កុំទិញម្តងៗច្រើនពេក និងកុំទិញរបស់បញ្ចុះតម្លៃ

ភ្នំពេញៈ

ដោយ៖ សេង ស៊ីដារ៉ូ

គ្រន់តែដល់រដូវបន្លែបង្កា ឬផ្លែឈើស្រស់ៗ ផ្លែធំៗ ព្រោះជារដូវកាលរបស់វា ឬក៏មានតម្លៃថោកនោះ លោក​ អ្នក

អាចនឹងទិញមកគរទុកជាច្រើន។ ហើយត្រូវបរិភោគឲ្យអស់ ព្រោះតែការស្តាយបន្លែផ្លែឈើទាំងនោះ។

រីឯលទ្ធផលចុងក្រោយ គឺបរិភោគតែរបស់មិនស្រស់ ព្រោះថាទុកយូរថ្ងៃវាមិនល្អដល់សុខភាព ព្រោះបន្លែផ្លែ 

ឈើជិតរលួយមែនទែនហើយ។ ហេតុនេះ ចូរទិញក្នុងបរិមាណសមល្មម គឺថា បន្លែយើងអាចទិញជាប្រចាំថ្ងៃ ល្អជាង ព្រោះបានទាំងស្រស់ និងគុណតម្លៃអាហារថែមទៀតផង។ សំខាន់ត្រូវរាប់ពីចំនួនសមាជិកក្នុងផ្ទះថា មានតិច ឬច្រើនប៉ុណ្ណា?  ប្រសិនបើទិញតិច យើងអាចទិញថែមល្អជាងការទិញមកច្រើន ហើយយកមកគរ​ទុក​ចោល ដោយសារតែបរិភោគមិនអស់។

កុំទិញរបស់បញ្ចុះតម្លៃ

របស់បញ្ចុះតម្លៃ មានដូចជា ឧបករណ៍ប្រើប្រាស់មួយចំនួន អាចនឹងមានគុណភាពល្អ។​ ប៉ុន្តែម្ហូបអាហារដែល 

បញ្ចុះតម្លៃថោកៗ ដូចបានទទេៗនោះ យើងមិនគួរទិញទេ ព្រោះភាគច្រើន គឺជារបស់ស្អុយរលួយ ជិតផុតថ្ងៃ កំណត់ មានជាតិពុលច្រើន មានប្រភពមកពីកន្លែងដែលមិនគួរឲ្យទុកចិត្ត។ ចំណែកបន្លែបញ្ចុះថ្លៃ ក៏ដូចគ្នា ដែរ ប្រសិនបើចង់ទិញមិនគួរទិញច្រើនពេកទេ ហើយត្រូវពិនិត្យមើលគុណភាពជាមុនសិន តើវាស្រស់កម្រិត ណា?