រដ្ឋមន្រ្ដីក្រសួងអភិវឌ្ឍន៍ជនបទ អញ្ជើញចុះពិនិត្យការដ្ឋានស្ថាបនាផ្លូវក្រាលកៅស៊ូពីរជាន់ ក្នុងខេត្តកំពង់ធំ

ខេត្តកំពង់ធំៈ

ដោយ៖ ឌឹម គឹមហាក់

រដ្ឋមន្រ្ដីក្រសួងអភិវឌ្ឍន៍ជនបទ  រួមដំណើរដោយ លោករដ្ឋលេខាធិការ  លោកអនុរដ្ឋលេខាធិការ ព្រមទាំង​មន្រ្ដី​​

បច្ចេកទេស បានអញ្ជើញចុះទៅពិនិត្យការដ្ឋានស្ថាបនាផ្លូវក្រាលកៅស៊ូពីរជាន់ ប្រភេទ DBSTចំនួនពីរខ្សែ​ក្នុង

ខេត្តកំពង់ធំ នៅថ្ងៃទី០៩ ខែមិថុនា ឆ្នាំ២០២០។ 

                                                                                                       

លោក មុំ ចែម ប្រធានមន្ទីរអភិវឌ្ឍន៍ជនបទ ខេត្តកំពង់ធំ បានឲ្យដឹងថា ផ្លូវក្រាលកៅស៊ូពីរជាន់ប្រភេទ DBST 

មួយខ្សែដែលកំពុងស្ថាបនានាពេលនេះ មានប្រវែង២០,១០គីឡូម៉ែត្រ​ តភ្ជាប់ពីភូមិតាអោក ឃុំឈូក ស្រុក​ប្រា​សាទសំបូរ ទៅដល់ភូមិងន ឃុំងន ស្រុកសណ្ដាន់។ ជាផ្លូវស្ថិតនៅក្នុងគម្រោងកែលម្អផ្លូវជនបទ ជំហានទី ២ (RRIP 2) របស់ក្រសួងអភិវឌ្ឍន៍ជនបទ។ ការដ្ឋាននេះ បានចាប់ផ្ដើមដំណើរការ កាលពីខែធ្នូ ឆ្នាំ២០១៩ រហូតមកដល់ពេលនេះ លទ្ធផលសម្រេចបាន ៩៥%ហើយ ដែលគ្រោងនឹងបញ្ចប់នៅចុងខែមិថុនា​ខាងមុខ​នេះ​​។

លោក អ៊ុក រ៉ាប៊ុន រដ្ឋមន្រ្ដីក្រសួងអភិវឌ្ឍន៍ជនបទ និងប្រតិភូរួមដំណើរ បានបន្តចុះទៅពិនិត្យ​ការដ្ឋានស្ថាប​នា​ផ្លូ​

វក្រាលកៅស៊ូពីរជាន់ប្រភេទ DBST មួយខ្សែ​ទៀតមានប្រវែង ២០,៤០គីឡូម៉ែត្រ តភ្ជាប់ពីភូមិត្រាច ឃុំ​ត្បែង 

ស្រុកកំពង់ស្វាយ ឆ្ពោះទៅភូមិស្មោញ ឃុំផាន់ញើម ស្រុកប្រាសាទបល្ល័ង្គ ដែលជាផ្លូវស្ថិតនៅក្នុង​គម្រោង​​កែលម្អផ្លូវជនបទជំហានទី២ របស់ក្រសួងអភិវឌ្ឍន៍ជនបទ។

លទ្ធផលនៃការសាងសង់នេះ សម្រេចបាន ៤៥% ហើយ​ គ្រោងនឹងក្រាលកៅស៊ូឲ្យរួចរាល់នៅក្នុងខែធ្នូ ឆ្នាំ​

២០២០។ ផ្លូវទាំងពីរខ្សែនេះ ប្រើប្រាស់ថវិកាបដិភាគរបស់រាជរដ្ឋាភិបាលកម្ពុជា និងហិរញ្ញប្ប​ទាន​​​របស់​ធនា​​​

គារអភិវឌ្ឍន៍អាស៊ី(ADB) ទីភ្នាក់ងារបារាំងសម្រាប់ការអភិវឌ្ឍន៍(AFD) និងរដ្ឋាភិបាលអូស្រ្ដាលី(GOA)។

ក្នុងគម្រោងកែលម្អផ្លូវជនបទ ជំហានទី២ នៅខេត្តកំពង់ធំ មានចំនួន ៤ខ្សែ សរុបប្រវែង ១២២,៧ គីឡូម៉ែត្រ 

នៅក្នុងភូមិសាស្រ្ដស្រុកស្ទោង  ប្រាសាទបល្ល័ង្គ  ប្រាសាទសំបូរ  សណ្ដាន់ និងស្រុកកំពង់ស្វាយ។

លោករដ្ឋមន្ត្រី បានមានប្រសាសន៍ថា គម្រោងកែលម្អផ្លូវជនបទជំហានទី ២ ជាគម្រោងរបស់រាជរដ្ឋាភិបាល 

គ្រប់គ្រងដោយក្រសួងអភិវឌ្ឍន៍ជនបទ ដោយធ្វើការកែលម្អផ្លូវក្រាលក្រួសក្រហម​ នៅជនបទឲ្យទៅជាផ្លូវ

​ក្រាលកៅស៊ូពីរជាន់ប្រភេទ DBST ដើម្បីបង្កលក្ខណៈងាយស្រួលដល់ការធ្វើដំណើរ និងការដឹកជញ្ជូនរបស់​

ប្រជាពលរដ្ឋ ។

គម្រោងនេះ មានគោលបំណងធ្វើឲ្យប្រសើរឡើងដល់ការធ្វើដំណើរ របស់ប្រជាពលរដ្ឋរស់នៅក្នុងខេត្ត គោល​

ដៅទាំង១០ ងាយស្រួលទៅកាន់ទីផ្សារ ស្វែងរកការងារធ្វើ ងាយស្រួលក្នុងការទទួលបានសេវាសង្គម និងផ្ដោ​ត​​​

ការយកចិត្តទុកដាក់ទៅលើសុវត្ថិភាពសង្គម ភាពធន និងអាកាសធាតុ ដែលធ្វើឲ្យមានប្រសិទ្ធភាព​ក្នុងការ​ធ្វើ

ដំណើរគ្រប់រដូវកាលក្នុងតំបន់ ដែលមានវិសាលភាពវិស័យកសិកម្មខ្ពស់។ ​​​​

លោករដ្ឋមន្ត្រី បានបន្ថែមទៀតថា គម្រោងនេះ មានរយៈពេល ៦ឆ្នាំ ចាប់ផ្ដើមពីឆ្នាំ២០១៥ ដល់ ឆ្នាំ២០២០ 

មានថវិកាសរុប ១៩២,៧១ លានដុលារអាមេរិក ក្នុងនោះមានថវិកាបដិភាគរបស់រាជរដ្ឋាភិបាលកម្ពុជា ធនា​

គារ​អភិវឌ្ឍន៍អាស៊ី(ADB)ធនាគារអាហរ័ណ នីហរ័ណកូរ៉េ(Kexim Bank)រដ្ឋាភិបាលអូស្រ្ដាលី (Australian​ Govenement)មូលនិធិអភិវឌ្ឍន៍ណ័រឌិក(NDF)ទីភ្នាក់ងារបារាំងសម្រាប់អភិវឌ្ឍន៍(AFD)និងមូលនិធិ​អា​កា​​សធាតុជាយុទ្ធសាស្រ្ដ(Strategies Climate Fund)សម្រាប់ស្ថាបនា​ផ្លូវក្រាលកៅ​ស៊ូពីរជាន់​ប្រភេទDBST សរុបប្រវែង១ ២០០គ.ម   នៅក្នុងខេត្តគោលដៅទាំង១០ គឺ ខេត្តត្បូងឃ្មុំ កំពង់ចាម តាកែវ កំពង់ស្ពឺ កំពង់​ឆ្នាំង ពោធិសាត់ បាត់ដំបង បន្ទាយមានជ័យ  ខេត្តកំពង់ធំ និងខេត្តសៀមរាប។

លោករដ្ឋមន្រ្ដី អ៊ុក រ៉ាប៊ុន បានអំពាវនាវសុំឲ្យអាជ្ញាធរដែនដីគ្រប់លំដាប់ថ្នាក់ ប្រជាពលរដ្ឋដែលមាន​ដែល​មាន

លំនៅដ្ឋានតាមដងផ្លូវ ចូលរួមសហការឲ្យបានល្អជាមួយអ្នកទទួលការសាងសង់ ព្រមទាំងបានផ្ដាំផ្ញើដល់​មន្រ្ដីបច្ចេកទេស ប្រចាំការនៅការដ្ឋានអនុវត្តន៍ឲ្យបានត្រឹមត្រូវតាមគំនូសប្លង់ និងបទដ្ឋានបច្ចេកទេស​ ដើម្បី​ធានាបានទាំងគុណភាព និងសោភ័ណភាព៕