សម្តេចតេជោ ហ៊ុន សែន បានថ្លែងបន្តថា សង្រ្គាមរវាងរុស្សី និងអ៊ុនក្រែន បានក្លាយជាសង្គ្រាមរវាងរុស្សី និង អឺរ៉ុបហើយ

 ភ្នំពេញ

ដោយៈ សេង ស៊ីដារ៉ូ

សម្តេចតេជោ បានលើកឡើងទៀតថា ប្រធានអាស៊ានឆ្នាំ២០២២ មិន​មែន​ជារឿងសាមញ្ញនោះឡើយ។បញ្ហាបានកើតឡើងជាបន្តបន្ទាប់ ក្រៅពីបញ្ហាសមុទ្រចិនខាងត្បូង មីយ៉ាន់ម៉ា នៅពេលនេះមានបញ្ហា​សង្គ្រាមរុស្សី-អ៊ុយក្រែនបន្ថែមទៀត។

សម្តេចតេជោ ហ៊ុន សែន បានថ្លែងថា សម្តេចមិនគាំទ្រដល់ការធ្វើ​សកម្ម​ភាពបំបែករដ្ឋ ហើយក៏មិនគាំទ្រការ យកសង្គ្រាមដើម្បីបញ្ចប់សង្គ្រាម​នោះ​​ឡើយ។ ចំណែកសង្រ្គាមរវាងរុស្សី និងអ៊ុនក្រែន នៅពេលនេះបាន​ក្លាយជាសង្គ្រាមរវាងរុស្សី និងអឺរ៉ុបហើយ។ សង្គា្រមរុស្សី និងអ៊ុយក្រែន នឹងអូសបន្លាយកាន់តែយូរ បើរុស្សីរក្សាទា ហានទុកនៅអ៊ុយក្រែន។

សម្តេចនៅតែជឿថា រុស្សី និងអ៊ុយក្រែន មិនទាន់អស់ឱកាសក្នុងការ​ចរចា​គ្នា​នោះឡើយ។ សម្តេចលើកទឹកចិត្តឱ្យមានការចរចាគ្នា។

សម្តេចតេជោ ហ៊ុន សែន បានបញ្ជាក់ថា អ្វីដែលសម្តេចថ្លែង​ពាក់ព័ន្ធ​សង្គ្រាមរុស្សី-អ៊ុយក្រែននេះ គឺក្នុងនាមទស្សនៈផ្ទាល់ខ្លួនរបស់សម្តេច មិនមែនក្នុងនាមអាស៊ានឡើយ។ ដូច្នេះ រុស្សី និងអ៊ុយក្រែននឹង​យោគ​យល់ចំពោះគោលជំហររបស់កម្ពុជា ហើយនឹងគ្មានការចាប់បង្ខំកម្ពុជា​ឱ្យ​ជ្រើស​យកភាគីនេះ ឬភាគីនោះឡើយ។

សម្តេចតេជោ ហ៊ុន សែន បានថ្លែងបន្តទៀតថា សង្គ្រាមរុស្សី និងអ៊ុយ​ក្រែន​ក្លាយទៅជាការដាក់បន្ទុកបន្ថែមសម្រាប់សេដ្ឋកិច្ចពិភពលោក ខណៈកំពុងញុំាញីដោយជំងឺកូវីដ១៩ ចំពោះសេដ្ឋកិច្ចកម្ពុជាកំពុងរង​ផលប៉ះពាល់ដោយសារជំងឺកូវី១៩ ហើយអាចប៉ះពាល់បន្ថែមទៀត​ដោយ​សារសង្គ្រាមរុស្សី និងអ៊ុយក្រែន។ ប្រសិនបើសង្គ្រាមរុស្សី និង​អ៊ុយក្រែន ឈានដល់ការប្រើនុយក្លេអ៊ែរ នោះអឺរ៉ុប រុស្សី និងអាមេរិក

ផង អាចនឹងខ្ទេចខ្ទី។

https://kronglungvek.co.kh