អណ្តូងស្នប់ចំនួន៩៦៤អណ្តូង និងស្រះទឹកសហគមន៍ចំនួន៥៤ស្រះ ជាសមិទ្ធផលថ្មី ដែលរាជរដ្ឋាភិបាលប្រគល់ជូនខេត្តទាំង១០

ខេត្តកំពង់ឆ្នាំង

ដោយៈ ហុង ចំណាប់

សមិទ្ធផលថ្មី មានអណ្តូងស្នប់ដែលមានចំនួន៩៦៤អណ្តូង និងស្រះទឹក សហគមន៍ចំនួន៥៤ស្រះក្នុងក្របខណ្ឌគម្រោងផ្គត់ផ្គង់ទឹកជនបទជំហានទី២ ក្រោមហិរញ្ញប្បទានឥតសំណងរបស់រដ្ឋាភិបាល នៃសាធារណរដ្ឋ ប្រជាមានិតចិន។

បានប្រារព្ធពិធីសម្ពោធដាក់ឱ្យប្រើប្រាស់ជាផ្លូវការណ៍ ក្រោមអធិបតីភាព​លោកបណ្ឌិត​សភាចារ្យ អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ និង​មាន​ការអញ្ជើញចូលរួមពីលោក វូ គូឈន ទីប្រឹក្សាសេដ្ឋកិច្ច និងពាណិជ្ជ​កម្មរបស់ស្ថានទូតនៃសាធារណរដ្ឋប្រជាមានិតចិនប្រចាំកម្ពុជា ដោយ​ប្រ​ព្រឹត្តទៅនៅភូមិ អណ្តូងរវៀង ឃុំ អញ្ចាញរូង ស្រុកបរិបូរណ៍ ខេត្តកំពង់​ឆ្នាំង ជានិមិត្តរូបតំណាងឱ្យខេត្តគោលដៅទាំង១០នៃគម្រោង។

យោងតាមរបាយការណ៍សមិទ្ធផល ដែលស្ថិតនៅក្នុងខេត្តគោល​ដៅ​ទាំង​១០ នៃគម្រោងនេះរួមមាន៖ ខេត្តកំពង់ឆ្នាំងទទួលបានអណ្តូងខួង ៨០អណ្តូង ស្រះចំនួន៥ស្រះ, ស្វាយរៀង ១០០អណ្តូង ស្រះ៤, ព្រៃវែង ១០០អណ្តូង ស្រះ៤ ,កំពត ១០៤អណ្តូង ស្រះ៤, កំពង់ស្ពឺ ៨០អណ្តូង ស្រះ៥, ពោធិ៍សាត់ ១០០អណ្តូង ស្រះ៧, បន្ទាយមានជ័យ ១០០អណ្តូង ស្រះ៧ , កំពង់ចាម ១០០អណ្តូង ស្រះ ៤, សៀមរាប ១០០អណ្តូង ស្រះ​៧, និងខេត្តបាត់ដំបងទទួលបាន១០០អណ្តូង និងស្រះចំនួន ៧ស្រះ៕

https://kronglungvek.com.kh