រដ្ឋបាលរាជធានីភ្នំពេញ បានផ្ញើលិខិតជូនលោកប្រធានគណៈកម្មការៀបចំការបោះឆ្នោត រាជធានីភ្នំពេញ ស្តីពីការបញ្ចៀសការប្រមូលផ្តុំ និងដង្ហែរក្បូនឃោសនាបោះឆ្នោតរបស់គណបក្សនយោបាយ តាមបណ្តាទីតាំង និងផ្លូវមួយចំនួនក្នុងរាជធានីភ្នំពេញ សម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តី៥ ឆ្នាំ ២០២២

ភ្នំពេញ

ដោយៈ ហុង ចំណាប់

រដ្ឋបាលរាជធានីភ្នំពេញ បានជម្រាបជូនលោកប្រធានគណៈកម្មការៀបចំការបោះឆ្នោត រាជធានីភ្នំពេញ ស្តីពីការបញ្ចៀសការប្រមូលផ្តុំ និងដង្ហែរក្បូនឃោសនាតាមបណ្តាទីតាំង និងផ្លូវមួយចំនួនក្នុងរាជធានីភ្នឹពេញ របស់គណបក្សនយោបាយនានា ក្នុងយុទ្ធនាការឃោសនាបោះឆ្នោត ជ្រើស រើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ចាប់ពីថ្ងៃទី២១ ខែឧសភា ដល់ថ្ងៃទី៣០ ខែមិថុនា ឆ្នាំ២០២២។

យោងតាមលិខិតលេខ ៦១២ សជណ ចុះថ្ងៃទី១១ ខែឧសភា ឆ្នាំ២០២២ របស់ក្រសួងមហាផ្ទៃ និងលិខិតលេខ ១៣២ គ.ប/ភ.ព ចុះថ្ងៃទី០៤ ខែមេសា ឆ្នាំ២០២២ របស់គណៈកម្មការរៀបចំការ បោះឆ្នោតរាជធានីភ្នំពេញ។

ដូច្នេះយោងតាមឯកសារខាងលើនេះ រដ្ឋបាលរាជធានីភ្នំពេញ សូមជម្រាបជូនលោកប្រធានគណៈកម្មការៀបចំការបោះឆ្នោត រាជធានីភ្នំពេញ ជ្រាបថា ដើម្បីឱ្យការប្រព្រឹត្តទៅនៃការឃោសនារកសម្លេងឆ្នោត ក្នុងយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ដែលនឹងប្រពឹត្តទៅចាប់ពីថ្ងៃ ទី១១ ខែឧសភា ដល់ថ្ងៃទី៣០ ខែមិថុនា ឆ្នាំ២០២២ ខាងមុខនេះ ធានាបាននូវសន្តិភាព សុវត្ថិភាព សណ្តាប់ធ្នាប់សាធារណៈ ជូនគណបក្សនយោបាយទាំងអស់បានល្អប្រសើរ និងបញ្ចៀសការកកស្ទះចរចា ដែលរំខានដល់ការធ្វើដំណើររបស់ប្រជាពលរដ្ឋ ក៏ដូចជាការអញ្ជើញរបស់គណៈប្រតិភូជាតិ-អន្តរជាតិ និងភ្ញៀវទេសចរណ៍នោះ រដ្ឋបាលរាជធានីភ្នពេញ ស្នើរលោកប្រធានគណៈកម្មការៀបចំការបោះឆ្នោត រាជធានីភ្នំពេញ ធ្វើការណែនាំដល់គណបក្សនយោបាយ ឱ្យបញ្ចៀសការប្រមូលផ្តុំ និងដង្ហែរក្បូនឃោសនាតាមដងវិថី មហាវិថី ទីប្រជុំ និងទីតាំងសាធារណៈ ដែលរដ្ឋបាលរាជធានីភ្នំពេញហាមឃត់។

ក/ ផ្លូវ វិថី និងមហាវិថីនានា ដែលត្រូវចៀសវាងក្នុងការហែរក្បូន៖

១- កំណាត់មហាវិថីព្រះនរោត្តម (ចាប់ពីវិមានឯករាជ្យ ដល់ស្តុបបន្ទីរពេទ្យព្រះអង្គឌួង)

២- មហាវិថីសហព័ន្ធរុស្ស៊ី

៣- កំណាត់មហាវិថីព្រះមុនីវង្ស (ចាប់ពីស្តុប បេ កា សេ ដល់ស្តុបអតីតបន្ទីរពេទ្យចិន)

៤- កំណាត់មហាវិថីព្រះសីហនុ (ចាប់ពីស្តុបនាគបាញ់ទឹក មហាវិថីសម្តេចសុធារស ដល់ស្តុបអតីតមហវិថីបន្ទីរ ពេទ្យចិន)

៥- កំណាត់មហាវិថីម៉ៅសេទុង (ចាប់ពីស្តុបចេនឡា ដល់ស្តុបអតីតទេពផន)

៦- កំណាត់ផ្លូវឧញ៉ាទេពផន (ចាប់ពីស្តុបមហាវិថីព្រះមុនីវង្ស ដល់ស្តុបនាងគង្ហីង)

៧- កំណាត់មហាវិថីសម្តេចសុធារស (ចាប់ពីកែងផ្លូវលេខ ១៤៥ ដល់មហាវិថីព្រះសីហនុ)

៨- មហាវិថីព្រះសុរាម្រិត

៩- ផ្លូវជុំវិញព្រះបរមរាជវាំង (កំណាត់ផ្លូវលេខ២៤០ ផ្លូវលេខ១៨៤ និងផ្លូវលេខ១៩)

ខ/ ទីប្រជុំជនដែលត្រូវចៀសវាងប្រមូលផ្តុំឃោសនា និងហែរក្បួន៖

១- ផ្លូវជុំវិញផ្សារធំថ្មី

២- ផ្លូវជុំវិញផ្សារអូរឫស្ស៊ី

-៣ ផ្លូវជុំវិញផ្សាអូរឡាំពិក

៤- ផ្លូវជុំវិញផ្សារទួលទំពូង

៥- ផ្លូវជុំវិញផ្សារដេប៉ូ

៦- ផ្លូវជុំវិញផ្សារដើមគរ

គ/ ទីសាធារណៈ ដែលត្រូវចៀសវាងក្នុងការប្រមូលផ្តុំឃោសនា៖

១- សួនព្រះបរមរាជវាំង

២- ទីធ្លាព្រះមេរុ

៣- សួនមុខវត្តបទុមវតី (តែអនុញ្ញាតជូននៅទីវាលការីឡាចុងត្បូងសួនវត្តបទុមវតី)

៤- ទីតាំងវិមានឯករាជ និងសួនច្បារវិមានឯករាជទាំងមូល

៥- ទីធ្លារូបសំណាកលោកយាយពេញ

៦- សួរច្បារអ្នកភិរម្យភាសាអ៊ូ ហៅង៉ុយ

៧- សួនច្បារសម្តេច ហ៊ុន សែន។