ការរៀបរៀងសៀវភៅដែលមានចំណងជើងថា ៖ «ក្តីសង្ឃឹម ហ៊ុន ម៉ានី» នៅលើទឹកដីខេត្តសៀមរាប

សៀមរាប

ដោយៈ សេង ស៊ីដារ៉ូ

ឯកឧត្តម ហ៊ុន ម៉ានី បានអញ្ជើញចូលរួមក្នុងកិច្ចពិភាក្សាស្តីពីសៀវភៅ៖ «ក្តីសង្ឃឹម ហ៊ុន ម៉ានី» ដែល​អង្គភាពសារព័ត៌មានថ្មីៗ បានរៀបចំឡើង នៅលើទឹកដីខេត្តសៀមរាប ដែលមាន​វាគ្មិនល្បីៗ ព្រមទាំង​សាធារណ​ជន​ និងមិត្តអ្នកអានសៀវភៅ ក៏ដូចជាអ្នកសារព័ត៌មានជាតិ និងអន្តរ ជាតិនានា ជាដើម។

ឯកឧត្តម ហ៊ុន ម៉ានី សូមថ្លែងអរគុណដល់អ្នកនិពន្ធដែលបានសំរេចចិត្ត ជ្រើសរើសខ្ញុំជាតួអង្គ មុនដំបូង ខ្ញុំហាក់មានការភ្ញាក់​ផ្អើល ខណៈអ្នក និពន្ធបានចំណាយពេល ជាច្រើនក្នុងការតាមដាន និងសង្កេតយ៉ាង​ហ្មត់​ចត់ចំពោះសកម្មភាពការងារ ការរស់នៅប្រចាំថ្ងៃរបស់ខ្ញុំ រហូតឈាន ដល់ការសរសេរសៀវភៅ​ក្តី​សង្ឃឹម ហ៊ុន ម៉ានី បាន យ៉ាងល្អិតល្អន់ ថែម ទៀត។

ក្នុងនាមខ្ញុំជាតួអង្គ ហើយក៏ជាអ្នកអានមួយរូប សម្រាប់សៀវភៅ៖ «ក្តីសង្ឃឹម ហ៊ុន ម៉ានី» ឯកឧត្តម ហ៊ុន ម៉ានី យល់ថា សៀវភៅនេះ ពិតជាបានឆ្លុះបញ្ចាំងភាគច្រើនពីខ្ញុំ មិនថាបុគ្គលិកលក្ខណៈភាពជា អ្នកដឹកនាំ ចក្ខុវិស័យ ឆន្ទៈ និងការប្តេជ្ញាចិត្តរបស់ខ្ញុំ ចំពោះប្រទេស
ជាតិ និងសង្គម។ ទន្ទឹមនេះ តម្លៃ និងសារៈ​សំខាន់​នៃសៀវភៅនេះ មិនត្រឹមតែអនុញ្ញាតឱ្យសារធារណជនអាចស្វែងយល់កាន់តែច្បាស់
អំពីខ្ញុំ និងបានឱ្យខ្ញុំ​អាច​កាន់​តែ​យល់​ពីខ្លួនឯងផ្ទាល់ តាមរយៈខ្លឹមសារ ដែលអ្នកនិពន្ធដែលមានវិជ្ជាជីវៈ ​ជាអ្នកសារព័ត៌​មាន​ជំនាញមួយរូប
បានចងក្រង រំលេចឡើងក្នុងសៀវភៅនេះ។

ជាថ្មីម្តងទៀត ខ្ញុំសូមវាយតម្លៃខ្ពស់ចំពោះអ្នកនិពន្ធ លោក លាង ដឺលុច ដែលបានតាក់តែងសៀវភៅ៖ «ក្តីសង្ឃឹម ហ៊ុន ម៉ានី» នេះឡើង ដោយ ប្រើយន្តការសង្កេតតាមដាន ផង បទសម្ភាសន៍ផង និងតាមរយៈ​បទ​ពិសោធន៍​ផ្ទាល់របស់អ្នកនិពន្ធ ដែលនាំអោយខ្លឹមសារមានភាពស៊ី
ជម្រៅ និងលម្អិតបំផុត៕

https://kronglungvek.com.kh