ឯកឧត្តម ហ៊ុន ម៉ានី បានបញ្ជាក់ថា កម្ពុជា យល់ពីតម្លៃសន្តិភាព ដោយ​កម្ពុជា មាននូវមគ្គុទេសន៏សន្តិភាពដ៏ប៉ិនប្រសព្វ នោះគឺសម្តេចតេជោ​នាយករដ្ឋមន្រ្តី

ដោយៈ សេង ស៊ីដារ៉ូ

ឯកឧត្តម ហ៊ុន ម៉ានី បានមានប្រសាសន៍ថា កម្ពុជា មិនដែលបំផ្លាញ​ប្រ​ទេស​ណាមួយឡើយ។ ទោះខ្លួនស្ថិតក្នុងសភាពជាជនរង​គ្រោះ​ក៏​ដោយ ក៏កម្ពុជាបានបន្តចូលរួមចំណែកជាវិជ្ជមាន​ជាមួយប្រទេស​ជាមិត្ត និងពិ​ភពលោកក្នុងកិច្ចការកសាងសន្តិភាព ស្ថិរភាពក្នុងតំបន់ ឈានឆ្ពោះ​ទៅ​រកវិបុលភាពសម្រាប់ប្រជាពលរដ្ឋទូទៅ។

ឯកឧត្តម ហ៊ុន ម៉ានី បានលើកឡើងទៀតថា ក្នុងកាលៈទេសៈ​នៃការឆ្លង​រីក​រាល​ដាលជំងឺកូវីដ១៩ ក្នុងតំបន់ កម្ពុជាបានចូលរួមចំណែក​រំលែកទុក្ខ​លំបាកបណ្តាប្រទេសជាមិត្ត តាមរយៈការចែករំលែក​នូវសម្ភារបរិក្ខា​ពេទ្យ ​ថ្នាំសង្កូវ និងឧបករណ៏ការពារផ្សេងៗដែលខ្លួនទទួលបាន​យ៉ាងលំ​បាក។ កម្ពុជា ក៏បាននឹងកំពុងដើរតួនាទីយ៉ាងសំខាន់ ក្នុងនាមជាប្រធាន​អា​​ស៊ាន ចូលរួមដោះស្រាយជម្លោះនៅមីយ៉ាន់មា ធ្វើយ៉ាងណាធានាឲ្យ​បាននូវ​​សុខសន្តិភាពជូនប្រជាពលរដ្ឋ។

ឯកឧត្តម ហ៊ុន ម៉ានី បានបញ្ជាក់បន្ថែមថា កម្ពុជា យល់ពីតម្លៃសន្តិភាព ដោយកម្ពុជា មាននូវមគ្គុទេសន៏សន្តិភាពដ៏ប៉ិនប្រសព្វ នោះគឺសម្តេច​តេជោនាយករដ្ឋមន្រ្តី។ អបអរសាទរកម្ពុជា! អរគុណសន្តិភាព!

https://kronglungvek.com.kh