លោកឆាយ ថា ដាំដូងក្រអូប ទទួលបានផលទាំងរដូវវស្សា និងរដូវ ប្រាំង ហើយមានតម្រូវការក្នុងទីផ្សារច្រើន
ខេត្តព្រះសីហនុៈ
ដោយ៖ សេង ស៊ីដារ៉ូ
ដូងក្រអូប ជាប្រភេទដំណាំទំនើប ដែលមានអ្នកទទួលទានច្រើន ហើយ បច្ចុប្បន្ននេះ ចម្ការដូងក្រអូបដែលកសិករយើងបាន ដាំនៅខេត្តព្រះសី ហនុ បានផ្គត់ផ្គង់ដល់ភ្ញៀវចរាចរណ៍ និងធ្វើការចែកចាយដល់ទីក្រុងភ្នំពេញ និងស្រែអំបិល ខេត្តកោះកុង។
លោកឆាយ ជាម្ចាស់ចម្ការដូងក្រអូបនេះ បានដាំលើផ្ទៃដី៤០ហិចតា ដែលមានបទពិសោធន៍១៩ឆ្នាំមកហើយ ចំណែកការដាំដូងក្រអូបនេះ រូបលោកបានសម្លឹងឃើញទីផ្សារដូងក្រអូបមានតម្រូវការច្រើន ទើបរូប លោកដាំដូងក្រអូបនេះឡើង ដើម្បីកាត់បន្ថយការនាំចូលពីខាងក្រៅ ដោយមួយរយៈកន្លងមក ដូងក្រអូបនេះ នាំចូល ពីប្រទេសថៃ និង វៀតណាម។
ពូជដូងក្រអូបនេះ លក់នៅលើទីផ្សារចន្លោះក្នុងខែកក្កដា (ខែវស្សា) លក់ បាន១ផ្លែ២៣០០រៀលទៅ២៨០០រៀល ចំពោះខែប្រាំងមិនសូវសម្បូរ ទឹកតែដូងលក់បានថ្លៃ១ផ្លែបានទៅ៣០០០រៀលទៅ៤០០០រៀល។
លោកឆាយ បានបន្តទៀតថា ចម្ការដូងក្រអូបរបស់លោក បេះលក់ក្នុង ១លើកៗបាន១ម៉ឺនផ្លែ តែប្រមូលផលម្តងៗបាន២ម៉ឺនផ្លែ ដោយនៅ សល់អាចធ្វើការបណ្តុះពូជដូងទាំងនោះ ទុកលក់បន្ត ចំពោះបងប្អូន យើងដែលមានបំណងចង់ដាំដូងក្រអូបនេះ គឺនៅមានប្រមាណជា៥០%ទៀត។
លោកឆាយ ក៏បានធ្វើការអំពាវនាវឲ្យកសិករយើងដាំដុះដូងក្រអូប ឲ្យបានច្រើនដើម្បីកាត់បន្ថយការនាំចូលពីក្រៅ ព្រោះថាដូងក្រអូបននេះ ទទួលបានទិន្នផលល្អ ដោយក្នុង១ដើមអាចបានផលផ្លែ ២ទៅ ៣ធ្លាយ ហើយក្នុង១ធ្លាយអាចមានផ្លែពី៥ទៅ១០ផ្លែ ហើយ ១ផ្លែយើងអាចលក់បានតិចបំផុតក៏២ពាន់រៀលដែរ៕
Post a Comment