ពិព័រណ៍សៀវភៅធំបំផុត លើពិភពលោក បើកសម្ពោធហើយ ដើម្បីបណ្ដុះ​វប្បធម៌​ នៃការអាន ​នៅកម្ពុ​ជា និង​ក្រុមហ៊ុនសែលកាត ជាដៃគូរសហការផ្នែកទូរគមនាគមន៍ ពិព័រណ៍ Big Bad Wolf Sale

ភ្នំពេញៈ

ដោយ៖ សេង ស៊ីដារ៉ូ

ពិព័រណ៍សៀវភៅ​ Big Bad Wolf​ Book បាននាំយកនូវសៀវភៅអានរបស់អង់គ្លេសល្បីៗ ចំនួន​១លានក្បាល​ដាក់​តាំង​លក់នៅរាជធានីភ្នំពេញ ដោយបញ្ចុះតម្លៃ ៥0% រហូតដល់ ៩0% ចាប់ពីថ្ងៃទី៩ ខែមករា ដល់ថ្ងៃទី​២0 ​ខែមករា​ ឆ្នាំ២០២០ នឹងបើកដំណើរការ​ជារៀងរាល់ថ្ងៃចាប់ពីម៉ោង ៩ព្រឹក ​រហូតដល់​ម៉ោង​​ ១២​អធ្រាត្រ ​ នៅផ្សារបុរីរុងរឿង​ ដែល​ស្ថិត​នៅក្នុង ខណ្ឌជ្រោយចង្វារ។ 

ចំពោះការចូលរួមទស្សនា​​ពិព័រណ៍សៀវភៅ​នេះ គឺពុំគិតថ្លៃនោះទេសូមបងប្អូនប្រជាពលរដ្ឋទាំងឡាយ​អញ្ជើញ​ចូលអាន​សៀវភៅល្អៗទាំងនេះ ជាពិសេស សិស្ស និស្សិត កុំបោះបង់ចោលនៅពេលវេលាដ៏ល្អនេះ​ពីព្រោះថា ការអានសៀវភៅ ធ្វើឲ្យយើងមានការកើនបញ្ហា និងភាពរឹងម៉ាំជាម្ចាស់ការលើខ្លួនឯង។ 

លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន បានអញ្ជើញចូលរួមជាកត្តិយស ក្នុងពិធីបើកសម្ភោធ​ជាផ្លូវ​ការ​នេះ ដើម្បីបង្ហាញពីការចូលរួមគាំទ្រ ពិព័រណ៍សៀវភៅ Big Bad Wolf​ Book ដែលរៀបចំធ្វើឡើងជា​​លើកដំ​បូង នៅក្នុងប្រទេសកម្ពុជា។ ពិព័រណ៍សៀវភៅ​ Big Bad Wolf​ Book បាននាំយកមកនូវសៀវភៅអង់គ្លេស​សុទ្ធ​​តែល្អហើយថ្មីៗ ចំនួន ១​លានក្បាល មកដាក់លក់បញ្ចុះតម្លៃចាប់ពី៥0​% រហូតដល់ ៩0% ​ក្នុងនោះ​មាន​​សៀវភៅ​ជាច្រើនប្រភេទ រួមមានដូចជា សៀវភៅសម្រាប់កុមារ, សៀវភៅប្រលោមលោក, សៀវភៅរឿងពិត, សៀវភៅលក់ដាច់បំផុត, សៀវភៅប្រលោមលោកបែបវិទ្យាសាស្រ្ត, សៀវភៅស្នេហា, សៀវភៅអភិវឌ្ឍន៍​ខ្លួន​ឯង, សៀវភៅក្រាហ្វិក, សៀវភៅអាជីវកម្ម,  សៀវភៅស្ថាបត្យកម្ម, សៀវភៅរចនា និងសៀវភៅជាច្រើន​ប្រភេទ​​ទៀត។

លោកអ្នកអាចទិញសៀវភៅទាំងនោះបាន តាមរយៈការទូទាត់ជាលុយសុទ្ធ, ប្រើកាតឥណទាន ឬប្រើកាត​ឥណពន្ធ។ អ្នកចូលរួមទស្សនា ត្រូវបានលើកទឹកចិត្ត ឲ្យមកចូលរួមទស្សនាពិព័រណ៍ច្រើន​ដង ដោយហេតុ​ថា ​ពីមួយថ្ងៃទៅមួយថ្ងៃ នឹងមានសៀវភៅចូលថ្មីដាក់លក់ជានិច្ច ក្នុងរយ:ពេល១២ថ្ងៃ នៃពិធីពិព័រណ៍សៀវភៅ​នេះ​​។

ក្រុមហ៊ុនសែលកាត ដែលជាដៃគូរសហការផ្នែកទូរគមនាគមន៍របស់ពិព័រណ៍ Big Bad Wolf Sale នៅទីក្រុង​ភ្នំពេញ ឆ្នាំ២០២០ នឹងមានស្តង់ពិព័រណ័ផ្ទាល់ខ្លួនមួយសម្រាប់ ផ្តល់ការកំសាន្ត ដល់អ្នកចូលរួម។

សៀវភៅវេទមន្ត “Magical Books”​ គឺជាសៀវភៅដ៏សំខាន់មួយប្រភេទ  នៅក្នុងពិព័រណ៍ សៀវភៅនេះ។ ក្នុង​នាម​ជាអ្នកនាំចូលផ្តាច់មុខ នៅតំបន់អាស៊ី ពិព័រណ៍សៀវភៅ Big Bad Wolf Book ​Sale សង្កេតឃើញ​ថា​សៀវ​ភៅប្រភេទនេះ គឺល្អបំផុតសម្រាប់ឪពុកម្តាយ ដែលមានកូនប្រុសស្រីចាប់ពីអាយុ ១ឆ្នាំ ដល់ ៦ឆ្នាំ ​ក្នុង​ការ​ចាប់ផ្ដើមរៀនអានសៀវភៅ។ សៀវភៅវេទមន្តគឺ ជាសៀវភៅដែលផលិតឡើងដោយរួមបញ្ចូល​នូវបច្ចេក​វិទ្យា  Augmented  Reality (AR)  ដែលអនុញ្ញាតឲ្យកុមារ មានសកម្មភាពឆ្លើយឆ្លង, រៀន និងអាន​សៀវភៅ​ក្នុងពេលតែមួយ។ 

សៀវភៅនេះ នឹងជួយលើកទឹកចិត្តឲ្យកុមារ មានការចាប់អារម្មណ៍លើការអានសៀវភៅ ហើយសៀវភៅនេះ នឹងធ្វើឲ្យកុមារមានទម្លាប់ក្នុងការអានសៀវភៅផងដែរ។ឪពុកម្តាយឬអាណាព្យាបាលអាជ្រើសរើសៀវភៅ សម្រាប់កូនៗ របស់ខ្លួនដូចជា៖​  Little Red Riding Hood, Let’s Learn Alphabet ABC, as well as Disney titles like Disney Frozen: A Sleepover Party, and educational titles like ABC Fun With Mickey។

លោក Andrew Yap សហស្ថាបនិកពិព័រណ៍ Big​ Bad Wolf Books​ បានថ្លែងថា  យើងមិនមែនគ្រាន់​តែ​ជាអ្នកដាក់តាំងពិព័រណ៍សៀវភៅនោះទេ យើងចាត់ទុកខ្លួនយើងជាស្ថាប័នមួយ ដែលធ្វើ​យុទ្ធនាការ​​​ដើម្បី​លើក​កម្ពស់អក្ខរកម្មភាសាអង់គ្លេស។ បេសកម្មចម្បងរបស់យើង  គឺដើម្បីផ្លាស់ប្តូរពិភពលោក ជា​មួយសៀវភៅ​មួយក្បាល ក្នុងមួយម្តង ដោយធ្វើឲ្យប្រាកដថា សៀវភៅរបស់យើង មានតម្លៃសមរម្យ ​និងអាចរកទិញ​បាន​សម្រាប់មនុស្សគ្រប់រូប។ មានមនុស្សជាច្រើនណាស់ ដែលគ្មានលទ្ធិភាពក្នុងការទទួលបានសៀវភៅ ដោយ​សារ​តែតម្លៃរបស់សៀវភៅ។ វាពិតជាគួរឲ្យសោកស្តាយណាស់ ព្រោះតាមរយៈការអានសៀវភៅ អាចផ្លាស់ប្ដូរ ជីវិតរបស់មនុស្ស និងជួយជម្រុញឲ្យពួកគេព្យាយាមសម្រេចនូវក្តីស្រមៃរបស់ខ្លួន។  

Big Bad Wolf Books ត្រូវបានបង្កើតឡើងនៅក្នុងឆ្នាំ២០០៩ ដោយស្ថាបនិកជនជាតិម៉ាឡេស៊ីចំនួន​២រូប​ដើម្បីអាចឲ្យប្រជាជនម៉ាឡេស៊ី អាចទទួលបាន សៀវភៅភាសាអង់គ្លេស ដែលមានគុណភាពខ្ពស់ក្នុងតម្លៃសមរម្យ។ នៅក្នុងឆ្នាំ២០១៦ ​ពិព័រណ៍សៀវភៅនេះ ​បានចាប់ផ្តើមរៀបចំធ្វើឡើងនៅក្រៅប្រទេស ដើម្បីធានាថា​មនុស្សគ្រប់រូប មានលទ្ធិភាពក្នុងការទទួលបានសៀវភៅកាន់តែច្រើន តាមដែលអាចធ្វើទៅបាន។

នៅក្នុងឆ្នាំ ២០១៩ ពិព័រណ៍នេះ ត្រូវបានរៀបចំធ្វើឡើងនៅក្នុងទីក្រុងចំនួន ៣២ នៅក្នុងប្រទេសចំនួន ១០  ក្នុងតំបន់អាស៊ីអាគ្នេយ៍, អាស៊ីភាគខាងត្បូង, មជ្ឈឹមបូព៌ា បានអាចទាក់ទាញអ្នកចូលរួម​ច្រើនជាង ៥ លាន​នាក់​។

លោក អ៊ុក ចាន់ដារ៉ា អ្នកនាំពាក្យពិព័រណ៍សៀវភៅ Big Bad Wolf Book Sale Phnom Penh ២០២០ មានប្រសាសន៍ថា នេះគឺជាមោទនភាពមួយរបស់ប្រជាជនកម្ពុជា ដែលពិព័រណ៍សៀវភៅធំជាងគេលើពិភពលោក​ បានរៀបចំធ្វើឡើងនៅក្នុងទីក្រុងភ្នំពេញនាពេលនេះ។ នេះ គឺជា​ឱកាស​ដ៏ល្អមួយ​សម្រាប់ប្រជាជន​​កម្ពុជា ក្នុងការអភិវឌ្ឍជំនាញ និងចំណេះ​ដឹង​របស់ខ្លួន​តាមរយ:ការអានសៀវភៅ។ ទន្ទឹមនឹងនេះ វានឹងបង្កើត​ទម្លាប់ក្នុ​ងការអាន​សៀវភៅ​របស់កុមារ  ​តាំងពីក្មេងវ័យ។ តម្រូវការអានសៀវភៅអង់គ្លេស កាន់តែច្រើនឡើងៗ​ នៅ​ក្នុង​ស្រទាបយុវវ័យ ជំនាន់ថ្មី ​គឺជាកម្លាំងជំរុញផែនការរបស់យើង​ ក្នុងការនាំយកពិព័រណ៍សៀវភៅនេះ ​មក​កាន់ប្រទេសកម្ពុជា។

លោក អ៊ុក​ ចាន់ដារ៉ា បន្តទៀតថា ក្នុងបរិបទបច្ចុប្បន្ននេះ ដើម្បីឲ្យប្រជាជនកម្ពុជាអាច​រីកចម្រើន ​នៅក្នុង​សេដ្ឋ​កិច្ចសកលភាវូបនីយកម្ម និងអាចឲ្យប្រទេសកម្ពុជា អភិវឌ្ឍធនធានមនុស្សរបស់ខ្លួនបានឆាប់រហ័សនោះ យើងត្រូវបន្តធ្វើការឆ្ពោះទៅរកការធានាឲ្យបានថា មនុស្សជំនាន់ក្រោយ ទទួលបាននូវធនធានចំណេះដឹង ដែល​ចាំបាច់ ដើម្បីកែលម្អអនាគតរបស់ខ្លួន ក៏ដូចជាអនាគតនៃប្រទេសជាតិផងដែរ។

ស្របតាមគោលការណ៍របស់ពិព័រណ៍សៀវភៅ ដែលជឿជាក់ថា មនុស្សគ្រប់រូប​គួរតែមានលទ្ធភាពទទួលបាន​សៀវភៅភាសាអង់គ្លេស ដែលមានគុណភាព មិនថាពួកគេស្ថិតនៅក្នុងស្ថានភាពបែបណានោះទេ។ ពិព័រណ៍សៀវភៅ Big Bad Wolf Book Sale Phnom Penh ២០២០​ បានសហការជាមួយ ​បណ្ណាល័យ​បញ្ញ​វន្ត​និងបណ្ណាល័យកណ្តាលរបស់ក្រសួងអប់រំ យុវជន និងកីឡា ធ្វើជាដៃគូសម្រាប់កម្មវិធី ទំនួលខុសត្រូវចំពោះ សង្គម (CSR)  របស់ខ្លួន​ដែល​មាន​ឈ្មោះថា Red Readerhood ដើម្បីបរិច្ចាគសៀវភៅ​ឲ្យទៅអ្នកដែល​ខ្វះ​ខាត។ អ្នកចូលរួម ត្រូវបានលើ​កទឹកចិត្ត ឲ្យបរិច្ចាគសៀវភៅនៅបញ្ជរ​ Red Readerhood ដែលមាន​ទីតាំង​បន្ទាប់ពីបញ្ជរ​គិតលុយ​ នៅក្នុងសាលពិព័រណ៍។ សម្រាប់គំនិតផ្តួចផ្តើមនៅក្នុងកម្មវិធី  Red Readerhood នេះ ពិព័រណ៍សៀវភៅ  ​Big Bad Wolf Book Sale​ សន្យាថា នឹងបរិច្ចាគសៀវភៅចំនួន ៥០០ក្បាល ​ពីលើ​ការ​បរិច្ចាគ ដែលប្រមូលបាននៅក្នុងកម្មវិធីពិព័រណ៍។​

អ្នកចូលរួមទាំងអស់ អាចធ្វើដំណើរទៅកាន់ទីកន្លែងពិព័រណ៍សៀវភៅ បានយ៉ាងងាយស្រួល ជាមួយក្រុមហ៊ុនដឹងជញ្ជូន Grab ដែលជាដៃគូផ្លូវការរបស់យើង  ជាមួយការផ្ដល់ជូនយ៉ាងពិសេស។ សម្រាប់អតិថិជនថ្មីរបស់ GRAB ទទួលបានការចុះតម្លៃ ៦០០០រៀល សម្រាប់ការធ្វើដំណើរ ៣លើកដំបូង​ដោយប្រើលេខ​កូដ​បញ្ចុះ​តម្លៃ​ “BBW”​។ សម្រាប់អតិថិជនដែលធ្លាប់ ប្រើប្រាស់សេវា GRAB អាចប្រើប្រាស់លេខកូដបញ្ចុះតម្លៃ “BBW20”​ ដើម្បីទទួលបានការបញ្ចុះតម្លៃ ២០% សម្រាប់ការជិះ ២ដង (ការបញ្ចុះតម្លៃខ្ពស់បំផុតគឺត្រឹម ៦០០០រៀល ក្នុងមួយជើង)។ លេខកូដបញ្ចុះតម្លៃនេះ មានសុពលភាពចាប់ពីថ្ងៃទី៩ ខែមករា រហូតដល់​ថ្ងៃទី២០ ខែមករា ឆ្នាំ២០២០។

ដើម្បីទទួលបានអត្ថប្រយោជន៍កាន់តែពិសេស និងព័ត៌មានបញ្ចុះតម្លៃលើសៀវភៅថ្មីៗ នៅក្នុងពិព័រណ៍សៀវភៅ​​ Big Bad Wolf Book, អ្នកអាចចុះឈ្មោះចូលជាសមាជិក Wolf Pack តាមរយៈតំណ​ (Link) មួយ​នេះ ​https://bigbadwolfbooks.com/។

ប​ណ្តា​ញ​សង្គមរបស់ Big Bad Wolf

Facebook: facebook.com/bbwbookskh

Instagram: instagram.com/bbwbookskh

Hashtag ផ្លូវការ៖ #BBWPhnomPenh2020

អំពីពិព័រណ៍សៀវភៅ BIG BAD WOLF​ BOOK SALE ពិព័រណ៍សៀវភៅនេះ ត្រូវបានបង្កើតឡើងដោយ ស្ថាបនិក ២​ រូប គឺ លោក Andrew Yap និង លោកស្រី Jacqueline Ng ហើយបានក្លាយទៅជា ព្រឹត្តិការណ៏ដ៏សំខាន់ នៅប្រទេសម៉ាឡេស៊ី តាំងពីឆ្នាំ២០០៩មក​ម្ល៉េះ​។ នៅឆ្នាំ២០១៩  ពិព័រណ៍សៀវភៅនេះ បានរៀបចំធ្វើឡើងនៅក្នុង ប្រទេសចំនួន ១0 និងទីក្រុងចំនួន ៣២ ក្នុងនោះរួមមាន ប្រទេសម៉ាឡេស៊ី ប្រទេសថៃ ប្រទេសឥណ្ឌូនេស៊ី  ប្រទេសស្រី​លង្កា ប្រទេសភីលីពីន កោះតៃវ៉ាន់ ប្រទេសកូរ៉េខាងត្បូង ប្រទេសប៉ាគីស្ថាន ប្រទេសមីយ៉ាន់ម៉ា និងសហព័ន្ធ​អារ៉ាប់រួម  ហើយ​ពិព័រណ៍​​​សៀវភៅនេះ នឹងបន្តបេសកម្មរបស់ខ្លួន ដើម្បីជួយដល់ អ្នកអានគ្រប់រូបលើពិភពលោក​ឲ្យទទួល​បាន​សៀវភៅ អាន កនុងតម្លៃសមរម្យមួយ៕

សម្រាប់ព័ត៌មានបន្ថែម សូមទំនាក់ទំនងមកកាន់

កញ្ញា ហូល ឆៃលី, chhaily@mekha.la, +855 67 723 247

កញ្ញា កែវ​ គូនីឡា, kounila@mekha.la, +855 92 621 431