រដ្ឋមន្ត្រីក្រសួងអភិវឌ្ឍន៍ជនបទ បញ្ចុះបឋមសីលាបើកការដ្ឋាន សាងសង់មជ្ឈមណ្ឌលសហគមន៍នៃគម្រោងសាកល្បងកាត់បន្ថយភាពក្រីក្រ ក្រោមជំនួយហិរញ្ញប្បទាន សហប្រតិបត្តិការរបស់រដ្ឋាភិបាលចិន
ខេត្តកណ្តាលៈ
ដោយ៖ ហុង ចំណាប់
នាព្រឹកថ្ងៃទី២៥ ខែមិថុនា ឆ្នាំ២០១៨ រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញជាអធិបតីក្នុងពិធីបញ្ចុះបឋមសិលា បើកការដ្ឋានសាងសង់មជ្ឈមណ្ឌលសហគមន៍ ក្នុងក្របខណ្ឌគម្រោងសាកល្បង កាត់បន្ថយភាពក្រីក្រ ក្រោមហិរញ្ញប្បទាន សហប្រតិបត្តិការរបស់រដ្ឋាភិបាលសាធារណរដ្ឋប្រជាមនិតចិន នៅក្នុងបរិវេណសាលាឃុំស្វាយអំពារ ភូមិស្វាយអំពារ ស្រុកមុខកំពូល ខេត្តកណ្តាល ។
លោកជំទាវ ទេព បូរ៉ាមីន អនុរដ្ឋលេខាធិការក្រសួងអភិវឌ្ឍន៍ជនបទ បានឲ្យដឹងថា យោងតាមកិច្ចព្រមព្រៀងរវាងរាជ រដ្ឋាភិបាលកម្ពុជា ដែលតំណាងដោយក្រសួងអភិវឌ្ឍន៍ជនបទ និងរដ្ឋាភិបាលនៃសាធារណរដ្ឋប្រជាមានិតចិន នៃគម្រោងសាកល្បងកាត់បន្ថយភាពក្រីក្រ នៅកម្ពុជា អនុវត្តរយៈពេល៣ឆ្នាំ គឺចាប់ពីឆ្នាំ២០១៧-២០២០ ដែលថវិកាសរុប ៣៣,៣៣ លានយ៉េន ស្មើនឹងជាង ៥លានដុល្លារអាមេរិក ដើម្បីធ្វើសកម្មភាពផ្គត់ផ្គង់ទឹកស្អាត សាងសង់ប្រព័ន្ធស្រោចស្រពខ្នាតតូច ចិញ្ចឹមសត្វ បណ្ដុះបណ្ដាលជំនាញ និងសម្រាប់សាងសង់មជ្ឈមណ្ឌលសហគមន៍។
មជ្ឈមណ្ឌលសហគមន៍នេះ កំពុងបញ្ចុះបឋមសីលាកសាងនាពេលនេះ ត្រូវសង់លើផ្ទៃដី ២០០ម៉ែត្រការ៉េ មានកំពស់ ២ជាន់។ នៅជាន់ផ្ទាល់ដី មានបន្ទប់ការិយាល័យ២ បន្ទប់សម្ភារៈ១ បន្ទប់ប្រជុំ១ បន្ទប់រងចាំ ២ និងបន្ទប់ទឹក ២។ ដោយឡែកនៅជាន់ទី១ មានបន្ទប់បាយ ១ បន្ទប់ទឹក ២ បន្ទប់អាហារ ១ អាចប្រើប្រាស់ជាបន្ទប់ប្រជុំ សិក្សា និងពិធី ផ្សេងៗទៀតបាន (ចំនួន ១០០ នាក់ )។
លោក លី អាន ទីប្រឹក្សាសេដ្ឋកិច្ច និងពាណិជ្ជកម្មនៃស្ថានទូតសាធារណរដ្ឋប្រជាមានិតចិន ប្រចាំនៅកម្ពុជា បាន សម្ដែងការអបអរសាទរ ចំពោះកិច្ចខិតខំប្រឹងប្រែងរបស់មន្រ្ដីអនុវត្តគម្រោងនេះ និងកិច្ចសហប្រតិបត្តិការល្អ រវាងរដ្ឋាភិ បាលនៃសាធារណរដ្ឋប្រជាមនិតចិន និងរាជរដ្ឋាភិបាល នៃព្រះរាជាណាចក្រកម្ពុជា រួមចំណែកកាត់បន្ថយភាពក្រីក្រ របស់ប្រជាពលរដ្ឋកម្ពុជា នៅតំបន់ជនបទ និងជាចំណងមិត្តភាព នៃប្រទេសទាំងពីរផងដែរ។
លោក អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ បានមានប្រសាសន៍ថា ការកាត់បន្ថយភាពក្រីក្រ គឺជាការងារសំខាន់ ដែលរាជរដ្ឋាភិបាល បានយកចិត្តទុកដាក់យ៉ាងខ្លាំង ជាពិសេសក្រោមការដឹកនាំដ៏ត្រឹមត្រូវ និងប្រកបដោយគតិបណ្ឌិត របស់សម្តេច ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅតែចាត់ទុកវិស័យអភិវឌ្ឍន៍ជនបទ ជាវិស័យ អាទិភាពមួយ ក្នុងចំណោមវិស័យអាទិភាពទាំង៤ នៅក្នុងយុទ្ធសាស្ត្រចតុកោណដំណាក់កាលទី៣ របស់ខ្លួន។
រាជរដ្ឋាភិបាល ផ្តោតការយកចិត្តទុកដាក់លើការបន្តវិនិយោគ លើវិស័យហេដ្ឋារចនាសម្ព័ន្ធផ្លូវជនបទ ការងារអភិវឌ្ឍន៍ សហគមន៍ជនបទ និងការងារអភិវឌ្ឍន៍សេដ្ឋកិច្ចជនបទ។ ទន្ទឹមនឹងនេះ ក្រសួងអភិវឌ្ឍន៍ជនបទ បាននឹងកំពុងដើរ តួរនាទីយ៉ាងសំខាន់ ក្នុងការខិតខំជំរុញការធ្វើសមាហរណកម្ម រវាងទីក្រុង និងទីជនបទ កាន់តែមានលក្ខណៈប្រសើរឡើង សំដៅបង្កើតឡើងនូវកាលានុវត្តភាព សេដ្ឋកិច្ចសង្គម ជំរុញកំណើនបរិយាប័ន្នសេដ្ឋកិច្ច និងកែលម្អជីវភាពរបស់ប្រជាជននៅតំបន់ជនបទ ឲ្យកាន់តែប្រសើរឡើង។ ឯកឧត្ដម បានបញ្ជាក់បន្ថែមថា កិច្ចការអភិវឌ្ឍជនបទ គឺជាការងារពហុវិស័យដែលទាមទា ឲ្យមានការចូលរួមសហការដោយសកម្ម និងរស់រវើកពីគ្រប់ក្រសួងស្ថាប័នពាក់ព័ន្ធទាំងអស់។ ក្នុងស្មារតីនេះ ក្រសួងអភិវឌ្ឍន៍ជនបទបានយកចិត្តទុកដាក់ខ្ពស់ក្នុងការងារស្តារ និងជួសជុលហេដ្ឋារចនាសម្ព័ន្ធជនបទ ដែលរួមមានផ្លូវជនបទ ស្ពាន អណ្តូងទឹក បង្គន់អនាម័យ និងផ្សារជនបទ ពិសេសការបង្កើនប្រាក់ចំណូលបន្ថែមសម្រាប់គ្រួសារតាមរយៈការអភិវឌ្ឍ សេដ្ឋកិច្ចសហគមន៍ជនបទ។ ជាក់ស្តែងមជ្ឈមណ្ឌលសហគមន៍នេះ នឹងចេញជារូបរាងឡើងនៅពេលដខ្លីខាងមុខនេះ ជាការរួមចំណែកជាមួយរាជរដ្ឋាភិបាលកម្ពុជា ដើម្បីកំណើនសេដ្ឋកិច្ច និងអភិវឌ្ឍន៍សង្គម ស្របតាមគោលនយោបាយ របស់រាជរដ្ឋាភិបាល។ តមកគណអធិបតី បានអញ្ជើញបញ្ចុះ បឋមសីលាជានិមិត្តរូបចាប់ផ្ដើមបើកការដ្ឋ សាងសង់មជ្ឈមណ្ឌល សហគមន៍ជាផ្លូវការ៕
ដោយ៖ ហុង ចំណាប់
 |
លោកជំទាវ ទេព បូរ៉ាមីន អនុរដ្ឋលេខាធិការក្រសួងអភិវឌ្ឍន៍ជនបទ បានឲ្យដឹងថា យោងតាមកិច្ចព្រមព្រៀងរវាងរាជ រដ្ឋាភិបាលកម្ពុជា ដែលតំណាងដោយក្រសួងអភិវឌ្ឍន៍ជនបទ និងរដ្ឋាភិបាលនៃសាធារណរដ្ឋប្រជាមានិតចិន នៃគម្រោងសាកល្បងកាត់បន្ថយភាពក្រីក្រ នៅកម្ពុជា អនុវត្តរយៈពេល៣ឆ្នាំ គឺចាប់ពីឆ្នាំ២០១៧-២០២០ ដែលថវិកាសរុប ៣៣,៣៣ លានយ៉េន ស្មើនឹងជាង ៥លានដុល្លារអាមេរិក ដើម្បីធ្វើសកម្មភាពផ្គត់ផ្គង់ទឹកស្អាត សាងសង់ប្រព័ន្ធស្រោចស្រពខ្នាតតូច ចិញ្ចឹមសត្វ បណ្ដុះបណ្ដាលជំនាញ និងសម្រាប់សាងសង់មជ្ឈមណ្ឌលសហគមន៍។
មជ្ឈមណ្ឌលសហគមន៍នេះ កំពុងបញ្ចុះបឋមសីលាកសាងនាពេលនេះ ត្រូវសង់លើផ្ទៃដី ២០០ម៉ែត្រការ៉េ មានកំពស់ ២ជាន់។ នៅជាន់ផ្ទាល់ដី មានបន្ទប់ការិយាល័យ២ បន្ទប់សម្ភារៈ១ បន្ទប់ប្រជុំ១ បន្ទប់រងចាំ ២ និងបន្ទប់ទឹក ២។ ដោយឡែកនៅជាន់ទី១ មានបន្ទប់បាយ ១ បន្ទប់ទឹក ២ បន្ទប់អាហារ ១ អាចប្រើប្រាស់ជាបន្ទប់ប្រជុំ សិក្សា និងពិធី ផ្សេងៗទៀតបាន (ចំនួន ១០០ នាក់ )។
លោក លី អាន ទីប្រឹក្សាសេដ្ឋកិច្ច និងពាណិជ្ជកម្មនៃស្ថានទូតសាធារណរដ្ឋប្រជាមានិតចិន ប្រចាំនៅកម្ពុជា បាន សម្ដែងការអបអរសាទរ ចំពោះកិច្ចខិតខំប្រឹងប្រែងរបស់មន្រ្ដីអនុវត្តគម្រោងនេះ និងកិច្ចសហប្រតិបត្តិការល្អ រវាងរដ្ឋាភិ បាលនៃសាធារណរដ្ឋប្រជាមនិតចិន និងរាជរដ្ឋាភិបាល នៃព្រះរាជាណាចក្រកម្ពុជា រួមចំណែកកាត់បន្ថយភាពក្រីក្រ របស់ប្រជាពលរដ្ឋកម្ពុជា នៅតំបន់ជនបទ និងជាចំណងមិត្តភាព នៃប្រទេសទាំងពីរផងដែរ។
លោក អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ បានមានប្រសាសន៍ថា ការកាត់បន្ថយភាពក្រីក្រ គឺជាការងារសំខាន់ ដែលរាជរដ្ឋាភិបាល បានយកចិត្តទុកដាក់យ៉ាងខ្លាំង ជាពិសេសក្រោមការដឹកនាំដ៏ត្រឹមត្រូវ និងប្រកបដោយគតិបណ្ឌិត របស់សម្តេច ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅតែចាត់ទុកវិស័យអភិវឌ្ឍន៍ជនបទ ជាវិស័យ អាទិភាពមួយ ក្នុងចំណោមវិស័យអាទិភាពទាំង៤ នៅក្នុងយុទ្ធសាស្ត្រចតុកោណដំណាក់កាលទី៣ របស់ខ្លួន។
រាជរដ្ឋាភិបាល ផ្តោតការយកចិត្តទុកដាក់លើការបន្តវិនិយោគ លើវិស័យហេដ្ឋារចនាសម្ព័ន្ធផ្លូវជនបទ ការងារអភិវឌ្ឍន៍ សហគមន៍ជនបទ និងការងារអភិវឌ្ឍន៍សេដ្ឋកិច្ចជនបទ។ ទន្ទឹមនឹងនេះ ក្រសួងអភិវឌ្ឍន៍ជនបទ បាននឹងកំពុងដើរ តួរនាទីយ៉ាងសំខាន់ ក្នុងការខិតខំជំរុញការធ្វើសមាហរណកម្ម រវាងទីក្រុង និងទីជនបទ កាន់តែមានលក្ខណៈប្រសើរឡើង សំដៅបង្កើតឡើងនូវកាលានុវត្តភាព សេដ្ឋកិច្ចសង្គម ជំរុញកំណើនបរិយាប័ន្នសេដ្ឋកិច្ច និងកែលម្អជីវភាពរបស់ប្រជាជននៅតំបន់ជនបទ ឲ្យកាន់តែប្រសើរឡើង។ ឯកឧត្ដម បានបញ្ជាក់បន្ថែមថា កិច្ចការអភិវឌ្ឍជនបទ គឺជាការងារពហុវិស័យដែលទាមទា ឲ្យមានការចូលរួមសហការដោយសកម្ម និងរស់រវើកពីគ្រប់ក្រសួងស្ថាប័នពាក់ព័ន្ធទាំងអស់។ ក្នុងស្មារតីនេះ ក្រសួងអភិវឌ្ឍន៍ជនបទបានយកចិត្តទុកដាក់ខ្ពស់ក្នុងការងារស្តារ និងជួសជុលហេដ្ឋារចនាសម្ព័ន្ធជនបទ ដែលរួមមានផ្លូវជនបទ ស្ពាន អណ្តូងទឹក បង្គន់អនាម័យ និងផ្សារជនបទ ពិសេសការបង្កើនប្រាក់ចំណូលបន្ថែមសម្រាប់គ្រួសារតាមរយៈការអភិវឌ្ឍ សេដ្ឋកិច្ចសហគមន៍ជនបទ។ ជាក់ស្តែងមជ្ឈមណ្ឌលសហគមន៍នេះ នឹងចេញជារូបរាងឡើងនៅពេលដខ្លីខាងមុខនេះ ជាការរួមចំណែកជាមួយរាជរដ្ឋាភិបាលកម្ពុជា ដើម្បីកំណើនសេដ្ឋកិច្ច និងអភិវឌ្ឍន៍សង្គម ស្របតាមគោលនយោបាយ របស់រាជរដ្ឋាភិបាល។ តមកគណអធិបតី បានអញ្ជើញបញ្ចុះ បឋមសីលាជានិមិត្តរូបចាប់ផ្ដើមបើកការដ្ឋ សាងសង់មជ្ឈមណ្ឌល សហគមន៍ជាផ្លូវការ៕
Post a Comment