សែលកាត សហការជាដៃគូ ជាមួយ Orange Esports ទទួលជ័យជម្នះក្នុងការប្រកួត PUBG

ភ្នំពេញៈ

ដោយ៖ ហុង ចំណាប់

Orange Esports PUBG Mobile ដែលជាក្រុមកីឡាអេឡិចត្រូនិចដ៏លេចធ្លោជាងគេ​បំផុត​ នៅក្នុងប្រទេស​កម្ពុជា នឹងឡើងបន្តទៅកាន់កម្មវិធី Southeast Asia World Finals បន្ទាប់ពីទទួលបានជ័យជម្នះ នៅក្នុង កម្មវិធីប្រកួត PMCO Spring Split 2020 Wild Card Finals នាថ្ងៃអាទិត្យ ទី ០៥ ខែមេសា នេះ។

ក្រុមហ៊ុនសែលកាត បានចូលរួមសហការជាមួយក្រុម Orange Esports​ ក្នុងនាមជាក្រុមហ៊ុនបណ្តាញ​ទូរស័ព្ទ 

ជា​ដៃគូ ការនៅក្នុងប្រទេសកម្ពុជា តាមរយៈកិច្ចសហការយូរអង្វែង ដែលត្រូវបានប្រកាសកាលពីថ្ងៃទី ៣១ ខែធ្នូ ឆ្នាំ២០១៩ ដោយលោក Ian Watson នាយកប្រតិបត្តិក្រុមហ៊ុនសែលកាត និងលោក Ian Tan Wei Lun នាយកគ្រប់គ្រងរបស់ក្រុម Orange Esports។

ការប្រកួតនេះ ត្រូវបានផ្សាយបន្តផ្ទាល់ជូនទស្សនាជាភាសាខ្មែរដោយឥតគិតថ្លៃ នៅលើទំព័រហ្វេសប៊ុករបស់ 

Cellcard Play។

លោក Ice Frogz និង Pro MENG ដែលជាអ្នកអត្ថាធិប្បាយជនជាតិខ្មែរ ដ៏មានប្រជាប្រិយភាព ត្រូវបាន

​អញ្ជើញ​ឲ្យចូលរួមអត្ថាធិប្បាយសកម្មភាពនៃការប្រកួត ​ដើម្បីជួយបង្កឲ្យមានបរិយាកាសនៅក្នុងកម្មវិធីកាន់​តែ​ជក់ចិត្តខ្លាំងឡើង។

កិច្ចសហការជាដៃគូរបស់សែលកាត ជាមួយក្រុម Orange Esports និងមានការគាំទ្រដល់សហគមន៍ PUBG​ 

Mobile នៅកម្ពុជា គឺជាផ្នែកមួយនៃកិច្ចខិតខំប្រឹងប្រែងរបស់ក្រុមហ៊ុនសែលកាត ក្នុងការជួយគាំទ្រ​ដល់​​​វិស័យហ្គេម ​និងសហគមន៍កីឡាអេឡិចត្រូនិច ក្នុងស្រុក ក៏ដូចជាពង្រឹងនូវជំហ៊ររបស់ក្រុមហ៊ុន​ ក្នុងនាម​ជាប្រតិបត្តិករបណ្តាញទូរស័ព្ទលឿនជាងគេបំផុត នៅក្នុងប្រទេសកម្ពុជា។

ក្រុមហ៊ុនសែលកាត ត្រូវបានទទួលស្គាល់ជាជ័យលាភីពានរង្វាន់ Ookla Speedtest Award Winner ប្រចាំ​

ប្រទេស​កម្ពុជា ក្នុងរយៈពេល ៣ឆ្នាំជាប់ៗគ្នា ដូច្នេះអ្នកគាំទ្រវិស័យហ្គេម ពិតជានឹងអាចរីករាយជាមួយបទ ពិសោធន៍​​នៃការលេងហ្គេមកំសាន្តដ៏រលូនបំផុត។

កម្មវិធីប្រកួត Southeast Asia World Finals ត្រូវបានគេរំពឹងទុកថា នឹងប្រារព្ធឡើងនៅថ្ងៃទី២ និងទី៣ ខែឧសភា ឆ្នាំ២០២០៕