ចិន មានការចាប់អារម្មណ៍ខ្លាំង នៅតំបន់ទេសចរណ៍ រលុះធំ ដែលកើតចេញពីបាតុភូមិធម្មជាតិសុទ្ធសាធ

ខេត្តឧត្តរមានជ័យៈ

ដោយ៖ សេង ស៊ីដារ៉ូ

តំបន់ទេសចរណ៍ រលុះធំ មានចម្ងាយជាង២០គីឡូម៉ែត្រ ពីទីក្រុងសំរោង ខេត្តឧត្តរមានជ័យ​ ហើយជាតំបន់

​ដែល​មានការចំណាប់អារម្មណ៍ពីភ្លៀវទេសចរណ៍ជាតិ និងអន្តរជាតិ យ៉ាងច្រើន ជាពិសេសជន​ជាតិចិនតែម្តង ព្រោះវាជាវាលមួយដ៏ស្រស់ស្អាត ដែលកើតចេញពីបាតុភូតធម្មជាតិសុទ្ធសាធ មានភាពរស់រវើក ដែលកម្ររក​បាន នៅអាស៊ី និងពិភពលោកយើងនេះ។

កាលពីមុនមក តំបន់រមណីយដ្ឋាន​ រលុះធំនេះ​ គ្មានការចាប់អារម្មណ៍ពីភ្លៀវទេសចរណ៍ជាតិ និងអន្តរជាតិ​

ឡើយ​នោះទេ ក៏ដោយសារតែពួកគេយល់ឃើញថា ជាដីដុះធម្មតា គ្មានអ្វីគួរឲ្យចាប់អារម្មណ៍ តែក្រោយមក​មាន​​ប្រជាពលរដ្ឋ និងអ្នកជំនាញ របស់រាជរដ្ឋាភិបាល ធ្វើការសិក្សាស្រាវជ្រាវពិនិត្យឲ្យបានដិតដល់ទៅ ទើប​ដឹងថា ពិតជាដី ដែលហូរច្រោះពីបាតុភូតធម្មជាតិប្រាកដមែន ហើយវាមានលក្ខណៈរស់រវើក និងស្រស់បំព្រង ហើយកកើតឡើងពីធម្មជាតិពិតៗ។

ព្រះតេជគុណ សោ បូរី ដែលគង់នៅជាប្រចាំ ក្នុងអាស្រមពស់រលុះធំ ស្ថិតនៅតំបន់ទេសចរណ៍រលុះធំនេះ បាន

មានសង្ឃដីកាថា ពីមុនមកក្នុងតំបន់រមណីយដ្ឋាននេះ ​គ្មាននរណាចាប់អារម្មណ៍នោះទេ ព្រោះពួកគេ​យល់​ឃើញថា ជាដីដុះធម្មតា គ្មានអ្វីគួរឲ្យចាប់អារម្មណ៍ បើសិនយើងពិនិត្យឲ្យបានដិតដល់ទៅ ទើបយើង អាច​ឃើញថា ដីដែលហូរច្រោះនេះ មានលក្ខណៈរលុះ ភាពរស់រវើក និងស្រស់បំព្រង ហើយកកើតឡើងពី​ធម្មជាតិ​ពិតៗ។

ព្រះអង្គម្ចាស់ មានសង្ឃដីកាបន្ថែមទៀតថា តាមដែលចាស់ៗ​និយាយតៗគ្នាមកថា ​ក្នុងតំបន់នេះ​ពីដើមមក

​សម្បូរទៅដោយពស់ថ្លាន់ប៉ុន្នៗដើមត្នោត និងមានសត្វចចកជាច្រើនទៀត ដែលរស់នៅក្នុងតំបន់នោះ ហើយ​បើ​និយាយទៅតាមជំនឿ គេតែងឃើញពស់ធំៗទាំងនោះឆ្លងកាត់តំបន់នេះ ជានិច្ចជាកាល ប៉ុន្តែនា​ពេល​បច្ចុប្បន្ន វាលរលុះនេះ កាន់តែមានសោភណ្ឌភាពស្រស់បំព្រង ​រំលេចទៅដោយដើមឈើប៉ៃតង​ដ៏ស្រស់​ត្រកាល​ទៀត ផង។

នាពេលថ្មីនេះ ក្រៅពីភ្ញៀវជាតិ ក៏មានភ្ញៀវបរទេសចិន​ជាច្រើនកុះករ​មកកំសាន្តលែង ជាប្រចាំ ​ព្រោះ​ដោយ​សារ​​

តែ​ប្រទេសគេពុំមានដីរលុះធម្មជាតិនេះពិតនៅឡើយ គឺមានតែនៅក្នុងប្រទេសយើងតែប៉ុណ្ណោះ ហើយ​ខេត្ត​​​ដែលមានដីរលុះនេះ គឺមានតែខេត្តកំពង់ស្ពឺ និងឧត្តរមានជ័យ៕