សែលកាត បើកវេទិកា PlayGame App សម្រាប់លេងកំសាន្ត

ភ្នំពេញៈ

ដោយ៖ ពិន​ ភក្តី

ក្រុមហ៊ុនសែលកាត បានពន្លឿនផែនការរបស់ខ្លួន ក្នុងការផ្តល់ជូនដល់សហគមន៍អ្នកគាំទ្រវិស័យហ្គេម នូវ​វេទិ​

កា (platform) សម្រាប់លេងហ្គេមកំសាន្ត នៅពេលសម្រាកពីការងារផ្សេងៗ។

PlayGame គឺជាវេទិកា (Virtual gaming platform) សម្រាប់លេងហ្គេមកំសាន្តដំបូងគេបង្អស់​នៅក្នុង

 ប្រទេស​​កម្ពុជា ដែលអាចឲ្យមនុស្សគ្រប់វ័យ អាចលេងហ្គេមដែលពួកគេចូលចិត្ត នៅលើទូរសព្ទ័ស្មាតហ្វូន

 ហើយថែមទាំងមានឱកាសឈ្នះនូវប្រាក់រង្វាន់ជាច្រើនសន្ធឹកសន្ទាប់។

ប្អូនៗយុវជននៅទូទាំងប្រទេសកម្ពុជា សុទ្ធតែអាចចូលរួមនៅក្នុងវេទិការនេះ ដើម្បីលេងហ្គេមកំសាន្ត សប្បា​យ​​

បាន ដោយពួកគាត់គ្រាន់តែទាញយកកម្មវិធី PlayGame នៅលើហាងកម្មវិធីរបស់ iOS និង Android។

អ្នកប្រើប្រាស់បណ្តាញទូរស័ព្ទចល័តគ្រប់ប្រព័ន្ធទាំងអស់ អាចបង់សេវា ដើម្បីចូលរួមលេងកំសាន្ត តាមរយៈ​ការ​​​​​

ប្រើកាតកោសរបស់សែលកាត ឬការបញ្ចូលទឹកប្រាក់តាមប្រព័ន្ធអនឡាញ។ ក្នុងនោះ អ្នកលេងហ្គេមនឹង​ទទួល

បាននូវជម្រើសជាច្រើនដូចជា ការលេងតែម្នាក់ឯង ការលេងជាក្រុមជាមួយមិត្តភក្តិ ឬការលេងជាមួយ​អ្នក​​ដទៃ

ផ្សេងទៀតជាដើម។ កាន់តែពិសេសទៀតនោះ អ្នកដែលឈរនៅលើកំពូលគេ ក្នុងតារាងចំណាត់ថ្នាក់ នឹង

ទទួលបានប្រាក់រង្វាន់ ដែលនឹងទូទាត់ជូនដោយស្វ័យប្រវត្តិចូលទៅក្នុងគណនី PlayGame របស់ពួក​គាត់

ហើយប្រាក់រង្វាន់ទាំងនោះ ក៏អាចដកយកជាសាច់ប្រាក់តាមរយៈវីងបានផងដែរ។

លោក Ian Watson នាយកប្រតិបត្តិក្រុមហ៊ុនសែលកាត បានបញ្ជាក់ឲ្យដឹងថា PlayGame គឺជាការផ្តល់ជូន​

ដ៏គួរឲ្យរំភើបបំផុតមួយ ដែលឋិតនៅក្នុងយុទ្ធសាស្ត្រនៃការគាំទ្រ និងការពង្រីកវិស័យហ្គេមរបស់សែលកាត។ យើងបានសម្រេចចិត្តក្នុងការបើកសម្ពោធគម្រោងនេះ លឿនជាងការរំពឹងទុក ព្រោះយើងចង់ជួយឲ្យប្អូនៗ​យុវ​​ជន ទទួលបាន​ការកំសាន្តរីករាយ បន្ទាប់ពីការសិក្សា និងអាចប្រាស្រ័យទាក់ទងគ្នាទៅវិញទៅមក ដោយ​សុវត្ថិភាពតាមប្រព័ន្ធអនឡាញ។

“PlayGame មានផ្តល់ជូននូវហ្គេមគ្រប់ប្រភេទ និងគ្រប់កំរិតដល់ប្អូនៗយុវជន អ្នកគាំទ្រទាំងអស់ ដោយក្នុ​ង​

នោះមានរាប់បញ្ចូលទាំងអ្នកលេងកីឡាអេឡិចត្រូនិចអាជីព អ្នកលេងកម្រិតធម្មតា និងអ្នកលេងដែលមាន​បំណង​​គ្រាន់តែចង់កំសាន្តសប្បាយ ជាមួយប្រភេទវីដេអូហ្គេមងាយៗជាដើម។

សហគមន៍អ្នកគាំទ្រវិស័យហ្គេម អាចរីករាយជាមួយនឹងការប្រកួតប្រជែងគ្នា ដើម្បីឈ្នះរង្វាន់ដ៏​អស្ចា​រ្យ​​​ជាច្រើន

រួមទាំងទឹកប្រាក់រហូតដល់ទៅ ១០០០ដុល្លារ សម្រាប់ប្រភេទហ្គេមដែលកំពុងពេញនិយម​បំផុតដូចជា PUBG,​ 

Mobile Legends និង Rules of Survival។

លោក Watson បានបន្តថា “PlayGame គឺជាប្រភពនៃការកំសាន្តសប្បាយ ដ៏អស្ចារ្យ ដែលអាចឲ្យ​សហ​គមន៍​​

អ្នកគាំទ្រវិស័យហ្គេមទូទាំងប្រទេសកម្ពុជា អាចប្រមូលផ្តុំ ជួបជុំជជែកគ្នា ឬបង្កើនសមត្ថភាពលេងហ្គេម​របស់ពួកគេ ដើម្បីក្លាយខ្លួនជាកីឡាករអេឡិចត្រូនិចអាជីពដូចក្រុម Orange Esports ជាដើម៕