ម្ចាស់សិប្បកម្មត្បាញកន្រ្តកដោយដៃ ថា មុខរបរនេះធ្វើឲ្យគ្រួសារធូរធារ និងជាផលិតផលខ្មែរសុទ្ធ​សាធ

ខេត្តកណ្តាលៈ

ដោយ៖ សេង ស៊ីដារ៉ូ

សិប្បកម្មត្បាញកន្ត្រកដោយដៃនេះ ជាលក្ខណៈគ្រួសារខ្នាតតូច មានរយៈពេលយូរអង្វែង បន្តទៅកូនចៅគ្រប់​

ជំនាន់​ ហើយ​សិប្ប​កម្ម​​​ត្បាញ​កន្ត្រកមួយនេះ ​​គឺមានទីផ្សារស្រាប់ ចំណែកអ្នកទិញវិញ មានការគាំទ្រច្រើន ព្រោះជាផលិតផល​របស់ខ្មែរសុទ្ធសាធ តម្លៃក៏សមរម្យ។

អ្នកស្រី វ៉ាត វ៉ុន​ ជាអ្នកផលិតកន្រ្តក ពីវត្ថុធាតុដើម មានដូចជា វល្លិ៍ធ្នឹង និងស្លឹកចាក បានលើកឡើងថា ការ

ត្បាញកន្រ្តកនេះ ធ្វើឲ្យជីវភាពធូរធារច្រើន ហើយទីតាំងផលិតកន្ត្រកនេះ ក្នុងឃុំផ្សារដែក ស្រុកពញាឮ ខេត្តកណ្តាល។

អ្នកស្រី វ៉ាត វ៉ុន បានបញ្ជាក់ប្រាប់ទៀតថា ក្រុមគ្រួសាររបស់អ្នកស្រី បានចាប់មុខរបរ​ក្នុងការផលិតកន្ត្រកដាក់

​ផ្កានេះ តាំងពីឆ្នាំ១៩៧៩មកម៉្លេះ រហូតដល់បច្ចុប្បន្ននេះ។​ ការផលិតកន្ត្រកផ្កានេះ មានពីរប្រភេទ គឺ ​១ ជា​កន្ត្រក​សម្រាប់ទៅផ្សារ មានតម្លៃចាប់ពី៣ម៉ឺនទៅបួនម៉ឺនរៀល ដែលជាប្រភេទកន្ត្រកមានតម្លៃខ្ពស់ជាងគេ ទី២ ជាប្រភេទកន្ត្រកដាក់ផ្កា ​មានតម្លៃថោក ​ដែលអាចលក់ចេញបានតែ១ពាន់រៀលប៉ុណ្ណោះ។

ក្នុងពេលដែលមានមេរោគជំងឺកូវីត១៩ កំពុងរីករាលដាល​ពេញប្រទេសកម្ពុជា ​ទើបធ្វើឲ្យមុខរបរអ្នកស្រី  មាន 

ការ​ស្ងាត់​ ធ្វើឲ្យបាត់បង់អតិថិជន គ្មានអ្នកទិញក៏ដោយ ​ក៏សិប្បកម្មរបស់អ្នកស្រី នៅតែដំណើរការដដែល។​

អ្នកស្រី វ៉ាត វ៉ុន បាន​បន្ថែមទៀត​ថា ​ទោះបីជាស្ងាត់ភ្ញៀវក៏ដោយ​ ក៏គ្រួសារគាត់នៅតែត្បាញកន្ត្រកពីរប្រភេទ​

នេះដដែរ​ តែក្នុងបរិមាណតិចតួចតែប៉ុណ្ណោះ៕