រដ្ឋមន្រ្តីក្រសួងអភិវឌ្ឍន៍ជនបទ ប្រ​ជុំផ្សព្វផ្សាយលទ្ធផលសន្និបាតបូកសរុបការងារ ឆ្នាំ២០១៩ និងលើក​ទិស​ដៅការងារ​ឆ្នាំ២០២០

ភ្នំពេញៈ

ដោយ៖ ឌឹម គឹមហាក់

រដ្ឋមន្រ្តីក្រសួងអភិវឌ្ឍន៍ជនបទ បានអញ្ជើញជាអធិបតីក្នុងពិធីប្រជុំផ្សព្វផ្សាយ ​លទ្ធផលសន្និបាតបូកសរុប​ការ​​

ងារ​​​ឆ្នាំ២០១៩ និងលើកទិសដៅការងារ ឆ្នាំ២០២០ និងមានការចូលរួមពីសំណាក់ ឯកឧត្តម លោក​ជំទាវ អនុរដ្ឋលេខាធិការ ថ្នាក់ដឹកនាំ និងមន្រ្ដីរាជការមន្ទីរអភិវឌ្ឍន៍ជនបទ រាជធានីភ្នំពេញ ព្រឹក​ថ្ងៃទី២៤ ខែ​​កុម្ភៈ ឆ្នាំ២០២០ នៅទីស្ដីការក្រសួង។

លោក នួន ផារ័ត្ន អភិបាលរងរាជធានីភ្នំពេញ អានសុន្ទរថាស្វាគមន៍រួចមក លោក គឹម វិបុល ប្រធានមន្ទីរ​អភិ​វឌ្ឍន៍ជនបទ រាជធានីភ្នំពេញ បានលើកឡើងពីរបាយការណ៍បូកសរុប លទ្ធផលសន្និបាត​ ឆ្នាំ២០១៩ និង​លើក​ទិសដៅការងារឆ្នាំ២០២០ របស់ក្រសួងអភិវឌ្ឍន៍ជនបទ​ ដែលមានខ្លឹមសារថា ឆ្នាំ២០១៩ ក្រសួង​បាន​សម្រេចលទ្ធផលការងារជាច្រើន តាមរយៈការប្រើប្រាស់ថវិកាជាតិ រួមមាន ការសាងសង់ស្ពាន​បេតុង​បាន​​ចំនួន ១៩កន្លែង ប្រវែងសរុបចំនួន ៨៤០ម សង់សំណង់សិល្បការ្យបានចំនួន ៤៩៤កន្លែង ស្ថាបនា​ផ្លូវ​​ជន​បទ​បានចំនួន ១០០គម្រោង ប្រវែងសរុបចំនួន ៥១៨.១៩ ​​​​គ.ម ក្នុងនោះ មានផ្លូវក្រាលកៅស៊ូពីរ​​ជាន់​​បាន​ប្រវែង ១០១.១៦ គ.ម ផ្លូវក្រាលបេតុងបានប្រវែង ២៩.៩១ គ.ម  ផ្លូវក្រាលក្រួសក្រហមបានប្រវែង ៣៨៧.១២ គ.ម។

ការរថែទាំសំណង់សិល្បការ្យ ជាលក្ខណៈខួបបានចំនួន ៥៨ កន្លែង ថែទាំផ្លូវជនបទមានលក្ខណៈខួប បាន​ចំនួន ៦៨​​​​​​ខ្សែ ប្រវែងសរុប ៤០៩.១៥ គ.ម ដែលក្នុងនោះ ផ្លូវក្រាលក្រួសក្រហម ប្រវែង ៣៩៥.៦៣ គម និងផ្លូវ​ក្រាល​កៅស៊ូពីរជាន់ ប្រវែង១៣.៥២គ.ម​និងការថែទាំផ្លូវជនបទមានលក្ខណៈប្រចាំ សម្រេចបាន ៣២៧ខ្សែ ប្រវែង​សរុប ២ ៨១១.២៣ គ.ម ក្នុងនោះផ្លូវក្រាលក្រួសក្រហមមានប្រវែង ២ ២៣៣.៥៩ គ.ម និងផ្លូវកៅ​ស៊ូ​​ប្រវែង ៥៧៧.៦៤ គ.ម។ ដោយឡែកលទ្ធផលនៃការជួសជុលបន្ទាន់ជាច្រើនកន្លែង រួមមាន ផ្លូវប្រវែង ២៨៥.១៤ គ.ម លូមូល ២៣កន្លែង លូប្រអប់ ០១កន្លែង ស្ពាន  ០៩កន្លែង និងបានរៀបចំបញ្ជី​សារពើ​​ភ័ណ្ឌ​​ប្រមូលទិន្នន័យផ្លូវជនបទ ៤២៤ខ្សែ ស្មើនឹង ១ ២២៩.១៧ គ.ម  ធ្វើបច្ចុប្បន្នភាពទិន្នន័យ ផ្លូវជនបទ​បាន​​ចំនួន ៣៣២ខ្សែ ស្មើនឹង ២ ០៧០.៨២ គ.ម។ ក្រសួង បានសាងសង់អណ្តូងទឹកស្អាតគ្រប់ប្រភេទ​បានចំនួន ​៣ ៦០៧ អណ្តូង, ជួសជុលអណ្តូងទឹកដែលខូចគ្រប់ប្រភេទបានចំនួន ១ ១៥៦ អណ្តូង, សាង​សង់ និង​ស្តារ​ស្រះ​ទឹកសហគមន៍ប្រើប្រាស់បានចំនួន ២២២ស្រះ នៅតាមតំបន់ដែលពុំអាចជីអណ្តូងបាន, សាងសង់អាង​ត្រង​​ទឹកភ្លៀង​ចំណុះ ៤ ម៉ែត្រគូបបានចំនួន ៦៦ អាង, អាងត្រងទឹកភ្លៀងចំណុះ ១០ ០០០​​លីត្រ បានចំនួន ៩០៩អាង,  សាងសង់ពាងត្រងទឹកភ្លៀងចំណុះ  ១០០០លីត្រ បានចំនួន ៦០ ២៣០ ពាង, សាងសង់​អាង​​ចម្រោះទឹកសាធារណៈបានចំនួន០៤កន្លែងនៅតាមសាលារៀន។សាងសង់ធុង​ចម្រោះ​​​​​ទឹកពីបេតុងបាន​ចំនួន ២១ ៣០៦ធុង សម្រាប់ចែកតាមគ្រួសារក្រីក្រ។

សាងសង់ប្រព័ន្ធចែកចាយទឹកស្អាតតាមទុយោ ជូនសហគមន៍បានចំនួន ២១៣កន្លែង។ សាងសង់ស្ថានីយ៍​ទឹក​ស្អាតសម្រាប់ច្រកទឹកដាក់ក្នុងពីដុងចំណុះ ៣០លីត្រ បានចំនួន ១១កន្លែង​។ ​ សាងសង់ទំនប់​បង្ហៀរ​សម្រា​​ប់​ស្រោចស្រពច្បារដំណាំបានចំនួន ២១កន្លែង។ សាងសង់ឡសម្រាប់ដុតសម្រាមចំនួន ៣០៨កន្លែង។

ផ្តល់ធុងដាក់ទឹកហូបចំណុះ ២០លីត្រ បានចំនួន ៧ ៥៤៧ គ្រួសារ​។   

ចំណែក ទឹកស្អាតជនបទកើនដល់ ៥៨%  និង​អនាម័យកើនដល់ ៧១% ​នៅឆ្នាំ២០១៧ (CSES 2017)   និងតាមការប៉ាន់ស្មានក្នុងឆ្នាំ ២០១៩  អត្រាគ្របដណ្តប់ទឹកស្អាតបានកើនដល់ ៦៥% និងអនាម័យបានកើន​ដល់ ៨០%។

លោក ​អ៊ុក រ៉ាប៊ុន​ រដ្ឋមន្ត្រីក្រសួងអភិវឌ្ឍន៍ជនបទ បានវាយ​តម្លៃខ្ពស់ចំពោះការអភិវឌ្ឍន៍យ៉ាងឆាប់រហ័ស​របស់រាជធានីភ្នំពេញ និងបានអបអរសាទរចំពោះសមិទ្ធនានា ដែលមន្ទីរអភិវឌ្ឍន៍ជនបទរាជធានីភ្នំពេញ​បាន​ធ្វើ។ ក្រសួងអភិវឌ្ឍន៍ជនបទ មានទិសដៅសំខាន់គឺ លើកកំរិតកម្ពស់ជីវភាពរស់នៅរបស់ប្រជាពលរដ្ឋ ​នៅ​តំបន់​​ជនបទទាំងផ្នែកសេដ្ឋកិច្ច និងសង្គមកិច្ច ដោយផ្អែកទៅលើកម្មវិធីជាយុទ្ធសាស្រ្ដទាំង ៤ រួមមាន ទី១ ការ​​ពង្រឹងស្ថាប័ន អភិវឌ្ឍសមត្ថភាព និងធនធានមនុស្ស  ទី២ ការអភិវឌ្ឍហេដ្ឋារចនាសម្ព័ន្ធរូបវ័ន្ដ និងគមនា​គមន៍ ទី៣ ការកែលម្អលក្ខខណ្ឌរស់នៅ និងលើកកម្ពស់ជីវភាពរបស់សហគមន៍ជនបទ និងទី៤​ ​សកម្មភាព​សេដ្ឋកិច្ចជនបទ តាមរយៈការបណ្ដុះបណ្ដាលវិជ្ជាជីវៈ បង្កើតមុខរបរបន្ថែមក្រៅពី​ការបង្កបង្កើន​ផលស្រូវ។

លទ្ធផលដែលសម្រេចបានក្នុងឆ្នាំ២០១៩ អាស្រ័យដោយកត្តាសុខសន្តិភាព ស្ថិរភាពនយោបាយ សណ្ដាប់​ធ្នាប់សង្គម ព្រមទាំងការដាក់ចេញនូវម្មវិធីនយោបាយ និងយុទ្ធសាស្រ្ដចតុលោណដំណាក់កាលទី៤ របស់​រាជរដ្ឋាភិបាល ក្រោមការដឹកនាំ របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្ដី​នៃព្រះ​រា​ជា​ណាចក្រកម្ពុជា​។

លោករដ្ឋមន្រ្ដី បានរំលឹកដល់ថ្នាក់ដឹកនាំ និងមន្រ្ដីរាជការមន្ទីរអភិវឌ្ឍន៍ជនបទ ​រាជធានីភ្នំពេញ ឲ្យយកចិត្ត​ទុក​ដាក់ជម្រុញការលើកកម្ពស់អនាម័យ ព្រោះថា បច្ចុប្បន្ននេះ ក្រសួងបាន និងកំពុងសហប្រតិបត្តិការ​ជា​មួយ​ក្រសួង ស្ថាប័ន ដៃគូរអភិវឌ្ឍន៍សំរេចបាននូវស្រុក (ODF) ពោលគឺ ប្រជាពលរដ្ឋចំនួន ៤ ស្រុក​មាន​បង្គន់អនាម័យប្រើប្រាស់គ្រប់ខ្នងផ្ទះ និងបានបញ្ឈប់ការបន្ទោបង់ពាសវាលពាសកាល គឺមាន ស្រុករំដួង ខេត្ត​​​ស្វាយរៀង ស្រុកបន្ទាយមាស និង ស្រុកជុំគីរី​ ខេត្តកំពត និងស្រុកបសេដ្ឋ ខេត្តកំពង់ស្ពឺ៕

                                                                                     

​