ក្រុងលង្វែក

ជំនឿប្រាសាទបុរាណខ្មែរ សាងសង់បែរមុខទៅទិសលិច ប្រដូចទៅថ្ងៃលិច (ឬដើរបញ្ច្រាស់ទ្រនិចនាឡិកា)

ខេត្តសៀមរាបៈ

ដោយ៖ សេង ស៊ីដារ៉ូ

ប្រាសាទបុរាណខ្មែរជាច្រើន ដែលបុព្វបុរសយើង ​បានបន្សល់ទុករហូតដល់បច្ចុប្បន្ននេះ​ និងមានអាយុកាល​រាប់​

ពាន់​ឆ្នាំមក​ហើយ​​ មានប្រាសាទខ្លះ សាងសង់​​​​​​បែរមុខទៅទិសខាងលិច ដូចជា ប្រាសាទអង្គរវត្ត ព្រោះ​ដោយ​​សារ​នាសម័យនោះ ​មានអបិយ​ជំនឿយ៉ាងខ្លាំងទៅលើសាសនា។

ប្រាសាទអង្គរវត្ត ដែលធ្វើការសាងសង់បែរមុខទៅទិសខាងលិច ​គឺតំណាងមរណភាព ប្រដូចទៅថ្ងៃលិច។ 

​ចម្លាក់​ក្រឡោតនៅលើជញ្ជាំងរោងទងទី៣ បង្ហាញដំណើររឿងតាម ប្រសវ្យ គឺដើរបញ្ច្រាស់ទ្រនិចនាឡិកា​ ដូច​ពិធីហែរសពជុំវិញឈាបនដ្ឋានមុនបូជា។

ប្រជាពលរដ្ឋខ្លះ បានបកស្រាយថា ហេតុផលដែលប្រាសាទអង្គរវត្ត បែរមុខទៅទិសខាងលិច ព្រោះពិបាកធ្វើ

ពិធីសាសនាផ្សេងៗ ប្រសិនវាបែរមុខទៅកើត ជិតស្ទឹងសៀមរាប ហើយអ្នកខ្លះទៀតយល់ថា​ វាជាប្រាសាទ​ផ្នូរ ឬឧទ្ទិសថ្វាយព្រះវិស្ណុ។

តាមការពិនិត្យមើល របស់អ្នកស្រាវជ្រាវ និងមហាជននោះ​ សបញ្ជាក់ថា​ លើសិលាចារឹកប្រាសាទមួយចំនួន

​ដែលឧទ្ទិសថ្វាយព្រះវិស្ណុផងដែរ ក៏ប៉ុន្តែបែរមុខទៅទិសផ្សេងវិញ។​

ប្រាសាទចិន(កោះកេរ្តិ៍)​ឧទ្ទិសថ្វាយព្រះវិស្ណុនាម គ្រីបតី (គ្រី>,ស៊ី្រលក្សី ជាទេវីតំណាងទ្រព្យសម្បត្តិ+បតី>​ប្តី) 

បែរមុខទិសខាងកើត(សិលាចារឹកប្រាសាទចិន)។

ប្រាសាទក្រវ៉ាន់ កសាងឆ្នាំ៨៤៣សក (៩២១គស) ឧទ្ទិសថ្វាយព្រះវិស្ណុត្រៃលោក្យនាថ បែរមុខខាងកើត 

(សិលាចារឹកប្រាសាទក្រវ៉ាន់)។

ប្រាសាទភិមានអាកាស កសាងឆ្នាំ៨៣២សក (៩១០គ.ស) ឧទ្ទិសថ្វាយព្រះវិស្ណុនាម ត្រៃលោក្យនាថ (ព្រះ

វិស្ណុ) បែរមុខខាងកើត​(សិលាចារឹកប្រាសាទភិមានអាកាស)។

ប្រាសាទគោកពោធិ៍ (ឈ្មោះដើមស្វេតទ្វីប) កំពូល A , B , D ឧទ្ទិសថ្វាយព្រះវិស្ណុ សុទ្ធបែរមុខទៅរកទិស​ខាង

​ជើង​វិញ។

​ទោះបីគ្មានសិលាចារឹកបញ្ជាក់ពីស្ថាបនិក និងឧទ្ទិសថ្វាយទេពនោះ មានប្រាសាទខ្លះ យើងរាប់បញ្ចូលក្នុង​​

រចនាបថអង្គរវត្ត ប្រហែលឧទ្ទិសថ្វាយព្រះវិស្ណុដែរ។

ប្រាសាទចៅសាយទេវតា ក្នុងរចនាបថអង្គរ​បែរមុខទៅទិសខាងកើត។​ ប្រាសាទធម្មនុន ​ក្នុងរចនាបថអង្គរវត្ត​

បែរមុខទៅទិសខាងកើត។

ប្រាសាទបន្ទាយសម្រែ ក្នុងរចនាបថអង្គរវត្ត បែរមុខទៅទិសខាងកើត។ លើសពីនេះទៀត មានប្រាសាទមួយ

​នៅកោះកេរ្តិ៍ ឧទ្ទិសថ្វាយផ្សេងពីព្រះវិស្ណុ ក៏ប៉ុន្តែបែរមុខទៅទិសខាងលិច ដូចអង្គរវត្តដែរ។ ប្រាសាទ ក្រចាប់​(កោះកេរ្តិ៍)កសាងឆ្នាំ៨៥០សក(៩២៨គ.ស)ឧទ្ទិសថ្វាយត្រីភុវនទេវ(ព្រះសិវៈ)បែរមុខខាងលិចដែរ៕