សម្តេចតេជោ ហ៊ុន សែន ជាថ្នាក់ដឹកនាំក្នុងការអភិវឌ្ឍប្រទេសដ៏ស្នើមនៅអាស៊ីអាគ្នេយ៍ និងជា​អ្នកគាំ​ទ្រដំ​ណើរ​ការសន្តិភាពថ្មីនៅលើឧបទ្វីបកូរ៉េ និងទទួលបានពានរង្វាន់សន្តិភាពស៊ុនហាក់ពីកូរ៉េ

ភ្នំពេញ

 ដោយៈ សេង ស៊ីដារ៉ូ

សម្តេចតេជោ ហ៊ុន សែន នាយករដ្ឋមន្ត្រីកម្ពុជា ទទួលបាន«ពានរង្វាន់សន្តិភាពស៊ុនហាក់( Sunhak Peace Prize )» ក្នុងអំឡុងពេលកិច្ចប្រជុំកំពូលពិភពលោកឆ្នាំ២០២២ (World Summit 2022) ដែលសម្តេច​តេ​ជោ ជាសហប្រធាននៃកិច្ចប្រជុំដ៏សំខាន់នៅកូរ៉េខាងត្បូងនេះ កាលពីថ្ងៃទី១២ ខែកុម្ភៈ ឆ្នាំ២០២២។

 លោកបណ្ឌិត យុន យ៉ុងហូ (Yun Young – Ho) អគ្គនាយកអង្គការសហព័ន្ធសន្តិភាពពិភពលោក (UPF) ក្នុងសន្និសីទសារព័ត៌មានស្តីពីកិច្ចប្រជុំកំពូលឆ្នាំ ២០២២ និងការប្រកាសជ័យលាភីពានរង្វាន់សន្តិភាពស៊ុន​ហាក់ ឆ្នាំ២០២២ ដែលបានធ្វើឡើងនៅថ្ងៃទី៧ ខែកុម្ភៈ ឆ្នាំ២០២២ តាមប្រព័ន្ធអនឡាញពីកូរ៉េខាងត្បូង។​

 មាន​ឥស្សរជនឆ្នើមចំនួន ៣នាក់ដែលទទួលបានពានរង្វាន់សន្តិភាពស៊ុនហាក់ឆ្នាំ២០២២រួមមាន៖

 ១៖ សម្តេចតេជោ ហ៊ុន សែន ដែលជាថ្នាក់ដឹកនាំក្នុងការអភិវឌ្ឍប្រកបដោយចីរភាពនៅអាស៊ីអាគ្នេយ៍ និងជា​អ្នកគាំទ្រដំណើរការសន្តិភាពថ្មីនៅលើឧបទ្វីបកូរ៉េ ទទួលបាន «ពានរង្វាន់កិត្តិយសពិសេសទី៣ របស់ស្ថាប​និក​ឆ្នាំ២០២២»។

 ២៖ សម្ព័ន្ធវ៉ាក់សាំង Gavi ដែលជាអ្នកដឹកនាំសកលក្នុងការទទួលបានថ្នាំ​បង្ការ ដោយស្មើភាពក្នុងអំឡុង​ពេល​ជំងឺកូវីដ១៩ទទួលបាន«ជ័យលាភីពានរង្វាន់សន្តិភាពស៊ុនហាក់ឆ្នាំ២០២២»។

 ៣៖ លោកស្រី សារ៉ាហ៍ ខាត់ថេរីន ហ្គីលប៊ឺត ( Sarah Catherine Gilbert ) ដែលជាសហអ្នកបង្កើត​វ៉ាក់​សាំង Oxford – Astrazeneca ទទួលបាន «ជ័យលាភីពានរង្វាន់សន្តិភាពស៊ុនហាក់ឆ្នាំ២០២២។

ម្ចាស់ជ័យលាភីទាំងអស់ត្រូវបានផ្តល់ពានរង្វាន់នេះ ​ដោយពួកគាត់បានខិតខំប្រឹងប្រែងក្នុងការលើកកម្ពស់​សន្តិ​​​ភាព​និង​ការអភិវឌ្ឍមនុស្ស រួមទាំងការខិតខំប្រឹងប្រែងដើម្បីការពារសុខភាព និងសុខុមាលភាព​របស់​មនុស្សជាតិនៅក្នុងអំឡុងពេលនៃការរាតត្បាតជំងឺកូវីដ១៩។ ជ័យលាភីម្នាក់ៗ នឹងទទួលបានរង្វាន់ជាសាច់​ប្រាក់ និងមេដាយមាស នៅឯកិច្ចប្រជុំកំពូលពិភពលោកឆ្នាំ២០២២​ ដែលជាកិច្ចប្រជុំកំពូល ដើម្បីសន្តិ​ភាព​នៅឧបទ្វីបកូរ៉េនៅថ្ងៃទី១២ ខែកុម្ភៈ ឆ្នាំ២០២២ នៅសាធារណរដ្ឋកូរ៉េ ឬកូរ៉េខាងត្បូង។

 កិច្ចប្រជុំកំពូលពិភពលោកស្តីពីសន្តិភាពនៅឧបទ្វីបកូរ៉ និងប្រមូលផ្តុំវាគ្មិនសំខាន់ៗ ចូលរួម​ដែលមក​ពីប្រទេស​ចំនួន ១៥៧​ ដើម្បីស្វែងយល់ពីការរំពឹងទុកសម្រាប់ការផ្សះផ្សាដោយសន្តិវិធី​នៃឧបទ្វីបកូរ៉េ។ កិច្ចប្រជុំកំ​ពូល​ពិភព​លោកឆ្នាំ២០២២ នឹងប្រព្រឹត្តទៅនៅទីក្រុងសេអ៊ូលប្រទេសកូរ៉េខាងត្បូង ក្នុងនោះមនុស្សប្រមាណ ១០០០​នាក់ ត្រូវបានចូលរួមដោយផ្ទាល់នៅទីក្រុងសេអ៊ូល ហើយអ្នកចូលរួមរាប់លាននាក់ទៀត ​តាមរយៈ​ប្រព័ន្ធនិម្មិត ( Online )។

 សហស្ថាបនិក UPF គឺបណ្ឌិត ហាក់ ចាហាន មូន (Hak Ja Han Moon) ត្រូវធ្វើជាម្ចាស់ផ្ទះ ហើយសម្តេ​ច​តេជោ ហ៊ុន សែន នាយករដ្ឋមន្ត្រីកម្ពុជា និងលោក បាន គីមូន (Ban Ki-moon) អគ្គលេខាធិការអង្គការ​សហ​ប្រជាជាតិលើកទី៨ ជាសហប្រធាននៃកិច្ចប្រជុំកំពូលពិភពលោក ឆ្នាំ២០២២នេះ៕