សម្តេចតេជោ ហ៊ុន សែន បានថ្លែងថា ទឹកដីកម្ពុជាក្រោមបាត់បង់មុនកំណើតរបស់ឪពុកសម្តេច និងសម្តេច បញ្ជាក់បន្ថែមថា បើធានាសន្តិភាពមិនបានទេ កុំនិយាយដល់ការអភិវឌ្ឍសិទ្ធិមនុស្ស និងប្រជាធិបតេយ្យ
ដោយៈ សេង ស៊ីដារ៉ូ
សម្តេចតេជោ ហ៊ុន សែន បានថ្លែងបន្តថា សម្តេចជាអ្នកនយោបាយដ៏ស្នើមម្នាក់នៅអាស៊ី ហើយសម្តេចបានដឹកនាំប្រទេសជាតិតាំងពីមិនទាន់មានសុខសន្តិភាព រហូតដល់រូបសម្តេចបានរំដោះប្រទេសជាតិឲ្យរួចផុតពីរបបខ្មែរក្រហមប៉ុលពត និងបានអភិវឌ្ឍប្រទេសជាតិឲ្យមានភាពរីកចម្រើន និងសុខសន្តិភាពពេញលេញដូចបច្ចុប្បន្ននេះ។
សម្តេចតេជោ ហ៊ុន សែន បានថ្លែងទៀតថា សន្តិភាព គឺនយោបាយអា
ទិភាពខ្ពស់បំផុតរបស់រាជរដ្ឋាភិបាលកម្ពុជានាពេលបច្ចុប្បន្ន។ បើធានាសន្តិភាពមិនបានទេ កុំនិយាយដល់ការអភិវឌ្ឍសិទ្ធិមនុស្ស និងប្រជាធិបតេយ្យ។សម្តេចតេជោខិតខំរកសន្តិភាព ដោយការបញ្ចប់ភ្លើងសង្គ្រាម តែមិនអាចរកសន្តិភាពផ្លូវចិត្តចំពោះអ្នកមានពិរុទ្ធភាពនោះឡើយ។
សម្តេចតេជោ ហ៊ុន សែន បានថ្លែងបញ្ជាក់ថា ការផ្តល់សពា្វវុធទៅកាន់អ៊ុយក្រែន នឹងធ្វើឱ្យសង្គ្រាមរុស្សី-អ៊ុយក្រែន ផ្ទុះកាន់តែខ្លាំង។ សម្តេចតេជោ ហ៊ុន សែន មិនគាំទ្រការផ្តាច់ខ្លួនរបស់ហុងកុង តៃវ៉ាន់ ទីបេ និងជឺចាំង ពីប្រទេសចិននោះឡើយ។
សម្តេចតេជោ ហ៊ុន សែន សុំការយោគយល់ពីប្រជាពលរដ្ឋចំពោះការឡើងថ្លៃប្រេង។ ការឡើងនេះគឺមិនមែនតែកម្ពុជានោះទេ គឺឡើងនៅទូទាំងពិភពលោក។
https://kronglungvek.com.kh
Post a Comment