ចិញ្ចឹមពូជទាកាប៉ាប៉េកាំង ទទួលបានផលច្រើន

ខេត្តតាកែវៈ

ដោយ៖ សេង ស៊ីដារ៉ូ

ពូជទាកាប៉ាប៉េកាំង ជាប្រភេទទាដែលសម្បូរខ្លាញ់ជាងទាធម្មតា ហើយ ការចិញ្ចឹមឆាប់ធំ​ធាត់លឿន ​ធ្វើឲ្យ​មាន​អ្នកចិញ្ចឹមច្រើន ​ ​និងធ្វើការ​ផ្សព្វ​ផ្សាយ​តាម​រយៈអន​ឡាញ ក្នុងទីផ្សាររាជធានី និងខេត្តតាកែវ។

អ្នកស្រីឡាង ជាអ្នកលក់ចែកចាយបន្តក្នុងក្រុងភ្នំពេ​ញ ​តាមរយៈអន ឡាញ ​បានឲ្យដឹងថា​ កូនទាកាប៉ាប៉េកាំង​នេះ លក់ចេញមួយក្បាលថ្លៃ ៥ពាន់រៀល បើទិញច្រើនអាចចុះថ្លៃមកនូវ ៤៥០០រៀល។

ទាកាប៉ាប៉េកាំង ជាប្រភេទទាដែលសម្បូរខ្លាញ់ច្រើន ដែលអាចអាជីវករ យកទៅខ្វៃ ឬដុតក្នុងវិធីមង្គល ឬពិធី​បុណ្យផ្សេងៗទៀត។​ អ្នកស្រីឡាង បានបន្តទៀតថា បើចិញ្ចឹមកូនទាកាប៉ាប៉េកាំង ​ឲ្យបានត្រឹមត្រូវតាម បទ​ដ្ឋាន​បច្ចេកទេស គឺចិញ្ចឹមត្រឹមតែរយៈពេល២ខែ១០ថ្ងៃ កូនទាកាប៉ាអាច ឡើងទម្ងន់ដល់៣គីឡូ ហើយ​ក្នុង​ចំនួន៥០០កូនទា អាចរកចំណូលបាន ១ពាន់ដុល្លារ​ ក្នុង១វគ្គ ហើយតម្លៃទីផ្សារសាច់ទាកាប៉ាប៉េកាំងក្នុង​១គីឡូ ក្រាម តាមហាងឆេង ៧ពាន់រៀលទៅ១១០០០រៀល។​

ដេប៉ូលក់ចែកចាយកូនទាកាប៉ាប៉េកាំងនេះ​មាន​នៅរាជធានីភ្នំពេញ និង នៅទីតាំងខេត្តតាកែវ៕