រដ្ឋមន្ត្រីក្រសួងអភិវឌ្ឍន៍ជនបទ ចុះពិនិត្យសកម្មភាពសាងសង់ផ្លូវ លើគម្រោងសាច់ប្រាក់ពលកម្ម​ ជូនប្រជា​ពល​រដ្ឋ

ខេត្តព្រៃវែងៈ

ដោយ៖ ហុង ចំណាប់

លោក អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ  និងលោក ជា សុមេធី អភិបាលនៃគណៈអភិបាលខេត្ត​ព្រៃ

​វែង បានអញ្ជើញពិនិត្យសកម្មភាពសាងសង់ផ្លូវក្នុងក្របខណ្ឌ គម្រោងសាច់ប្រាក់ពលកម្មសម្រាប់​អភិ​វឌ្ឍន៍ 

ហេដ្ឋារចនាសម្ព័ន្ធជនបទ និងការគាំទ្រកសិករ ជំហានទី២ ឆ្នាំ២០២០-២០២២ ចំនួន ៦ខ្សែ ប្រវែងសរុប

៦,៧០៤ម៉ែត្រ ស្ថិតនៅក្នុងភូមិព្រៃពោន១ ព្រៃពោន២  ជីអក  ជាងដែក  តាមាស ក្នុងឃុំព្រៃពោន និងឃុំ​ជាង

​ដែក ស្រុកកំពង់ត្របែក ខេត្តព្រៃវែង នាព្រឹកថ្ងៃពុធ ៩កើត ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៩ ខែកក្កដា ឆ្នាំ២០២០។ សកម្មភាពសាងសង់ផ្លូវនេះ មានប្រជាពលរដ្ឋចូលរួមប្រមាណ ៣០០​គ្រួ​សារ ស្មើនឹង ៦០០នាក់។

លោក ឡុក វុឌ្ឍី ប្រធានមន្ទីរអភិវឌ្ឍន៍ជនបទ ខេត្តព្រៃវែង បានបញ្ជាក់ថា នៅទូទាំងខេត្តព្រៃវែង គម្រោង​សាច់​​

ប្រាក់ពលកម្មទទួលបានការអនុម័តចំនួន ១៤១ អនុគម្រោង ប្រវែងសរុប ១៤៤ ២៤៦ម៉ែត្រ។ បច្ចុប្បន្ន​​ការ​ងារ​លើកផ្លូវដីស បានបញ្ចប់ចំនួន ៨ អនុគម្រោង ប្រវែង ៨ ៧៥៧ម៉ែត្រ។

លោក អ៊ុក រ៉ាប៊ុន រដ្ឋមន្រ្ដីក្រសួងអភិវឌ្ឍន៍ជនបទ បានបញ្ជាក់ ក្នុងឱកាសចុះពិនិត្យ​សកម្មភាពសាងសង់​ផ្លូវ​នេះ​

ថា ការស្តារ និងកែលម្អផ្លូវលំក្នុងភូមិ ឃុំ នឹងរួមចំណែកដល់ការតភ្ជាប់គ្នារវាងភូមិ-ឃុំ ការតភ្ជាប់ទៅកាន់​ទី​ផ្សារកសិផល និងការតភ្ជាប់ប្រជាជនជនបទ ទៅរកសាធារណៈនានា ជាពិសេសសេវាសុខាភិបាលសេវាអប់រំ និងសេវារដ្ឋបាលសាធារណៈជាដើម ដែលជាសេវាតម្រូវការមូលដ្ឋាន។

ការតភ្ជាប់នេះ នឹងរួមចំណែកយ៉ាងសំខាន់ដល់កិច្ចខិតខំប្រឹងប្រែងរបស់រាជរដ្ឋាភិបាល​ ក្នុងការលើកកម្ពស់ជីវ​

ភាព​ និងសុខុមាលភាពរបស់ប្រជាពលរដ្ឋរស់នៅតាមទីជនបទ៕