ឯកឧត្តម ហ៊ុន ម៉ានី បានអញ្ជើញទៅចូលរួមសំណេះសំណាលជាមួយ ថ្នាក់ដឹកនាំ សមាជិក សមាជិកា សហភាពសហព័ន្ធយុវជនកម្ពុជា ប្រចាំសាកលវិទ្យាល័យ ជា ស៊ីម កំចាយមារ

ខេត្តព្រៃវែង

ដោយៈ សេង ស៊ីដារ៉ូ

ឯកឧត្តម ហ៊ុន ម៉ានី បានអញ្ជើញទៅចូលរួមសំណេះសំណាលជាមួយ ថ្នាក់ដឹកនាំ សមាជិក សមាជិកា សហ​ភាព​សហព័ន្ធយុវជនកម្ពុជា ប្រចាំ សាកលវិទ្យាល័យ ជា ស៊ីម កំចាយមារ​ ខេត្តព្រៃវែង នៅថ្ងៃអង្គារ ១១រោច ខែស្រាពណ៍ ឆ្នាំខាល ច​ត្វាស័ក ព.ស ២៥៦៦ ត្រូងនឹងថ្ងៃទី២៣ ខែ សីហា ឆ្នាំ២០២២។

ក្នុងបេសកកម្មរបស់ឯកឧត្តម ហ៊ុន ម៉ានី ​នៅសាកលវិទ្យាល័យជាស៊ីម កំចាយមារ នាព្រឹកនេះ គឺ ដើម្បី​ធ្វើ​ការកត់សម្គាល់ពីសមត្ថភាព អត្ត ចរិតល្អ និងភាពឆ្លាតវៃរបស់និស្សិតតាមរយៈការសួរសំណួរ និងជា ឱកាស​របស់ពួកគេក្នុងការទាញយកវេទិកាដើម្បីរៀនសូត្របន្ថែម សម្រាប់អនាគត និងជួយសង្គម។

ឯកឧត្តម ហ៊ុន ម៉ានី បានលើកឡើងថា ការសួរសំណួរទាំងអស់​មកកាន់ រូបខ្ញុំនេះ គឺប្អូនៗនស្សិតចង់ បង្ហាញ​ពីការស្រេកឃ្លាននូវចំណេះដឹង ចង់ ចេះ ចង់យល់ ចង់ដឹង ចង់អភិវឌ្ឍសមត្ថភាពខ្លួនបន្ថែម​ដើម្បី​ក្លាយ​ជា សរសរទ្រូងដ៏រឹងមាំរបស់ប្រទេសជាតិ។ ចំណែកខ្លួនខ្ញុំ ក៏បានរៀនសូត្រ បន្ថែមផងដែរ នៅសំណួរ ដែល​សុទ្ធតែត្រូវបានប្រិតប្រៀង ចេញពីការ​វិភាគ និងសុទ្ធតែជាសំណួរដែលមានសារៈសំខាន់ ។ រូបខ្ញុំជឿ​ជាក់​ថា តាម​រយៈការឆ្លៀតឱកាសយកវេទិកាបែបនេះ មករៀនសូត្រ ប្អូនៗ​នឹង​អាចអភិវឌ្ឍខ្លួនជាបន្តបន្ទាប់​ក្លាយជាធនធានគំរូមួយសម្រាប់សង្គម​ជាតិ និងជាធនធានមនុស្សដ៏មានប្រសិទ្ធភាព ដើម្បីដើរឱ្យទាន់​របត់​ពិភព​លោក។

https:kronglungvek.com.kh