានលើពីអត្ថន័យដ៏ជ្រាលជ្រៅមកបង្ហាញថា កម្ពុជា មានសន្តិភាពពេញលេញ ដែលអនុញ្ញាតឲ្យប្រទេសនេះ មានលទ្ធភាព​គ្រប់គ្រាន់ក្នុងការទទួលស្វាគមន៍ នូវរាល់វត្តមានរបស់ថ្នាក់ដឹកនាំ​កំពូល​ៗ​​របស់ពិភពលោក និងតំបន់ ក៏ដូចជាប្រធានស្ថាប័ន និងអង្គការអន្តរ​ជាតិធំៗនានា។

កម្ពុជា មានសមត្ថភាពគ្រប់គ្រាន់ក្នុងការរៀបចំ និងដឹកនាំកិច្ចប្រជុំកំពូល​នានា ជាអាទិ៍ កិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធ ដែលឆ្លុះ​បញ្ជាំ​​ង​​​ឲ្យឃើញពីសមត្ថភាពនៃការដឹកនាំ ធនធានមនុស្សដ៏មានសក្តា​នុពល និងបរិយាកាសប្រកបដោយភាពអំណោយផល។ កម្ពុជា មាន​សិទ្ធិ និងអំណាច ស្មើមុខស្មើមាត់ដូចបណ្តាប្រទេសនានាក្នុងពិភព​លោក ដែលរួមមានសិទ្ធិក្នុងការផ្តួចផ្តើម កំណត់ចក្ខុវិស័យ បង្កើតយន្ត​ការដោះស្រាយបញ្ហាតំបន់ និងពិភពលោក។

កម្ពុជា បានប្រែក្លាយពីប្រទេសដែលធ្លាប់បានញ៉ាំញីដោយផេះផង់​នៃ​ភ្លើង​សង្រ្គាម និងជម្លោះផ្ទៃក្នុងដ៏រ៉ាំរ៉ៃ ភាពអត់ឃ្លាន ការរំលោភសិទ្ធិ​មនុស្ស មកជាប្រទេសដែលមានការអភិវឌ្ឍលើគ្រប់វិស័យ ការគោរព​សិទ្ធិមនុស្ស ប្រជាធិបតេយ្យ និងជាប្រទេសនីតិរដ្ឋពិតៗ ហើយកម្ពុជា កំពុងដើរលើផ្លូវដ៏ត្រឹមត្រូវបំផុត ក្រោមម្លប់ដ៏ត្រជាក់នៃអង្គព្រះមហា​ក្សត្រ និងក្រោមការដឹកនាំដ៍ឈ្លាសវៃ និងប៉ិនប្រសព្វរបស់សម្តេច​អគ្គមហាសេនាបតីតេជោ ហ៊ុន សែន ប្រមុខរាជរដ្ឋាភិបាលកម្ពុជា។

ដូច្នេះយើងទាំងអស់គ្នា ត្រូវពួតដៃគ្នារក្សាសន្តិភាព និងបន្តជំរុញនូវភាព​រុងរឿងនេះតទៅមុខទៀត ដើម្បជាតិ និងមាតុភូមិយើងទាំងអស់គ្នា៕

https://kronglungvek.com.kh