ឯកឧត្តម ប្រាជ្ញ ចន្ទ ប្រធានក្រុមប្រឹក្សាជំនុំជម្រះ គ.ជ.ប បានចេញសេចក្តីសម្រេចលើបណ្តឹងដែលពាក់ព័ន្ធនឹងបញ្ជីបេក្ខជនដំបូងរបស់គណបក្សឆន្ទៈខ្មែរ និងគណបក្សភ្លើងទៀន
ភ្នំពេញ
ដោយៈ សេង ស៊ីដារ៉ូ
យោងតាមឯកសារសំណុំរឿងធ្វើការដោះស្រាយបណ្តឹងទាំង៤ របស់ក្រុមប្រឹក្សាជំនុំជម្រះនេះ មានឈ្មោះដើមបណ្តឹងដូចខាងក្រោយ៖
- ក្នុងសំណុំរឿងលេខ ១១១ ដើមបណ្តឹងឈ្មោះ ប៉ក់ ប៉ុន ភេទប្រុស ជាប្រជាពលរដ្ឋបានប្តឹងសុំលុបបញ្ជីបេក្ខ ជនដំបូងរបស់គណបក្សភ្លើងទៀន នៅសង្កាត់វាលវង់ ក្រុងកំពង់ចាម ខេត្តកំពង់ចាម។
- ក្នុងសុំណុំរឿងលេខ ១១២ ដើមបណ្តឹងឈ្មោះ ស សារ៉ា ភេទប្រុស ជាប្រជាពលរដ្ឋ បានប្តឹងសុំលុបបញ្ជី បេក្ខជនដំបូងរបស់គណបក្សភ្លើងទៀន នៅសង្កាត់សំបួរមាស ក្រុងកំពង់ចាម ខេត្តកំពង់ចាម។
- ក្នុងសំណុំរឿងលេខ ១៣១ ដើមបណ្តឹងឈ្មោះ សុខ ពង្សច័ន្ទវិស្សុត ភេទប្រុស ជាប្រជាពលរដ្ឋ បានប្តឹងសុំ លុបឈ្មោះបេក្ខជន ៣រូប ក្នុងបញ្ជី និងប្តឹងសុំលុបបញ្ជីបេក្ខជនដំបូងនៃគណបក្សភ្លើងទៀន នៅសង្កាត់ផ្សារថ្មី ទី៣ ខណ្ឌដូនពេញ រាជធានីភ្នំពេញ។
- ក្នុងសំណុំរឿងលេខ ១៣៣ ដើមបណ្តឹងឈ្មោះ សុខ ពង្សច័ន្ទវិស្សុត ភេទប្រុស ជាប្រជាពលរដ្ឋ បានប្តឹងសុំ លុបឈ្មោះបេក្ខជន ១០រូប ក្នុងបញ្ជីបេក្ខជន និងសុំប្តឹងលុបបញ្ជីបេក្ខជននៃគណបក្សឆន្ទៈខ្មែរ សម្រាប់ការ បោះឆ្នោតជ្រើសរើសក្រុមប្រឹក្សឃុំ សង្កាត់ អាណត្តិទី៥ ឆ្នាំ២០២២ នៅសង្កាត់ផ្សារថ្មីទី៣ ខណ្ឌដូនពេញ រាជ ធានីភ្នំពេញ។
ក្រោយពីក្រុមប្រឹក្សាជំនុំជម្រះ បានស្តាប់ការឆ្លើយបំភ្លឺរបស់ដើមបណ្តឹង ក្រោយបានស្តាប់ឆ្លើយបំភ្លឺរបស់មេធាវី ក្រោយពីបានពិនិត្យពិចារណាគ្រប់អង្គហេតុ និងក្រោយពីបានពិភាក្សាស្របតាមច្បាប់ស្តីពីការបោះឆ្នោតជ្រើ សរើសក្រុមប្រឹក្សាឃុំ សង្កាត់ បទបញ្ជា និងនីតិវិធីសម្រាប់
ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ក្រុមជំនុំជំម្រះ នៃគ.ជ.ប បានសម្រេច៖
- រក្សាទុកបញ្ជីបេក្ខជននៃគណបក្សភ្លើងទៀន សង្កាត់វាលវង់ ក្រុងកំពង់ចាម ខេត្តកំពង់ចាម ទុកជាបានការ ក្នុងសំណុំរឿងលេខ ១១១ សេចក្តីសម្រេចលេខ ០៨៣ គ.ជ.ប។
- រក្សាទុកបញ្ជីបេក្ខជនដំបូងនៃគណបក្សភ្លើងទៀន សង្កាត់សំបួរមាស ក្រុងកំពង់ចាម ខេត្តកំពង់ចាម ទុកជា បានការ ក្នុងសំណុំរឿងលេខ ១១២ សេចក្តីសម្រេចលេខ ០៨៤ គ.ជ.ប។
-លុបឈ្មោះបេក្ខជន ចំនួន ៣រូប ចេញពីបញ្ជីបេក្ខជននៃគណបក្សភ្លើងទៀន នៅសង្កាត់ផ្សារថ្មីទី៣ ខណ្ឌដូន ពេញ រាជធានីភ្នំពេញ៖
១ ឈ្មោះ នូច សារុំ ភេទប្រុស កើតថ្ងៃទី១១ ខែកុម្ភៈ ឆ្នាំ១៩៨៧ ឈរលេខរៀងទី៦
២ ឈ្មោះ នូច ដារ៉ា ភេទប្រុស កើតថ្ងៃទី១២ ខែមករា ឆ្នាំ១៩៨៥ ឈរលេខរៀងទី៧
៣ ឈ្មោះ ហែន ស្រីលក្ខណ៍ ភេទស្រី កើតថ្ងៃទី៥ ខែកុម្ភៈ ឆ្នាំ១៩៩១ ឈរលេខរៀងទី១៨។
- រក្សាទុកបញ្ជីបេក្ខជនដំបូងនៃគណបក្សភ្លើងទៀន នៅសង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ ទុកជាបានការ ក្នុងសំណុំរឿងលេខ ១៣១ សេចក្តីសម្រេចលេខ ០៨៥ គ.ជ.ប។
- លុបបញ្ជីបេក្ខជនឈរឈ្មោះបោះឆ្នោតនៃគណបក្សឆន្ទៈខ្មែរ នៅសង្កាត់ផ្សារថ្មីទី៣ ខណ្ឌដូនពេញ រាជធានី ភ្នំពេញ សម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ក្នុងសំណុំរឿងលេខ ១៣៣ សេចក្តីសម្រេចលេខ ០៨៦ គ.ជ.ប។ តំណាងគណបក្សឆន្ទៈខ្មែរ អវត្តមានក្នុងសវនាការ។
សេចក្តីសម្រេចរបស់ក្រុមប្រឹក្សាជំនុំជម្រះ នៃ គ.ជ.ប ជំនុំជម្រះ និងប្រកាសជាសាធារណៈនៅចំពោះមុខដើម បណ្តឹង ចុងចម្លើយ និងមេធាវីតំណាង ជាសេចក្តីសម្រេចស្ថាពរ បិទផ្លូវតវ៉ា៕
https://kronglungvek.com.kh
Post a Comment