រដ្ឋមន្រ្ដីក្រសួងអភិវឌ្ឍន៍ជនបទ ពិនិត្យការដ្ឋានខួងអណ្ដូង ជំនួយរបស់ចិន នៅស្រុកពួក

ខេត្តសៀមរាបៈ

ដោយ៖ ហុង ចំណាប់

លោក អ៊ុក រ៉ាប៊ុន រដ្ឋមន្រ្ដីក្រសួងអភិវឌ្ឍន៍ជនបទ  រួមដំណើរដោយលោក Liu Zhijie អគ្គកុងស៊ុលរបស់ស្ថាន​

ទូតចិន ប្រចាំនៅខេត្តសៀមរាប លោករដ្ឋលេខាធិការ  លោកអនុរដ្ឋលេខាធិការ ព្រមទាំងមន្រ្ដីបច្ចេកទេស បាន​​អញ្ជើញទៅពិនិត្យការដ្ឋានខួងអណ្ដូងទឹកស្អាត មួយកន្លែងស្ថិតនៅភូមិក្អែកទុំ ឃុំរើល ស្រុកពួក ខេត្ត​សៀម​​​រាប នៅថ្ងៃទី២៣ ខែមិថុនា ឆ្នាំ២០២០។

                                                                                                            

លោក​​ ចាន់ ដារ៉ុង រដ្ឋលេខាធិការក្រសួងអភិវឌ្ឍន៍ជនបទ និងជានាយកគម្រោងផ្គត់ផ្គង់ទឹកជនបទ ជំហានទី

២ បានឲ្យដឹងថា គម្រោងផ្គត់ផ្គង់ទឹកជនបទ ជំហានទី២ ក្រោមហិរញ្ញប្បទានឥតសំណងរបស់សាធារណរដ្ឋ​

ប្រជាមា​និត​ចិន អនុវត្តន៍រយៈពេល ២៤ខែ ដោយចាប់ផ្ដើមពីខែធ្នូ ឆ្នាំ២០១៩ ដល់ខែវិច្ឆិកា ឆ្នាំ ២០២១។

គម្រោងនេះ មានគោលបំណងធ្វើឲ្យប្រសើឡើងក្នុងការរស់នៅរបស់ប្រជាពលរដ្ឋ នៅតំបន់ជនបទ និងចូល​រួម

កាត់បន្ថយភាពក្រីក្រ ដោយផ្ដោតការយកចិត្តទុកដាក់ទៅលើលើវិស័យផ្គត់ផ្គង់ទឹកស្អាត តាមរយៈការខួង

​អណ្ដូង និងសាងសង់ស្រះទឹកសហគមន៍។ លោក បានបន្តថា ក្រសួងអភិវឌ្ឍន៍ជនបទ បានចុះកិច្ចសន្យា 

ជាមួយក្រុមហ៊ុន China Jiangxi International Economic and Technical Cooperation Co.,Ltd. របស់

​ភាគីមិត្តចិន កាលពីថ្ងៃទី១៥ ខែវិច្ឆិកា ឆ្នាំ២០១៩ មានហិរញ្ញប្បទានឥតសំណងសរុបចំនួន ៩០ ០២០ ០០០ RMB  ដែលនឹងត្រូវធ្វើការខួងអណ្តូងស្នប់សរុបចំនួន ៩៦៤ អណ្តូង  ជីកស្រះទឹកសហគមន៍ចំនួន ១២ ស្រះ  និងជីកស្រះទឹកសហគមន៍ ដែលមានរៀបថ្មសរុបចំនួន ៤២ស្រះ នៅក្នុងតំបន់មួយចំនួន ​ដែល​រង​ការ​ខ្វះខាតទឹកសម្រាប់ប្រើប្រាស់ក្នុងខេត្តគោលដៅចំនួន១០ គឺ ខេត្តសៀមរាប បន្ទាយមានជ័យ បាត់ដំបង ពោធិ៍សាត់ កំពង់ឆ្នាំង កំពង់ស្ពឺ កំពត ព្រៃវែង ស្វាយរៀង និងខេត្តកំពង់ចាម។

ដោយឡែកនៅខេត្តសៀមរាប អណ្តូងទឹកស្អាតដែលត្រូវខួងមានសរុប ១០០អណ្តូង។ គិតត្រឹមថ្ងៃទី១៥ ខែ

​មិថុនា ឆ្នាំ២០២០ ខួងអណ្តូងបានចំនួន ៥៧អណ្តូង និងសាងសង់ស្រះសហគមន៍មានរៀបថ្មបានចំនួន ៤ស្រះ សម្រេចបានប្រមាណ ៩០% និងស្រះទឹកសហគមន៍ធម្មតាចំនួន ៣ស្រះ សម្រេចបានប្រមាណ ៩០% នៃគម្រោង។     

លោកបអ៊ុក រ៉ាប៊ុន រដ្ឋមន្រ្ដីក្រសួងអភិវឌ្ឍន៍ជនបទ  និងប្រតិភូ​បានរួមដំណើរអញ្ជើញ​ទៅពិនិត្យអណ្តូងស្នប់

​ដែល​បានសាងសង់រួច ១០០% មួយកន្លែងស្ថិតនៅភូមិបល្ល័ង្គ ឃុំបល្ល័ង្គ ស្រុកប្រាសាទបាគង ខេត្តសៀម​រាប​។ លោករដ្ឋន្ត្រី បានថ្លែងអំណរគុណយ៉ាងជ្រាលជ្រៅចំពោះប្រជាជន ក៏ដូចជា  រដ្ឋាភិបាលនៃសាធារណ​រដ្ឋ​ប្រជា​មានិតចិន ដែលតែងតែជួយគាំទ្រដល់រាជរដ្ឋាភិបាលកម្ពុជា ទាន់ពេលវេលា ដោយមិនមាន​លក្ខខណ្ឌ​ស្មុក​ស្មាញឡើយ។