អ្នកស្រី រចនា ម្ចាស់សិប្បកម្មឥសាន្ត លើកឡើងថា នឹងធ្វើការកែសម្រួលតម្បាញ​ របស់ជនជាតិ​ដើម​ភាគតិច ឲ្យ មានគុណភាពខ្ពស់ ដើម្បីប្រកួតប្រជែងលើទីផ្សារ

ភ្នំពេញៈ

 

ដោយ៖ សេង​​ ស៊ីដារ៉ូ

 

សិប្បកម្មឥសាន្ត បានសហការជាមួយស្ត្រីតម្បាញ ជនជាតិដើមភាគតិច ចំនួនពីរខេត្ត គឺ រតនគិរី និង​មណ្ឌល គិរី ដើម្បីជួយដល់ស្ត្រីពិការ ក្នុងការផលិតកាបូស្ពាយ និងវត្ថុអនុស្សាវរីយ៍ផ្សេងទៀត។

 

អ្នកស្រី​ រចនា ប្រធានសិប្បកម្មឥសាន្ត ដែលមានទីតាំងនៅរាជធានីភ្នំពេញ បានរៀបរាប់ថា តម្បាញ​កែច្នៃ​ពីវត្ថុ ធាតុដើម របស់បងប្អូនជនជាតិដើមភាគតិច មានតម្លៃចាប់ពី ២០ដុល្លារ ដល់១០០ដុល្លារ គឺជាស្នា ដៃស្ត្រីខ្មែរ យើងតែម្តង ដែលត្បាញចេញពីកប្បាស ដែលមានគុណភាពខ្ពស់ អាចប្រកួតប្រជែង​លើទីផ្សារបាន។

 

អ្នកស្រី រចនា បានបន្តទៀតថា ក្រៅពីខោអាវ និងត្បាញ ស្ត្រីជនជាតិដើមភាគតិចយើង មួយចំនួន​ខ្លះ​មិនយល់ ពីតម្លៃប្រពៃណីតម្បាញ របស់ជនជាតិខ្មែរយើងនោះទេ ដោយហេតុនេះហើយ ​ទើបសិប្ប​កម្ម​ឥសាន្ត បានធ្វើ ការកែច្នៃ​ទៅជាកាបូប ដើម្បីទាក់ទាញអតិថិជន ពិសេសជនជាតិបរទេស ដែលតែងតែ​និយមប្រើប្រាស់ខោ អាវ ត្បាញ របស់បងប្អូនខ្មែរយើង វាផ្ទុយស្រឡះ ដែលភ្ញៀវយើងមិននិយម​ប្រើ​ប្រាស់​​​​នោះឡើយ ដែលជាហេតុធ្វើឲ្យ ការផលិត របស់ពួកគាត់ មិនលេចមុខមាត់នៅក្នុងទីផ្សារ។





អ្នកស្រី រចនា បានបន្ថែមទៀតថា ព្រោះតែមានហេតុផលនេះហើយ ដែលសិប្បកម្មឥសាន្ត បានធ្វើ​ការកែ សម្រួលកែច្នៃ ការត្បាញនេះឡើងវិញ ដូចជាក្រមារបស់បងប្អូនយើង មានគុណភាពស្វិតជាប់​បាន​​យូរ ល្អ គួរតែ យើងគាំទ្រផលិតផលខ្មែរយើងឡើង ទើបមានភាពរីកចម្រើន នៃវប្បធម៌ និង​ប្រណីពៃខ្មែរនេះ៕