សិប្បកម្មកែច្នៃ សុមនា មានស្នាដៃកែច្នៃស្នែងគោ មកជាវត្ថុអនុស្សាវរីយ៍ អាចជួយដល់បរិស្ថានធម្មជាតិ និង​មានផល​ប្រយោជន៍ ដល់អ្នក​ប្រើប្រាស់ ​ជួយបំបាត់ជាតិពុល និងខ្លាញ់​ក្នុងឈាម

ភ្នំពេញៈ

ដោយ៖ ឌឹម គឹមហាក់

សិប្បកម្ម សុមនា បានធ្វើការកែច្នៃស្នែងគោ មកជាគ្រឿងអលង្កា ដូចជា ខ្សែក្រវ៉ាត វ៉ែនតា និងវត្ថុអនុស្សាវរីយ៍​

ជាច្រើនទៀត ដែលទាក់ទាញយ៉ាងខ្លាំងពីអ្នកប្រើប្រាស់ ១៦ឆ្នាំមកហើយ។

ម្ចាស់សិប្បកម្មកែច្នៃ សុមនា មានឈ្មោះថា ចិន្តា បានឲ្យដឹងថា សិប្បកម្មកែច្នៃនេះ បានធ្វើការកែច្នៃស្នែងគោ 

មកជាគ្រឿងអលង្កានេះ អស់រយៈពេល១៦ឆ្នាំមកហើយ និងមានអតិថិជនគាំទ្រច្រើន ឥឡូវនេះ សិប្បកកម្ម​កែច្នៃ សុមនា បានផ្លាស់ទីតាំងពីខេត្ត ព្រៃវែង មកនៅជើងឯក ខណ្ឌដង្កោ រាជធានីភ្នំពេញវិញ។

កញ្ញាចិន្តា បានបន្ត​ថា សិប្ប​​កម្មនេះ ធ្វើការកែច្នៃពីស្នែងគោ និងស្នែងក្របី ដែលទិញពីកន្លែង សត្តឃាត ដោយ

ការម៉ៅ បើស្នែងណាដែលល្អវែងទិញគិតជាគូ ក្នុង១គូ ៥០០០រៀល ទៅ១០០០០រៀល ហើយចំពោះ​ស្នែង​ដែលអន់ ទិញគិតជាការ៉ុង។ ស្នែងគោជាប្រភេទស្នែង ដែលមានអាយុកាលវែង អាចកែច្នៃទៅជាក្រាស់​សិត គ្រឿងអង្កាំ គ្រឿងអលង្កា ខ្សែក្រវ៉ាត វ៉ែនតា ហើយក្នុងចំណោមវត្ថុទាំងនេះ ខ្សែក្រវ៉ាត ជាទីពេញ​និយម​ច្រើននៃអ្នកប្រើប្រាស់ អាចលក់បានថ្លៃជាងគេ ក្នុង១ខ្សែថ្លៃ ៧៥ដុល្លារ ដោយកែច្នៃពីស្នែងគោសុទ្ធសាត  បន្ទាប់​មកទៀត វ៉ែនតាថ្លៃ ៣៨ដុល្លារ ដោយពុំសូវមានអ្នកទិញច្រើនទេ ហើយចំពោះគ្រឿងអលង្កា ខ្សែដៃ ខ្សែក ដែលកែច្នៃពីស្នែងគោនេះ លក់បានចាប់ពី៣ដុល្លារឡើងទៅ។

ក្នុងខ្សែក្រវ៉ាតមួយ អាចធ្វើការកែច្នៃក្នុងរយៈពេល១អាទិត្យប៉ុណ្ណោះ។ ម្ចាស់សិប្បកម្មដដែលនេះ បានបញ្ជាក់​

ទៀត​ថា ចំពោះគុណប្រយោជន៍ផលិតផលពីស្នែងនេះ អាចជួយដល់បរិស្ថានធម្មជាតិ និងមានផល​ប្រយោជន៍ ដល់អ្នក​ប្រើប្រាស់ ​ដោយអាចជួយបំបាត់ជាតិពុល និងបំបាត់ខ្លាញ់​ក្នុងឈាម​ក្នុងពេលដែល​យើង​ប្រើប្រាស់យូរទៅ៕