អ្នកឧកញ៉ា គិត ម៉េង និងលោកជំទាវ ម៉ៅ ចំណាន បរិច្ចាគថវិកា ៥០ម៉ឺនដុល្លារ នៃពិធីគម្រប់ខួប​របស់​កាក​បាទ​ក្រហមឆ្នាំ មានខ្លឹមសារ “ខ្ញុំស្រឡាញ់​សន្តិ​ភាព និងកាកបាទក្រហមកម្ពុជា”

ភ្នំពេញៈ​

ដោយ៖ ហុង ចំណាប់

អ្នកឧកញ៉ា គិត ម៉េង និងលោកជំទាវ ម៉ៅ ចំណាន បានបរិច្ចាគនូវថវិកាចំនួន ៥០ម៉ឺនដុល្លារ ដល់កាកបាទ

​ក្រហម​កម្ពុជា ដើម្បីចូលរួមអបអរសាទរខួបគម្រប់លើកទី ១៥៧ នៃទិវាកាកបាទក្រហម និងអឌ្ឍច័ន្ទក្រហម​ពិភពលោក ដែលនឹងប្រារព្ធឡើងនៅក្នុងទិវា៨ ឧសភា ឆ្នាំ២០២០ ខាងមុខ។

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានសម្តែងនូវអំណរគុណយ៉ាង​

ជ្រាល​ជ្រៅ និងផ្តល់ជូនវិញ្ញាបនប័ត្រថ្លែងអំណរគុណដល់ក្រុមហ៊ុនរ៉ូយ៉ាល់គ្រុប។ សម្តេចកិត្តិព្រឹទ្ធបណ្ឌិត ក៏​បាន​​ថ្លែងអំណរគុណចំពោះលោកអគ្គនាយក និងលោកជំទាវ ដែលបានបន្តក្តីអាណិតអាសូរ និងជួយគាំទ្រ​យ៉ាង​​ធំធេងដល់ប្រជាជាតិខ្មែរ។

អ្នកឧកញ៉ា គិត ម៉េង អគ្គនាយកក្រុមហ៊ុនរ៉ូយ៉ាល់គ្រុប ​បានសន្យាផ្តល់អំណោយជារៀងរាល់ឆ្នាំ ជូនដល់

​កាកបាទក្រហមកម្ពុជា នៅរៀងរាល់ទិវា ៨ ឧសភា ដើម្បីជួយគាំទ្រដល់ការងារសប្បុរសធម៌ និងចាំបាច់នានា​នៅ​ក្នុងប្រទេសកម្ពុជា ហើយពិធីគម្រប់ខួបរបស់កាកបាទក្រហមឆ្នាំនេះ ដែលមានខ្លឹមសារ “ខ្ញុំស្រឡាញ់​សន្តិ​ភាព និងកាកបាទក្រហមកម្ពុជា” ។

អ្នកឧកញ៉ា គិត ម៉េង បានបន្តថា “យើងបានយល់ច្បាស់ថា ក្នុងនាមជាក្រុមហ៊ុន​ដែលគ្រប់គ្រងដោយជនជាតិ

​ខ្មែរ យើងត្រូវតែធានាថា យើងអាចបន្តជួយគាំទ្រដល់អង្គការដែលមានភាពសក្ដិសម និងសមត្ថភាពអស្ចារ្យ ដូចជាកាកបាទក្រហមកម្ពុជា ក្នុងគ្រាដ៏លំបាកបែបនេះ” ។

កន្លងមក អគ្គនាយកក្រុមហ៊ុនរ៉ូយ៉ាល់គ្រុប ធ្លាប់បានបរិច្ចាគនូវថវិកាចំនួន ៥០ម៉ឺនដុល្លារ ជូនដល់រាជរដ្ឋាភិ​

បាល​​កម្ពុជា ដើម្បីជួយដោះស្រាយជាមួយនឹងបញ្ហាជម្ងឺកូវីដ ១៩។ នេះបញ្ជាក់ឃើញថា ក្រុមហ៊ុនរ៉ូយ៉ាល់​គ្រុប បានសហការយ៉ាងជិតស្និទ្ធជាមួយនឹងរាជរដ្ឋាភិបាល ដើម្បីជួយឲ្យប្រទេសកម្ពុជាមានសុខសុវត្ថិភាព និងអភិ​វឌ្ឍន៍​ឆ្ពោះទៅមុខជានិច្ច។ លោកអគ្គនាយកក្រុមហ៊ុនរ៉ូយ៉ាល់គ្រុប បានទទួលលិខិតថ្លែងអំណរគុណ ដោយ​ផ្ទាល់​​ពី​សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃប្រទេសកម្ពុជា។

មិនត្រឹមប៉ុណ្ណោះ អ្នកឧកញ៉ា គិត ម៉េង និងលោកជំទាវ ម៉ៅ ចំណាន  កាលពីឆ្នាំ២០១៩  ក៏បានចូលរួម​បរិច្ចាគ

​​ថវិកាចំនួន ១០ម៉ឺនដុល្លារ ជួយដល់ជនរងគ្រោះក្នុងការបាក់រលំអគារ ៧ជាន់ នៅខេត្តកែប និង ៣ លាន​ដុល្លា​រទៀត សម្រាប់គម្រោងទំនើបកម្មនៃមន្ទីរពេទ្យកាល់ម៉ែតក្នុងរាជធានីភ្នំពេញ៕