ដាំស្មៅបីប្រភេទ ដែលជាចំណីដ៏ល្អ សម្រាប់ការពារសុខភាពសត្វ
ខេត្តកំពង់ស្ពឺៈ
ដោយ៖ សេង ស៊ីដារ៉ូ
ពូជស្មៅបីប្រភេទ ដែលនាំចូលពីប្រទេសថៃត្រូវបានកសិករយើងនាំ យកមកដាំ ដើម្បីផ្គត់ផ្គង់សម្រាប់ជាចំណីសត្វ និងធ្វើលក់ទូទាំង២៥ រាជធានី ខេត្ត។
លោក ម៉ា ទីន ជាកសិករនៅស្រុកភ្នំស្រួច ខេត្តកំពង់ស្ពឺ បានធ្វើការ អះអាងថា រូបលោក មានបទពិសោធន៍ថ្មី ក្នុងការដាំស្មៅបីប្រភេទ ដែលជាសចំណីដ៏ល្អ សម្រាប់បំប៉នសុខភាពសត្វ។
ការដាំស្មៅបីប្រភេទ នៅលើផ្ទៃដីជាង១ហិកតា ដោយការប្រើប្រាស់ទុន តិចតួចប៉ុណ្ណោះ ដែលស្មៅបីប្រភេទនេះ បាននាំចូលពីប្រទេសថៃ និង មានឈ្មោះថា ស្មៅផ្អែមអ៊ីស្រាអែលស្មៅណេណានិងស្មៅឃីងហ្គ្រាស់។
លោក ម៉ា ទីន បានដាំស្មៅប្រភេទនេះ អស់រយៈពេលបីឆ្នាំមកហើយ ដោយប្រើរយៈពេលដាំ១ខែកន្លះទៅ២ខែ ក្នុងការថែទាំវិញ គឺយើង ប្រើជីអាចម៍គោដាក់ជាប្រចាំ ហើយរដូវដែលដាំស្មៅទាំងនេះ គឺក្នុង កំឡុងខែមេសា ពេលធ្លាក់ភ្លៀងតិចៗ ដោយមិនចំណាយ ទឹកច្រើន នោះទេ។
ប្រភេទស្មៅឈ្មោះណេណា និងស្មៅឃីងហ្គ្រាស់ សម្បូររោមច្រើនជាចំ ណីរបស់សត្វដ៏ល្អ មាន គោ ក្របី ពពែ ចៀម… ដោយឡែកចំពោះស្មៅ ផ្អែមអ៊ីស្រាអែល ស្លឹករបស់វាជាចំណីរបស់សត្វគ្រប់ប្រភេទ។
លោក ម៉ា ទីន បញ្ជាក់ទៀតថា បីឆ្នាំមកនេះ រូបលោកមានគម្រោងដាំ ដុះស្មៅបីប្រភេទលើផ្ទៃដី២ហិកតាបន្ថែមទៀត ព្រោះដោយសារវាមាន តម្រូវច្រើន នៅទូទាំង២៥ រាជធានី ខេត្ត។
បច្ចុប្បន្ននេះ រូបលោក មិនបានធ្វើការទិញពូជមកពីក្រៅនោះទេ ដោយ ធ្វើការបណ្តុះដើមខ្លួនឯង ក្នុងនោះស្មៅផ្អែមអ៊ីស្រាអែល មួយកង់ បាន ថ្លៃ១៥០រៀល ស្មៅណេណាមួយកង់បានថ្លៃ ១៣០រៀល និងស្មៅឃីងហ្គ្រាស់មួយកង់បានថ្លៃ១០០រៀល ហើយលក់ក្នុង១ថ្ងៃ បានជាង៥០០ បំពង់ដែរ។ ដាំស្មៅបីប្រភេទនេះ ទទួលបានអត្ថប្រយោជន៍ច្រើន ដោយ ដើមទុកពូជលក់ និងស្លឹកសម្រាប់លក់ចេញបន្ត៕
Post a Comment